Pramāṇa · Search · About · API

Vaishnavakhanda 70

Vaiṣṇavakhaṇḍa 70

Language
Sanskrit

Contents

70.1

cha || || nārada uvāca
vrajaṃtī girijā'paśyatsakhīṃ māturmahāprabhām || kusumāmodinīṃnāma tasya śailasya devatām

70.2

sāpi dṛṣṭvā girisutāṃ snehaviklavamānasā
kapunargacchasītyucairāliṃgyevāca devatā

70.3

sā cāsyai sarvamācakhyau śaṃkarātkopakāraṇam || punaścovāca girijā devatāṃ mātṛsaṃmatām

70.4

nityaṃ śailādhirājasya devatā tvamaniṃdite || sarvaṃ ca sannidhānaṃ ca mayi cātīva vatsalā

70.5

tadahaṃ saṃpravakṣyāmi yadvidheyaṃ tavādhunā || athānya
strīpraveśe tu samīpe tu pinākinaḥ

70.6

tvayākhyeyaṃ mama śubhe yuktaṃ paścātkaromyaham || tathetyukte tayā devyā yayau devī giriṃ prati

70.7

ramye
tatra mahāśṛṃge nānāśvaryopaśobhite || vibhūṣaṇādi saṃnyasya vṛkṣavalkaladhāriṇī

70.8

tapastepe girisutā putreṇa paripālitā || śrīṣme paṃcāgnisaṃ
tatā varṣāsu ca jaloṣitā

70.9

sthaṃḍilasthā ca hemaṃte nirāhārā tatāpa sā || etasminnaṃtare daityo hyaṃdhakasya suto balī

70.10

jñātvā gatāṃ
girisutāṃ piturvairamanusmaran || āḍirnāma bakabhrātā rahasyāṃtaraprekṣakaḥ

70.11

jite kilāṃdhake daitye giriśenāmaradviṣi || āṃḍiścakāra vipulaṃ
tapo harajigīṣayā

70.12

tamāgatyābravīdbrahmā tapasā paritoṣitaḥ || brūhi kiṃ vāsuraśreṣṭha tapasā prāptumicchasi

70.13

brahmāṇamāha daityastu nirbhī
tyutvamahaṃ vṛṇe || || brahmovāca || || na kaścicca vinā mṛtyuṃ jaṃturāsura vidyate

70.14

yatastato'pi daityeṃdra mṛtyuḥ prāpyaḥ śarīriṇā || ityukto
daityasiṃhastu provācāṃbujasaṃbhavam

70.15

rūpasya parivarto me yadā syātpadmasaṃbhava || tadā mṛtyurmama bhavedanyathā tvamaro hyaham

70.16

ityuktastaṃ
tathetyāha tuṣṭaḥ kamalasaṃbhavaḥ || ityukto'maratāṃ mene daityarājyasthito'suraḥ

70.17

ājagāma sa ca sthānaṃ tadā tripuraghātinaḥ || āgato dahaśe taṃ
ca vīrakaṃ dvāryavasthitam

70.18

taṃ cāsau vaṃcayitvā ca āḍiḥ sarpaśarīrabhṛt || avārito vīrakeṇa praviveśa harāṃtikam

70.19

bhujaṃgarūpaṃ
saṃtyajya babhūvātha mahāsuraḥ || umārūpī chalayituṃ giriśaṃ mūḍhacetanaḥ

70.20

kṛtvomāyāstato rūpamapratakaryamanoharam || sarvāva
yavasaṃpūrṇaṃ sarvābhijñānasaṃvṛtam

70.21

cake agāṃtare daityo daṃtānvajropamānhaḍhān || tīkṣṇāgrānbuddhimohena giriśaṃ haṃtumudyataḥ

70.22

kṛtvomārūpamevaṃ sa sthito daityo harāṃtike || tāṃ dṛṣṭvā giriśastuṣṭaḥ samāliṃgya mahāsuram

70.23

manyamāno girisutāṃ sarve
rakyavāṃtaraiḥ || apṛcchatsādhu te bhāvo giriputrī hyakṛtrimā

70.24

yā tvaṃ madāśayaṃ jñātvā prīteha varavarṇini || tvayā virahitaḥ śūnyaṃ nanyerimanbhu
vanatraye

70.25

prātā prasannā yā tvaṃ māṃ yuktamevaṃvidhaṃ tvayi || ityukte gūhayaṃśceṣṭasumārūpyasuro'bravīt

70.26

yātāsmi tapasaścaiva kālīvā
kyātavātulam || ratiśca tatra me nābhūttataḥ prātā tavāṃtikam

70.27

ityuktaḥ śaṃkaraḥ śaṃkāṃ kiṃcitprāpyāvavārayat || kupitā mayi tanvaṃgī
pratyakṣā ca dṛḍhavratā

70.28

aprātakāmā saṃprātā kimetatsaṃśayo mama || rahasīti viciṃtyātha abhijñānādvicārayan

70.29

nāpaśyadrāmapārśve tu
tasyāṃkaṃ padmalakṣaṇam || lojhāmāvartacaritaṃ tato devaḥ pinākadhṛk

70.30

buddhā tāṃ dānavīṃ māyāṃ kiṃcitprahasitānanaḥ || medre raudrāstramādhāya
cakre daityamanoratham

70.31

sa rudnabhairavātrāvānavasādaṃ gato'suraḥ || abudhyadvīrako naitadasureṃdraniṣūdanam

70.32

hate ca mārutenāśu gāminā
nagadevatā || aparicchinnatattvārthā śailaputryāṃ nyavedayat

70.33

śrutvā vāyumukhādevī krodharaktātilocanā || apaśyadvīrakaṃ putraṃ hṛdayena vidūyatā

70.34

mātaraṃ māṃ parityajya yasmāttvaṃ snehavihvalām || vihitāvasaraḥ strīṇāṃ śaṃkarasya rahovidhau

70.35

tasmātte paruṣā rūkṣā jaḍā hṛdaya
varjitā || gaṇeśākṣarasadṛśā śilā mātā bhaviṣyati

70.36

evamutsṛṣṭaśāpāyā giriputryāstvanaṃtaram || nirjagāma mukhātkrodhaḥ siṃharūpī mahā
balaḥ

70.37

paścāttāpaṃ samāśritya tayā devyā visarjitaḥ || sa tu siṃhaḥ karālāsyo mahākesarakaṃdharaḥ

70.38

proddhūtabalalāṃgūladaṃṣṭrotkaṭa
guhāmukhaḥ || vyāvṛtāsyo lalajjihvaḥ kṣāmakukṣiśvikhādiṣuḥ

70.39

tasyāsye vartituṃ devī vyavasyata satī tadā || jñātvā manogataṃ tasyā bhagavāṃ
ścaturānataḥ

70.40

ājagāmāśramapadaṃ saṃpadāmāśrayaṃ tataḥ || āgamyovāca tāṃ brahmā girijāṃ mṛdayā girā

70.41

kiṃ devi prāhukāmāsi
kimalabhyaṃ dadāmi te || tacchutvovāca girijā gurugauravagarbhitam

70.42

tapasā duṣkareṇātaḥ patitve śaṃkaro mayā || sa māṃ śyāmalavarṇeti
bahuśaḥ proktavānbhavaḥ

70.43

syāmahaṃ kāṃcanākāraḥ vāhbhyena ca saṃyutā || bharturbhūtatapateraṃge hyekato nirviśaṃkitā

70.44

tasyāstadvāṣitaṃ
śrutvā provāca jalajāsanaḥ || evaṃ bhavatu bhūyastvaṃ bharturdehārdhadhāriṇī

70.49

tatastasyāḥ śarīrāccu strī sunīlāṃbujatviṣā || nirgatā sābhavadgīmā
ghaṃṭāhastā trilocanā

70.46

nānābharaṇapūrṇāṃgī pītakauśeyavāsinī || tāmabravīttato brahmā devīṃ nīlāṃbujatviṣam

70.47

asmāddhadharajā
dehasaṃparkāttvaṃ mamājñayā || saṃprātā kṛtakṛtyatvamekānaṃśā purākṛtiḥ

70.48

ya eṣa siṃhaḥ proddhūto devyāḥ krodhādrānane || sa testu vāhano devi
ketau cāstu mahābalaḥ

70.49-2

gaccha viṃdhyācale tatra surakāryaṃ kariṣyati || atra śuṃbhaniśuṃbhau ca hatvā tārakasainyapau

70.50

pāṃcālonāma yakṣo'yaṃ
yakṣalakṣapadānugaḥ || dattaste kiṃkaro devi mahāmāyāśatairyutaḥ

70.51

ityuktā kauśikī devī tathetyāha pitāmaham || nirgatāyāṃ ca kauśikyāṃ jātā
svairāśritā guṇaiḥ

70.52

sarvaiḥ pūrvabhavopāttaistadā svayamupasthitaiḥ || umāpi prāttasaṃkalpā paścāttāpaparāyaṇā

70.53

muhuḥ svaṃ pariniṃdaṃtī jagāma
giriśāṃtikam || saṃprayāṃtīṃ ca tāṃ dvāri apavārya samāhitaḥ

70.54

rurodha vīrako devīṃ hemavetralatādharaḥ || tāmuvāca ca kopena tiṣṭha tiṣṭha ka yāsi
ca

70.59

prayojanaṃ na te'stīha gaccha yāvanna bhartsyase || devyā rūpadharo daityo devaṃ vaṃcayituṃ tviha

70.59-2

praviṣṭo na ca dṛṣṭo'sau sa ca devena ghā
titaḥ ||ghātite cāhamākṣito nīlakaṇṭhena dhīmatā||56||kāpi strī nāpi moktavyā tvayā putreti sādaram || tasmāttvamatra dvāristhā varṣapūgānyanekaśaḥ
57||bhaviṣyasi na cāpyatra praveśaṃ lapsyase vraja || ekā me praviśedvatra mātā yā snehavatsalā||58||nagādhirājatanayā pārvatī rudravallabhā || ityuktvā
tu tato devī ciṃtayāmāsa cetasā

70.60

na sā nārī tu daityo'sau vāyornaivāvabhāsata || vṛthaiva vīrakaḥ śapto mayā krodhaparītayā

70.61

akāryaṃ
kriyate mūḍhaiḥ prāyaḥ krodhasamanvitaiḥ || krodhena naśyate kīrtiḥ krodho haṃti sthirāṃ śriyam

70.62

aparicchinnasarvārthā putraṃ śāpitavatyaham || viparītārthaboddhṛṇāṃ sulabhā vipado yataḥ

70.63

saṃciṃtyaivamuvācedaṃ vīrakaṃ prati śailajā || adho lajjāvikāreṇa vadanenāṃbujatviṣā

70.65

ahaṃ vīraka te
mātā mā te'stu manaso bhramaḥ || śaṃkarasyāsmi dayitā sutā tu himabhūbhṛtaḥ||64||mama gātrasthitibhrāṃtyā mā śaṃkāṃ putra bhāvaya || tuṣṭena gauratā dattā
sameyaṃ padmayoninā

70.66

mayā śapto'syavidite vṛttāṃte daityanirmite || jñātvā nārīpraveśaṃ tu śaṃkare rahasi sthite

70.67

na nivartayituṃ śakyaḥ
śāpaḥ kiṃ tu bravīmi te || mānuṣyāṃ tu śilāyāṃ tvaṃ śilādātsaṃbhaviṣyasi

70.68

puṇye cāpyarbudāraṇye svargamokṣaprade nṛṇām || acaleśvaraliṃgaṃ
tu vartate yatra vīraka

70.69

vārāṇasyāṃ viśvanāthasamaṃ tatphaladaṃ nṛṇām || prabhāsasya ca yātrābhirdaśabhiryatphalaṃ nṛṇām

70.70

tadekayātrayā
proktamarbudasya mahāgireḥ || yatra tasvā tapo martyā dehadhātūnvihāya ca

70.71

saṃsārī na punarbhūyānmaheśvaravaco yathā || arbudo yadi labhyeta
sevituṃ janmaduḥkhitaiḥ

70.72

vārāṇasīṃ ca kedāraṃ kiṃ smaraṃti vṛthaiva te || tatrārādhya bhavaṃ devaṃ bhavānnandīti nāmabhṛt

70.73

śīghrameṣyasi cātraiva
pratīhāratvamāpsyasi || evamukte hyaṣṭaromā vīrakaḥ praṇipatya tām

70.74

saṃstūya vividhairvākyairmātaraṃ samabhāṣata || dhanyo'haṃ devi yo lapsye
mānuṣyamatidurlabham

70.75

śāpo'nugraharūpo'yaṃ viśeṣādarbudācale || samīpe yasya puṇyo'sti mahīsāgarasaṃgamaḥ

70.76

ūdhaḥ pṛthivyā
deśo'yaṃ yo gireścārṇavāṃtare || tatra gatvā mahatpuṇyamavāpya bhavabhaktitaḥ

70.77

punareṣyāmi bho mātarityukkābhūcchilāsutaḥ || devī ca praviveśātha
bhavanaṃ śaśimaulinaḥ

70.78

ityārbudākhyānam || || tato dṛṣṭvā ca tāṃ prāha dhigbhāryaṃ iti tryaṃbakaḥ

70.79

sā ca praṇamya taṃ prāha
satyametanna mithyeyā || jaḍaḥ prakṛtibhāgoyaṃ nāryaścārhati nindanām

70.80

puruṣāṇāṃ prasādena mucyaṃte bhavasāgarāt || tataḥ prahṛṣṭastāmāha
haro yogyo'dhunā śubhe

70.81

putraṃ dāsyāmi yena tvaṃ khyātimāpsyasi śobhane || tato reme hi devyā sa nānāścaryālayo haraḥ

70.82

tato varṣasahasreṣu
devāstvaritamānasāḥ || jvalanaṃ nodayāmāsurjātuṃ śaṃkaraceṣṭitam

70.83

dvāri sthitaṃ pratīhāraṃ vaṃcayitvā ca pāvakaḥ || pārāvatasya rūpeṇa praviveśa
harāṃtikam

70.84

dṛdṛśe taṃ ca deveśo vinatāṃ prekṣya pārvatīm || tatastaṃ jvalanaṃ prāha naitadyogyaṃ tvayā kṛtam

70.85

yadidaṃ kṣubhitaṃ sthānānmama tejo
hyanuttamam || gṛhāṇa tvaṃ sudurbuddhe no vā dhakṣyāmi tvāṃ ruṣā

70.86

bhītastato'sau jagrāha sarvadevamukhaṃ ca saḥ || tena te vahnisahitā vihvalāśca
surāḥ kṛtāḥ

70.87

vipāṭya jaṭharāṇyeṣāṃ vīryaṃ māheśvaraṃ tataḥ || niṣkrāṃtaṃ tatsaro jātaṃ pāradaṃ śatayojanam

70.88

vahniśca vyākulībhūto
gaṃgāyāṃ mumuce sakṛt || dahyamānā ca sā devī taraṃgairbahirutsṛjat

70.89

jātaścibhuvanakhyātastena ca śvetaparvataḥ || etasminnaṃtare vahnirāhūtaśca
himālaye

70.90

saptarṣibhirvahnihomaṃ kurvadbhirmaṃtravīryataḥ || āgatya tatra jagrāha vahnirbhāgaṃ ca taṃ hutam

70.91

gate'hnacatvasmiṃśca tatrasthaḥ patnī
steṣāmapaśyata || suvarṇakadalīstaṃbhanibhāstāścaṃdralekhayā

70.92

paśyamānaḥ praphullākṣo vahniḥ kāmavaśaṃ gataḥ || sa bhūyaściṃtayāmāsa na nyāyyaṃ
kṣubhito'smi yat

70.93

sādhvīḥ patnīrhijeṃdrāṇāmakāmāḥ kāmayāmyaham || pāpametatkarma cograṃ naśyāmi tṛṇavatsphuṭam

70.94

kṛtvaitannaśyate
kīrtiryāvadācaṃdratārakam || evaṃ saṃciṃtya bahudhā gatvā caiva vanāṃtaram

70.95

saṃyantuṃ nābhavacchakta upāyairbahubhirmanaḥ || tataḥ sa kāmasaṃtapto mūrchitaḥ
samapadyata

70.96

tataḥ svāhā ca bhāryāsya bubudhe tacceṣṭitam || jñātvā ca ciṃtayāmāsa prahṛṣṭā manasi svayam

70.97

svāṃ bhāryāmatha māṃ
tyaktvā bahuvāsādavajñayā || bhāryāḥ kāmayate nūnaṃ saptarṣīṇāṃ mahātmanām

70.98

tadāsāṃ rūpamāśritya ramiṣye tena cāpyaham || tatastvaṃgiraso
bhāryā śivānāmeti śobhanā

70.99

tasyā rūpaṃ samādhāya pāvakaṃ prāpya sābravīt || māmadya kāmasaṃtaptāṃ tvaṃ kāmayitumarhasi

70.100

na
cetkariṣyase deva mṛtāṃ māpyupadhāraya || ahamaṃgiraso bhāryā śivānāma hutāśana

70.101

sarvābhiḥ sahitā prātā tāśca yāsyaṃtyanukramāt
asmākaṃ tvaṃ priyo nityaṃ tvacittāśca vayaṃ tathā

70.102

tataḥ sa kāmasaṃtaptaḥ saṃbabhūva tayā saha || prīte prītā ca sā devī nirjagāma vanāṃtarāt

70.103

ciṃtayaṃtī samedaṃ cedrūpaṃ drakṣyaṃti kānane || te brāhmaṇīnāmanṛtaṃ doṣaṃ vakṣyaṃti pāvakāt

70.104

tasmādetadvakṣamāṇā garuḍī saṃbhavāmyaham
suparṇā sā tato bhūtvā daddaśe śvetaparvatam

70.105

śarastaṃbaiḥ susaṃpūrṇaṃ rakṣobhiśca piśācakaiḥ || sā tatra sahasā gatvā śailapṛṣṭhaṃ sudurgamam

70.106

prākṣipatkāṃcane kuṃḍe śukraṃ taddhāraṇe'kṣamā || śiṣṭānāmapi devīnāṃ saptarṣīṇāṃ mahātmanām

70.107

patnīsarūpatāṃ kṛtvā kāmayāmāsa pāvakam
divyaṃ rūpamaruṃdhatyāḥ kartuṃ na śakitaṃ tayā

70.108

tasyāstapaḥprabhāveṇa bhartuḥ śuśrūṣaṇena ca || ṣaṭkṛtvastattu nikṣiptamabhiretaḥ kurūdvaha

70.109

kuṃḍe'smiñśvetrabahule pratipadyeva svāhayā || tataśca pāvako duḥkhācchuśoca ca mumoha ca

70.110

āḥ pāpaṃ kṛtamityeva dehanyāse' karonmatim || tatastaṃ khecarī vāṇī prāha mā maraṇaṃ kuru

70.111

bhāvyametacca bhāvyarthātko hi pāvaka mucyate || bhāvyarthenāpi yatte ca paradāropa sevanam

70.112

kṛtaṃ taccetasā tena tvāmajīrṇaṃ pravekṣyati || śvetaketormahāyajñe ghṛtadhārābhitarpitam

70.113

śokaṃ ca tyaja netāstāḥ svāhe vayaṃ tava priyā || śvetaparvatakuṃḍasthaṃ putraṃ tvaṃ draṣṭumarhasi || tato vahnistatra gatvā daddaśe tanayaṃ prabhum

70.114

arjuna uvāca || || kasmātsvāhā karodrūpaṃ parṇāṃ tāsāṃ mahāmune

70.115

yattā bhartṛparāḥ sādhvyastapasvinyoginasaṃnibhāḥ || na bibheti ca kiṃ tābhyaḥ ṣaḍbhyaḥ svāhā'parādhinī || bhartṛbhaktyā jagaddguṃ yataḥ śaktāśca tā mune

70.116

nārada uvāca || || satyametatkuruśreṣṭha śṛṇu taccāpi kāraṇam || yena tāsāṃ kṛtaṃ rūpaṃ na vā śāpaṃ dṛḍhuśca tāḥ

70.117

yatra tadvahninā kṣiptaṃ rudratejaḥ sakṛtpurā || gaṃgāyāṃ tatra sasnustāḥ ṣaṭtnyo'jñānabhāvataḥ

70.118

tatastā vihvalībhūtāstejasā tena mohitāḥ || lajjayā ca svabhartṝṇāṃ gaṃgātīrasthitā rahaḥ

70.119

etadaṃtaramālokya cikīrṣaṃtī manīṣitam || svāhā śarīramāviśyatāsāṃ tejo jahāra tat

70.120

cikrīḍa vahnijāyāpi yathā te kathitaṃ mayā

70.121

upakāramimaṃ tābhiḥ smaraṃtībhiśca bhārata || na śaktā sā yataḥ śāpo na deyaścopakāriṇi

70.122

tataḥ saptarṣayo jñātvā jñānenāśucitāṃ gatāḥ || tatyajuḥ ṣaṭ tadā patnīrvinā devīmaruṃdhatīm

70.123

viśvāmitrastu bhagavānkumāraṃ śaraṇaṃ gataḥ || stavaṃ divyaṃ saṃpracakre mahāsenasya cāpi saḥ

70.124

aṣṭottaraśataṃ nāmnāṃ śṛṇu tvaṃ tāni phālguna || japena
yeṣāṃ pāpāni yāṃti jñānamavāpnuyāt

70.125

tvaṃ brahmavādī tvaṃ brahmā brahma brāhmaṇavatsalaḥ || brahmaṇyo brahmadevaśca brahmado brahmasaṃgrahaḥ

70.126

tvaṃ
paraṃ paramaṃ tejo maṃgalānāṃ ca maṃgalam || aprameyaguṇaścaiva maṃtrāṇāṃ maṃtrago bhavān

70.127

tvaṃ sāvitrīmayo deva sarvatraivāparājitaḥ || maṃtraḥ śārvā
tmako devaḥ ṣaḍakṣaravatāṃ varaḥ

70.128

mālī maulī patākī ca jaṭī khaṃḍī śikhaṃḍyapi || kuṇḍalī lāṃgalī bālaḥ kumāraḥ pravaro varaḥ

70.129

gavāṃputraḥ surārighnaḥ saṃbhavo bhavabhāvanaḥ || pinākī śatruhā śveto gūḍhaḥ skandaḥ karāgraṇīḥ

70.130

dvādaśo bhūrbhuvo bhāvī bhuvaḥ putro namaskṛtaḥ
nāgarājaḥ sudharmātmā nākapṛṣṭhaḥ sanātanaḥ

70.131

tvaṃ bhartā sarvabhūtātmā tvaṃ trātā tvaṃ sukhāvahaḥ || śaradakṣaḥ śikhī jetā ṣaḍvaktro bhayanāśanaḥ

70.132

hemagarbho mahāgarbho jayaśca vijayeśvaraḥ || tvaṃ kartā tvaṃ vidhātā ca nityo nityārimardanaḥ

70.133

mahāseno mahātejā vīrasenaśca bhūpatiḥ || siddhāsanaḥ surādhyakṣo bhīmaseno nirāmayaḥ

70.134

śauryairyairdurmahātejā vīryavānsatyavikramaḥ || tejogarbho'surāripuḥ surasūtiḥ surojjhitaḥ

70.135

kṛtajño varadaḥ satyaḥ śaraṇyaḥ sādhuvatsalaḥ || suvrataḥ sūryasaṃkāśo vahnigarbhaḥ karṇo bhuvaḥ

70.136

pippalī śīghrago raudrī gāṃgeyo ripudāraṇaḥ || kārttikeyaḥ prabhuḥ kṣaṃtā nīladaṃṣṭro mahāmanāḥ

70.137

nigraho nigrahāṇāṃ ca netā tvaṃ suranaṃdanaḥ || grahaḥ paramānaṃdaḥ krodha jhastāra ucchritaḥ

70.138

kukkuṭī bahulī divyaḥ kāmado bhūrivardhanaḥ || amogho'mṛtado hyagniḥ śatrughnaḥ sarvamodanaḥ

70.139

avyayo hyamaraḥ śrīmānnunnato hyagnisaṃbhavaḥ || piśācarājaḥ sūryābhaḥ śivātmā śivanaṃdanaḥ

70.140

apārapāro durjñeyaḥ sarvabhūtahite rataḥ || agrāhyaḥ kāraṇaṃ kartā parameṣṭhī paraṃ padam

70.141

acintyaḥ sarvabhūtātmā sarvātmā tvaṃ sanātanaḥ || evaṃ sa sarvabhūtānāṃ saṃstutaḥ parameśvaraḥ

70.142

nāmnāmaṣṭaśatenāyaṃ viśvāmitramaharṣiṇā || prasannamūrtirāhedaṃ munīndraṃ triyatāmiti

70.143

mama tvayā dvijaśreṣṭha stutireṣā nirūpitā || bhaviṣyati mano'bhīṣṭapradāpratyaye prāṇināṃ bhuvi

70.144

vivardhate kule lakṣmīstasya yaḥ prapaṭhedimam || na rākṣasāḥ piśācā vā na bhūtāni na cāpadaḥ

70.145

vighnakārīṇi tadvehe yatraiva saṃstuvaṃti mām || duḥsvapnaṃ ca na paśyetsa baddho mucyeta baṃdhanāt

70.146

stavasyāsya prabhāveṇa divyabhāvaḥ pumānbhavet || tvaṃ ca māṃ śrutisaṃskāraiḥ sarvaiḥ saṃskartumarhasi

70.147

saṃskārarahitaṃ janma yataśca paśuvatsmṛtam || tvaṃ ca madvaradānena brahmarṣiśca bhaviṣyasi

70.149

tato munistasya
cakre jātakarmādikāḥ kriyāḥ||paurohityaṃ tathā bheje skandasyaivājñayā prabhuḥ||148||tatastaṃ vahnirabhyāgāddarśaṃ ca sutaṃ guham || ṣaṭchīrṣaṃ dviguṇaśrotraṃ dvādaśā
śiprujakramam

70.150

ekagrīvaṃ caikakāyaṃ kumāraṃ sa vyalokayat || kalilaṃ prathame cāhni dvitīye vyaktitāṃ gatam

70.151

tṛtīyāyāṃ śiśu rjātaścaturthyāṃ
pūrṇa evaca || paṃcamyāṃ saṃskṛtaḥ so'bhūtpāvakaṃ cāpyapaśyata

70.152

tatastaṃ pāvakaḥ pārtha āliliṃga cucuṃba ca || putreti coktā tasmai sa śaktyastram
dadātsvayam

70.153

sa ca śaktiṃ samādāya namaskṛtya ca pāvakam || śvetaśṛṃgaṃ samārūḍho mukhaiḥ paśyandiśo daśa

70.154

vyanadadbhairavaṃ nādaṃ trāsayansāsuraṃ jagat || tataḥ śvetagireḥ śṛṃgaṃ rakṣaḥpadmadaśāvṛtam

70.155

vibheda tarasā śaktyā śatayojanavistṛtam || tadekena prahāreṇa khaṃḍaśaḥ patitaṃ
bhuvi

70.156

cūrṇīkṛtā rākṣasāste satataṃ dharmaśatravaḥ || tataḥ pravyathitā bhūmirvyaśīryata samaṃtataḥ

70.157

bhītāśca parvatāḥ sarve cukruśuḥ pralayā
vyathā || bhūtāni tatra subhṛśaṃ trāhitrāhīti conmayuḥ

70.158

evaṃ śrutvā tato devā vāsavaṃ saha te'bruvan || yenainena prahāreṇa trailokyaṃ vyākulī
kṛtam

70.159

sa saṃkruddhaḥ kṣaṇādviśvaṃ saṃhariṣyati vāsava || vayaṃ ca pālanārthāya sṛṣṭā devena vedhasā

70.160

tacca trāṇaṃ sadā kāryaṃ prāṇaiḥ
kaṃṭhagatairapi || asmākaṃ paśyatāmevaṃ yadi saṃkṣobhyate jagat

70.161

dhikto janma vīrāṇāṃ kṣāghyaṃ hi maraṇaṃ kṣaṇāt || tadasmābhiḥ sahainaṃ tvaṃ
kṣaṃtumarhasi vāsava

70.162

evamuktastathetyukkā devaiḥ sārdhaṃ tamabhyayāt || vidhitsustasya vīryaṃ sa śakrastūrṇataraṃ tadā

70.163

ugraṃ tacca mahā
vegaṃ devānīkaṃ durāsadam || nardamānaṃ guhaḥ prekṣya nanāda jaladhiryathā

70.164

tasya nādena mahatā samudyūtodadhiprabham || babhrāma tatratatraiva deva
sainyamacetanam

70.165

jighāṃsūnupasaṃprāptāndevāndṛṣṭvā sa pāvakiḥ || visasarja mukhāttatra pravṛddhāḥ pāvakārciṣaḥ

70.166

addahedevasainyāni ceṣṭa
mānāni bhūtale || te pradīptaśirodehāḥ pradīptāyudhavāhanāḥ

70.167

pracyutāḥ sahasā bhāṃti divastārāgaṇā iva || dahyamānāḥ prapannāste śaraṇaṃ pāvakātmajam

70.168

devā vajradharaṃ proktustyaja vajraṃ śatakrato || ukto devaistadā śakraḥ skande vajramavāsṛjat

70.169

tadvisṛṣṭaṃ javānāśu pārśvaṃ skandasya dakṣiṇam || vibheda ca kuruśreṣṭha tadā tasya mahātmanaḥ

70.170

vajraprahārātskandasya saṃjātaḥ puruṣo'paraḥ || yuvā kāṃcanasannāhaḥ śaktidhṛgdivya
kuṃḍalaḥ

70.171

śākha ityabhivikhyātaḥ sopi vyanadadbhutam || tataśceṃdraḥ punaḥ kruddho hṛdi skandaṃ vyadārayat

70.172

tatrāpi tāhaśo jajñe naiga
meya iti śrutaḥ || tato vinadya skaṃdādyāścatvārastaṃ tadābhyayuḥ

70.173

tadeṃdro vajramutsṛjya prāṃjaliḥ śaraṇaṃ yayau || tasyābhayaṃ dadau skaṃdaḥ
sahasainyasya sattamaḥ

70.174

tataḥ prahṛṣṭāścidaśā vāditrāṇyabhyavādayan || vajraprahārātkanyāśca jajñire'sya mahābalāḥ

70.175

yā haraṃti
śiśūñjātāngarbhasthāṃścaiva dāruṇāḥ || kākī ca hilimāṃ caiva rudrā ca vṛṣabhā tathā

70.176

āyā palālā pitrā ca saptaitāḥ śiśumātaraḥ || etāsāṃ
vīryasaṃpannaḥ śiśuścābhūtsudāruṇaḥ

70.177

skaṃdaprasādajaḥ putro lohitākṣo bhayaṃkaraḥ || eṣa vīrāṣṭakaḥ proktaḥ skaṃdamātṛgaṇo'dbhutaḥ

70.178

pūjanīyaḥ sadā bhaktyā sarvāpasmāraśāṃtidaḥ || upātiṣṭhataṃtaḥ skaṃdaṃ hiraṇyakavacasrajam

70.179

lohitāṃbarasaṃvītaṃ trailokyasyāpi suprabham
yuvānaṃ śrīḥ svayaṃ bheje taṃ praṇamya śarīriṇī

70.180

śriyā juṣṭaṃ cataṃ prāhuḥ sarve devāḥ praṇamya vai || hiraṇyavarṇaṃ bhadraṃ te lokānāṃ śaṃkaro bhava

70.181

bhavāniṃdro'stu no nātha trailokyasya hitāya vai

70.182

skaṃda uvāca || || kimiṃdraḥ sarvalokānāṃ karotīha surottamāḥ||kathaṃ devagaṇāṃścaiva pāti nityaṃ
sureśvaraḥ

70.183

devā ūcuḥ || || iṃdro diśati bhūtānāṃ balaṃ tejaḥ prajāḥ sukham || prajñāṃ prayacchati tathā sarvāndāyānsureśvaraḥ

70.184

durvṛttānāṃ sa
harati vṛttasthānāṃ prayacchati || anuśāsti ca bhūtāni kāryeṣu balavattaraḥ

70.185

amūryeṃ ca bhavetsūryastathā'caṃdre ca caṃdramāḥ || bhavatyagniśca vāyuśca pṛthi
vyāṃ jīvakāraṇam

70.186

etadiṃdreṇa kartavyamiṃdro hi vipulaṃ balam || tvaṃ ceṃdro bhava no vīra tārakaṃ jahi te namaḥ

70.187

iṃdra uvāca
tvaṃ bhaveṃdro mahābāho sarveṣāṃ naḥ sukhāvahaḥ || praṇamya prārthaye skaṃda tārakaṃ jahi rakṣa naḥ

70.188

skaṃda uvāca || || śādhi tvameva trailokyaṃ
bhavāniṃdrostu sarvadā || kariṣye ceṃdrakarmāṇi na meṃdratvamīpsitam

70.189

tvameva rājā bhadraṃ te trailokyasya mayaiva ca || karomi kiṃ ca te śakra
śāsanaṃ brūhi tanmama

70.190

iṃdra uvāca || || yadi satyamidaṃ vākyaṃ niścayādbhāṣitaṃ tvayā || abhiṣicyasva devānāṃ senāpatye mahābala
ahamiṃdro bhaviṣyāmi tava vākyādyaśo'stu te

70.191

skaṃda uvāca || || dānavānāṃ vināśāya devānāmarthasiddhaye || gobrāhmaṇasya
cārthāya evamastu vacastava

70.192

ityukte sumahānādaḥ surāṇāmabhyajāyata || bhūtānāṃ cāpi sarveṣāṃ trailokyākaṃpakārakaḥ

70.193

jayeti
tuṣṭubuścainaṃ vāditrāṇyabhyavādayan || nanṛtustuṣṭubuścainaṃ karāghātāṃśca cakrire

70.194

tena śabdena mahatā vismitā naganaṃdinī || śaṃkaraṃ prāha ko
deva nādo'yamativartate

70.195

rudra uvāca || || adya nūnaṃ prahṛṣṭānāṃ surāṇāṃ vividhā giraḥ || śrūyaṃte ca tathā devi yathā jātaḥ sutastava

70.196

gavāṃ ca brāhmaṇānāṃ ca sādhvīnāṃ ca divaukasām || mārjayiṣyati cāśrūṇi putraste puṇyavatyapi

70.197

evaṃ vadati sā devī dṛṣṭuṃ
taṃsamutsukā'bhavat || śaṃkaraśca mahātejāḥ putrasnehādhiko yataḥ

70.198

vṛṣabhaṃ tata āruhya devyā saha samutsukaḥ || sagaṇo bhava āgacchatputra
darśanalālasaḥ

70.199

tato brahmā mahāsenaṃ prajāpatirathābravīt || abhigaccha mahādevaṃ pitaraṃ mātaraṃ prabho

70.200

anayorvīryasaṃyogāttvotpatti
stu prāthamī || evamastivati cāpyuktvā mahāseno maheśvaram

70.201

apūjayadameyātmā pitaraṃ mātaraṃ ca tām || tatastamāliṃgya sutaṃ ciraṃ
saṃyojya cāśiṣaḥ

70.202

ciraṃ jahaṣatuścobhau pārvatīparameśvarau || siddhasārasya tattvaṃ ca dadau tuṣṭo'sya śaṃkaraḥ

70.203

devī prakṛṃtimokṣaṃ ca
tuṣṭā harṣapariplutā || etasminneva kāle tu ṣaḍdevyastaṃ samāgaman

70.204

ṛṣibhistāḥ parityaktāstaṃ putreti jagustadā || pārvatī ca tataḥ prāha
mama putro na vastvayam

70.205

svāhā mameti ca prāha pāvakaśca mameti ca || rudro mameti ca prāha mama devanadīti ca

First 200 of 216 passages. Read on

Linked texts (9)