Varahapurana 177.1

177.1

śrīvarāha uvāca ..
śatrughnena purā ghoro lavaṇaḥ sūdito yathā ..
dvijānugrahakāmārthamannamugrasvarūpiṇam .. 1 ..
dvādaśyāṃ mārgaśīrṣasya upoṣya niyataḥ śuciḥ ..
yaḥ karoti varārohe śatrughnacaritaṃ yathā .. 2 ..
dvijānāṃ prīṇanaṃ kṛtvā svadhānnapaṭubhojanaiḥ ..
lavaṇasya vadhādeva śatrughnasya śarīrake .. 3 ..
harṣastu sumahāñjāto rāmasyākliṣṭakarmaṇaḥ ..
ayodhyāyāḥ samāyāto rāmaḥ sabalavāhanaḥ .. 4 ..
mahotsavaṃ ca kartuṃ sa śatrughnasya mahātmanaḥ ..
sitāmāgrahaṇīṃ prāpya mathurāṃ lavaṇāntakaḥ .. 5 ..
ekādaśyāṃ sopavāsaḥ snātvā viśrāntisaṃjñake ..
kṛtvā mahotsavaṃ tatra kuṭumbasahitaḥ purā .. 6 ..
tasminmuktvā yathākāmaṃ brāhmaṇānvai pratarpya ca ..
tasminnahani tatraiva yaḥ kuryātsa mahotsavam .. 7 ..
sarvapāpavinirmuktaḥ pitṛbhiḥ saha modate ..
svargaloke ciraṃ kālaṃ yāvatsthityantajanmanaḥ .. 8..
iti śrīvarāhapurāṇe mathurāmāhātmye śatrughnalāvaṇe rāmatīrthayātrāyāmaṣṭasaptatyadhikaśatatamo'dhyāyaḥ .. 178 ..