Vishnupurana 41.38

Ātmaprakāśa 41.38

Language: Sanskrit

41.38

jagataḥ siddhiḥ varttanaṃ, vṛkṣādidharmairyadbhedi bhinnam | ṣaḍbhedīti pāṭhe vṛkṣa-gulma-latā-vīrut-tṛṇa-tvaksārātmanā ṣaḍbhedi, mukhyātmane vṛkṣātmane |
tava sarvasyādeḥ kāraṇasya yadrūpaṃ tiryaṅmanuṣyadevādītyanvayaḥ |
idānīṃ nirguṇaṃ brahma praṇamanti — pradhānādimayādasmād viśvarūpādanyat paramaṃ rūpam ataeva yadanyatulyaṃ na bhavati nirūpamaṃ tasmai namaḥ |
pūrvoktameva darśayantaḥ praṇamati — 'śuklādī'ti tribhiḥ| śuklādīnāṃ kiyatāṃ niṣedhamuktvā sarvaviśeṣaṇaniṣedhamāha— 'agocara' iti |
paramapadātmavataḥ paramaṃ padaṃ brahmaivātmā svarūpaṃ yasyāsti tasya |
tava śaraṇārthino'smān daityebhyastrāhīti taṃ harimmūcurityanvayaḥ |

Previous: 41.28
Next: 41.43
Up: 41

Linked texts (1)

Viṣṇupurāṇa — Vyāsa, Sanskrit