Vishnupurana 76.43

76.43

kathaṃ bhaviṣyatha sthāsyatheti ha gopānuktavatyaḥ |
atyantamadhurairālāpairapahṛtamaśeṣaṃ manorūpaṃ dhanaṃ yāsāṃ tāḥ |
trāsavidhurān mṛtyubhayaśūnyān marttumudyatānityarthaḥ |
ātmasaṃjñayā svasaṃketena kṛṣṇamāha, kimāhetyapekṣāyāṃ tadāha—'kimida'mityaṣṭabhiḥ ātmānam anantaṃ kiṃ na vetsi nānusandhatse ? yadityuttareṇānveti |
yasmāttvamasya jagataḥ saṃśrayaḥ ādhāraḥ arāṇāṃ nābhiriva 'yasmin pratiṣṭhitā rathanābhāvivārā' iti śruteḥ |
gatyarthaṃ bhūmerhitārtham |
manuṣyalīlāṃ bhajatā bhavatā hetubhūtena gopaveśāḥ surā eva tvallīlāṃ viḍambayanto'nukurvvantastvayā saha krīḍamānā varttante, tathā surāṅganāśca bhavānevāvatāritavān |
ato'smadarthe jātānetānnopekṣasva |
abhugnaśirasaḥ anamraśirasaḥ, ābhugnaśirasa iti vā cchedaḥ, avanataphaṇasyetyarthaḥ |