Vishnupurana 37.21

37.21

manasa iti || etaddharmatrayaṃ me sadā'stītyupacāraḥ | vastutastu manasa eva svasthatādayo dharmāḥ | tasmādyasya cetasa ime dharmāṃstaceta imāṃśvetodharmān pṛccha || 22, 23 || pumāniti || nātra puṃso gaganavatparamamahattvena gamanādi niṣidhyate, tathā sati sarvagatavyāpipadayoḥ paunaruktyāt | pūrvatra gamanānumatyā parimitatvābhyupagamāt, sūtravirodhācca na paramamahattvamātmanaḥ | ayamarthaḥsarvagataḥ-sarvatra devādisandehe'vasthitaḥ ayamātmā, vyāpī-niravayavatvenātisūkṣmatvātsarvacetanavyāpanaśīlaḥ| ato'sya niravayavasyāmūrtasya cākāśādivadatisaukṣmyāt svato gamanāgamane na bhavataḥ | yathā iha sarvagatānāmamūrtānāṃ jātiguṇādīnāṃ svataḥ kriyā nāsti, kintu āśrayadvārā deśāntaraprāptiḥ | evamamūrtasyātmano'pi dehadvārā deśāntaraprāptiḥ, yathā savāhanasya paṃgoḥ | yathoktaṃ pūrvatra ahaṃ tvaṃ ca tathā'nye ca bhūtairūdyāma pārthiva | upabhoganimittaṃ ca sarvatra gamanakriyā | upabhoganimittaṃ ca deśāddeśāntarāgamaḥ ityādi | evaṃ pūrvāparavirodhādayamevārthaḥ | asya tavaitadvacaḥ kathamarthavadityanvayaḥ |