Ambastotra (Ambāstotra)
अम्बास्तोत्र
- Language
- Sanskrit
- Author
- Māruti
- Extent
- 22 passages, 270 words
- Text
- partly digitised
- Source
- archiveorg · Stotras Samahara Part 2 K. Raghavan Pillai; ed. K. Raghavan Pillai; Trivandrum Sanskrit Series 236; Oriental… · Scan of a printed edition hosted by the Internet Archive (archive.org); the ancient text is in the public…
Contents
Text
1.5
amba prasīda śaśikhaṇḍavibhūṣaṇāṅkabhāgasthite bhavanihantri manonmani ! tvam
yā bhāti viśvavilayasthitisṛṣṭikartrī
viśvambharātra mahadādivicitrarūpā
1.6
amba prasīda caturānanavaktradamyarājīvihārapariśīlanarājahaṃsi !
dṛṣṭastvayā sadayamatra bhavet samartho
mūḍho'pi paṇḍitatamaḥ sa jaḍo'pi dhīraḥ
1.7
amba prasīda śatamanyumukhāmarātmaśakke ! tvadaṅghriśaraṇasya gṛhāṅgaṇeṣu
khelanti sundaradaśo vicaranti viprāḥ
sīdanti bhūmipatayo'vasarapratīkṣāḥ
1.8
amba prasīda caturaṅgabalāvalepadūrīkṛtārinivahe ! bhavatīprasādāt
dīno'pyananyasulabhān sakalāṃśca kāmān
labdhvā ciraṃ vijayate hi saputradāraḥ
1.9
amba prasīda sahasā mayi pakṣapātāt
kaṣṭāṃ daśāṃ mama nirīkṣya parānapohyām
no cedratirjagati nāsti nirastakhedaiḥ
saṃstūyamānacaraṇāmburuhe ! munīndraḥ
1.10
amba prasīda jhaṭiti tvamupekṣase ced
vatsasya vāgvilasitaśravaṇākulā cet
utsaṅgasaṅgini śiśau vacanapratīkṣā
stanyaṃ nipīya kṣudite hi sukhāya mātuḥ
1.11
amba prasīda dayayā tvaritaṃ bhavāni !
jānāsi ceddṛdayaśalyamihāviṣahyam
no cet kathaṃ nu bhavatī jagatāṃ śaraṇyā
bhūyāccirāya bhavatāpapariśritānām
1.12
amba prasīda jaya śatrugaṇānimāṃstvamadyaiva devi ! parivardhaya kautukaṃ me
ko'yaṃ vilamba iha sā ka gatā dayā te
dīnāvanavratamidaṃ ca nu kiṃ samāptam
1.13
amba prasīda yadi śaktividheyatāyā:
sākṣād bhavāni bhavatī bhavatīha lakṣyam
kāruṇyapātramimamākalayantyajasraṃ
dhanyaṃ vidhātumakhilasya janasya mānyam
1.14
amba prasīda niyataṃ kriyatāṃ bhavatyā
devārivargavanapāvakatā dadhatyā
asyāḥ pramādavivaśasya manaḥprasādaḥ
sarvātmanā yadagatiryadananyanāthaḥ
1.15
amba prasīda madanugrahasatvareṇa
cittena vigrahavateva dayābhareṇa
ālakṣya māmamṛtaśītalayā ca dṛṣṭyā
kṣipraṃ vidhehi parilambhitabhūribhāgyam
1.16
amba prasīda kimanena vilambitena
kāryā tvarātra na vilambamapekṣate hi
yadbhāgadheyamiha me suralobhanīyaṃ
sarvātmanā girisute tvadadhīnameva
1.17
amba prasīda parameṇa samādhinā māmekāntabhaktamavadhārya ca caṇḍike tvam
saubhāgyasampadamipūramahālavālabhujodvelavīryaparamaṃ kuru bhūribhāgyam
1.18
iti stuvati mārutau nihatacaṇḍamuṇḍāsurā
surāsuranaroragādyakhilalokadhātrī śivā
mahāmahiṣamardinī samavalambya divyaṃ vapuḥ
purassamabhavat tadā puruṣamātrasāmrājyadā
2.1
ānandaṃ diśatu śrīhastigirau khastidā sadā mahyam
yā kautukaṃ vidhatte sākūtenāvalokanena hareḥ
2.2
yannāma kīrtanīyaṃ śrīrityādau priyaṃ harernityam
(sā) me samastajananī santatamudayāya bhūyase bhūyāt
2.3
śrīvaradeśvaradayite vāñchāmi tvāṃ yathāmati stotum
svalpo'pi ḍimbhajalpo mātuḥ prītiṃ kathaṃ na sañjanayet
2.4
muraripumohanadhāmne mūrtirvinirdhūtaviṣphuraddhamne
diviṣadameyavibhramne lakṣmīnāmne paraṃ namo bhūmne
2.5
karigirināyakakānte dāntajanasvāntapaṅkajaniśānte
mayi bhavamaraṇāśrānte karuṇāṃ śaraṇāgate kuru praguṇām
2.6
vācāmapyaktrimāṇāmapi munimanasāmagocare devi !
tvaddarśane madīyāṃ kāṅkṣāṃ saphalāṃ karotu te karuṇā
2.7
mākhadvidhubimbāsye maṅgalasaumyākṛte guruśroṇi
bhṛgunandini mandagate romalatāhe jayābdhikulaketo !
2.8
dhanyaṃ prasūnagarbhaṃ dhammillaṃ devi tāvakaṃ manye
prasavaśareṇa nyastaṃ tūṇaṃ bāṇaughapūrṇamarṇavaje
Contains
Part of
See also: more in Hymns to the Goddess
- Laghustava — Sanskrit; partly digitised
- Shridevishataka (Śrīdevīśataka) — Sanskrit; partly digitised
- Shriguna (Śrīguṇa) — Sanskrit; partly digitised
- Lalitasahasranamastotra (Lalitāsahasranāmastotra) — Sanskrit
- Great Hymn to Bhuvaneshvari (Bhuvaneśvarīmahāstotra) — Sanskrit
- Durgastotra or saptashati (Durgāstotra or saptaśatī) — Sanskrit; partly digitised