Indirashataka (Indirāśataka)
इन्दिराशतक
- Language
- Sanskrit
- Author
- Kṛṣṇa Kavi
- Extent
- 98 passages, 791 words
- Text
- partly digitised
- Source
- archiveorg · Stotrasamuccaya Volume 2 Edited By Pandit K Parameswara Aithal Sanskrit And English Stotra Devotional… · Scan of a printed edition hosted by the Internet Archive (archive.org); the ancient text is in the public…
Contents
- 1
- 2
- 3
- 4
- 5
- 6
- 7
- 8
- 9
- 10
- 11
- 12
- 13
- 14
- 15
- 16
- 17
- 18
- 19
- 20
- 21
- 22
- 23
- 24
- 25
- 26
- 27
- 28
- 29
- 30
- 31
- 32
- 33
- 34
- 35
- 36
- 37
- 38
- 39
- 40
- 41
- 42
- 43
- 44
- 45
- 46
- 47
- 48
- 49
- 50
- 51
- 52
- 53
- 54
- 55
- 56
- 57
- 58
- 59
- 60
- 61
- 62
- 63
- 64
- 65
- 66
- 67
- 68
- 69
- 70
- 71
- 72
- 73
- 74
- 75
- 76
- 77
- 78
- 79
- 80
- 81
- 82
- 83
- 84
- 85
- 86
- 87
- 88
- 89
- 90
- 91
- 92
- 93
- 94
- 95
- 96
- 97
- 98
Text
1
²atha niroṣṭhyapadairlalitāmimāṃ kalaśasindhusutāvibhavodayām
kalayituṃ kavikṛṣṇa iha stutiṃ kalayate hṛdi tāṃ harināyikām
³jayati sā jaladhestanayā dayākalitanityacarācararakṣaṇā
sahacarī ca harerlalitakriyā lasitadaityanihantṛhṛdantarā
2
jayati nikhilanāvitrāṇadvaikadṛṣṭirhatanatajanadainyā kīrtitā jānakīti
sarasijanilayā sā sādarā sārasākṣī
trijagadahitahāridhyānadhārāgryahārā
3
dineśasaṃtatyadhinetṛkṛttaniśācareśānaśirā dharaṇyāḥ
ākhaṇḍalādyairakhilaiśca kalyā kanyāryagaṇyā rathahastidhanyā
4
nākālayāhārakṛte nadīśe dharādharādhaḥsthalasaṃnikṛṣṭe
jātāstatastatra rasārdracetāḥ sā śrīrjagattrāṇakṛtāttanāthā
5
sārāsārakalāderjanayitrī sarasagādhayā kīrtyā
dhīrāgragaṇyadaśarathatanayenaiṣā kṛtākhilaśreyaḥ
6
sahladayahladayārādhyā sā yasyā nāyakaḥ khyātaḥ
netārkasaṃtateryastrātā jagataścarācareśaśca
7
karakalitasarasijaśrīḥ sarasijanilayā ca sārasākṣī yā
karadānakṛtaśreyaḥsaṃtatireṣā cakāsti saddhṛdaye
8
nāgeśasya sya sā kāntā nākināthārcanādratā
dāsahatsarasījātanilayā rakṣaṇārthinī
9
sarasā dayayā hi sārasākṣī kṛtasaṃtānakalārtihāriṇī yā
nijanāthakarasthasāyakālīhatanākāririhāryadhāraṇārhā
10
taraṅgiṇīnāyakakanyakāyāḥ kaṭākṣadhāṭyā kalitaśriyaste
hareśca kaiṃkaryanirantarāśā rājanti kāle nihatārisaṃghāḥ
11
raṇajitarajanīcareśasenā nikhilajagajjananī tathā hi jajñe
sarasijanilayā dharāryakanyā dinakarasaṃtatinetṛnityadārāḥ
12
nijakaṭākṣajharīkalitākhilakṣayajarādirarātikṛtāntakā
tridaśanāthakṛtārcanayā jagajjayakarī kila sā harināyikā
13
sāketanetṛdayitā saiṣā sīteti kīrtitā
kirīṭādilasaddehā jagadārtiṃharī kila
14
nīlanīradasaṃkāśakeśā dāśaratherhareḥ
karṇāntāyatanetrāntā kāntārtajanarakṣiṇī
15
kāṅkṣitādhikadānena khyātā sā dharaṇītale
anādinidhireṣā naḥ śreyaḥsaṃtānadāyinī
16
dineśatanayāgaṅgāsadyajāditaṭītale
sā śrīḥ kalitasāṃnidhyā jayadā rājate kila
17
kāṅkṣitādhikadāyinyā sītayā hitayā tayā
kṛtārthānīha kāryāṇi sanāthāśca kṛtā narāḥ
18
śaraṇāgatārtiharaṇā yaiṣā jananīha sadyajātīre
sahṛdayahṛdayārādhyā jayati khageśānadhāryanijacaraṇā
19
kalindanandinītīre nandanandanalīlayā
nananda yendirānandakalindaśrīrihaidhate
20
gītācāryasya dayitā yā gītā kiṃnarīgaṇaiḥ
sā hi śrīrindirā dāsyaśrīkarī harinandinī
21
hareḥ sā nityakalyāṇadāyinī jananī ca naḥ
taraṅgayati yā śreyaścarācarahitaiṣiṇī
22
nārāyaṇasya kāntā sārārdrahṛdantare kalitakeliḥ
hariṇanayanā ca kāle kariṇārcitanaijacaraṇanalinā ca
23
nirīkṣitā tayā kāle hariṇākṣyā dharā hi yā
nidhayastatra nākeśalālyā rājanti tatkṣaṇāt
24
śāradasarasijanayanā nāradakalagītigeyacaritā ca
sāradadharaṇestanayā sāradadhīstārakārinatikalyā
25
śithilitakalihāniḥ sāgarendrasya kanyā
daśaśatanayanāghairādarādarcanīyā
janayati tanayādīnādareṇāryahṛdyānakhilacidacidāditrāṇanādattadīkṣā
26
sā sāgarendratanayā dāśārhahṛdi sthirāsanā jananī
nāsāratnaghṛṇīḍitakāsārajasaddaśanetrā yā
27
nārāyaṇasya gṛhiṇī tārāsaṃkāśahāralilatagalā
ārādhanārhacaraṇā sārārthajñānadāyinī jananī
28
sajjanarakṣaṇadhanyā kanyā sā sāgarasya kṛtadhanyā
tanyādanitarakanyādānādiśreya ādarādiha naḥ
29
harihṛdayāntaḥśaraṇā śaraṇāgatasajjanālinatacaraṇā
sati kalitādaraṇā sā jayatīha tale sadāddatācaraṇā
30
sajjanairāddatānīha dhanāni nayate kṣaṇāt
dharaṇītanayā saiṣā nānādeśagatārthinaḥ
31
sadāddatā sadārādhyā sadānandāsanasthitā
kadā hi kalayennaijakaṭākṣalaharīriha
32
tilakālaṃkṛtā hyeṣānilajātakṛtādarā
dharāyāstanayā khyātā jānakīti dharātale
33
dadyādadya śreyaḥ kirīṭahārādilasitanijadehā
jalanidhikanyā dhanyā yatsthānanatikṣatārikalikāśryāḥ
34
ākhyātā diśi saiṣā śreyaḥsaṃtānaśākhilatiketi
natanākiśīrṣaratnāhatanijanīrājanakriyā jayati
35
hāsaśriyā lasitanaijaśarīrayaṣṭirindrādinākigaṇadattasadādarādiḥ
kīlālarāśitanayā jayatīha dattadānādirāryagaṇageyanijāryayātrā
36
yātāyātādikhedādiśāntidārādhitā satī
trijagajjananī jīyādihācāryagaṇeḍitā
37
yayārādhitayānāthāḥ nāthakāryāśca niścitāḥ
jananī sā janatrāṇayāgadīkṣādiredhate
38
kṛtakṛṣṇakelireṣā sṛjati kaṭākṣān hi yatra dharaṇitale
gajagaṇḍaniryadaligaṇagānā tasya sthalīgṛhasyārāt
39
agatīn sahasā nirīkṣya kāle jananī sā hi kaṭākṣakāntisāraiḥ
hasitatridaśendrakīrtikhaṇḍātrijanāthāṅghiśaraṇyakāntānīt
40
nārāyaṇasya kāntā nākālayalālyacaraṇanalinā sā
saddhṛdayakalitanilayā nirasitakalikālajātakāśryādiḥ
41
kuśakaraṇādaraṇāṅkā hariṇāṅkāhatanijāsyadhūṇinicayā
sarasā dayayā saiṣā cāhlādakarī ca sati nate nityā
42
sarasijāsanaśaṃkaraśāradādharaṇidhṛttanayādinatīḍitā
kalitanityagṛhasthitiredhate dhṛtadayā ca harerhṛdayāntare
43
sā rājati hareḥ kāntā yā rājādikṛtādarā
dhīrārādhyā ca sarasā dhīrādihitadāyinī
44
ratināyakadāyādā gatireṣā sanātanī
yatidhyānārhacaritā natikṛtkalināśinī
45
dhārādharasaddaṅnaijakacakāntijharī hareḥ
kāntā jayati kalyāṇī śreyaḥsaṃtatidāyinī
46
tanayā jaladheḥ kalādhinetṛgrathitānekakalādihṛṣṭacetāḥ
sanayān tanayādinā sanāthāniha kālena natān hi sādhayantī
47
anantaśakterlīlādisākṣiṇī jayadāyinī
jajñe dharaṇikanyā sā dīnatrāṇakṛtādarā
48
ājñaneyādarānītanātharatnanirīkṣaṇāt
sā sītā kalitānandārātisaṃghāhiṃtaiṣiṇī
49
nirasitaniṣkiñcanajanadainyā kanyā hi sāgarendrasya
tanyādadya śreyaḥ saṃnyāsāddatakaṭākṣakañjaśrīḥ
50
śeṣaśāyidayite dayānidhe śrīraśeṣajanarakṣaṇādare
rājase jagati raṅganāyikā sadyajāsalilaśītale sthale
51
sāṅgaśaraṇāgatālestrāyiṇi raṅgeśanāyike janani
dainyādiratra na hi na tatra nidāne hi te dayāsāraḥ
52
āddatakāñcanaśāṭī kṛtanatijanageyanaijagīrghāṭī
ānandāddataceṭī rājati harināyikā . . ṭī
53
kṛṣṇena yena dayitākāṅkṣitadānādareṇa nākitalāt
śākhī saṃnyastaḥ kila dharātale sa śriyā lasati raṅge
54
kāliyanāganiyantā kalaśanadīśānakanyakānetā
kāle kāle janayati naḥ śrīrakhilārthirdeinyahāridṛśā
55
āśritarakṣaṇadhīrā dhīrārādhyā ca sadguṇādhārā
dhārākalitaśreyaḥ sā rājati sāgarendratanayā naḥ
56
dhīrāgragaṇyadaśarathatanayeritaśatasahasraśaranikaraiḥ
dalitā rākṣasasenāsaṃkhyeyā janani sā hi laṅkā ca
57
caidyādyā daiteyā nihatāḥ kālena tena kṛṣṇena
tena jagatyā janani śreyaḥsantānalatikayā hi tayā
58
hariṇā tena nṛhariṇā kālena tathā hiraṇyakastena
kāntenākali kalitāhlādaḥ sa ca tanayardeinyahāridṛśā
59
śriyaḥ śriyārādhitayā sakalāśca kalāstathā
rasā ca sārasāsārā lalanā lalitakriyāḥ
60
śarkarākṣīrādisadṛgrasā ca saralā ca gīḥ
tanayādyāśca ye'nindyāstanyante dharaṇītale
61
tayā hi hitadāyinyā sītayāhṛtajātayā
dhyānārhayā sanāthāste dayāhṛdayayā janāḥ
62
dharādharadharaḥ kṛṣṇaḥ kālindītaṭakelikaḥ
nākināthanatāṅghriśca yasyā netā ca gīyate
63
aṣṭadiṅnāyakārādhyā naṣṭarājyādidāyinī
sṛṣṭisthityadhinetrī sā sāṣṭāṅganatirakṣiṇī
64
sadarhaṇādilasitā sānnadānādidāyinī
satsaṃghatrāṇajanitā sā sītā sārasāsanā
65
śāntārādhiṃtayā kāle tāntayāraṇyacārataḥ
kāntayā hi hareḥ kāle sāntakā na narāḥ kṛtāḥ
66
ādareṇa kalitārcanaśca yastasya tasya nagarī garīyasī
sāgarendratanayādṛśā śriyaḥ sādareṇa kalidṛṣṭihāriṇī
67
sṛṣṭisthitilayāderyaḥ kartā nātha itīritaḥ
sā śrīḥ sahacarī tasya khyātā sītādinā sadā
68
sā dhāraṇīyacaritā tāthāgatanirāsinā
nāthārhakelirjayati gādhā śreṇīkṛdīḍitā
69
jarādihānidā sendhe dharādharagaṇeḍitā
nirākṛtārtirjananī karākalitasārasā
70
sīrākṛṣṭasthale jātā dhīrārādhyasya nāyikā
sārārthakṛdyāsārā nārāyaṇasahāsanā
71
tāranāthādatāsyaiṣā sāradhīsadguṇārcitā
yā rakṣaṇe dhṛtadayā sārakṣetrādidāyinī
72
nijanāthaśastradalitāricayā janakādhirājatanayā jananī
kalitaśriyā hi nijayā hi dṛśā janatāhitāya kila raṅgatale
73
raṅgatalakalitakeliḥ sajjanarakṣādareṇa kalyāṇī
nijakarakisalyakalitānantaśayāṅghriśca rājate jananī
74
kalaśasāgarakanyakayā tayā jagati sajjanarakṣaṇadīkṣitaḥ
kalitaraṅgagṛhe hariredhate karakṛtādaraśaṅkharathāṅkaḥ
75
diśi diśi dhanadhārā daityajitnityadārāḥ
kṛtanatijanadhīrārādhitā jātasārā
kalitagaganacārā kāśate ratnahārā
nirasitajaninārā satkṛtānandasārā
76
dhanataruśihārā śreyasaḥ sā hi dhārā
dinakaraśaśinetrā rakṣitānekayātrā
nirasitakalikālā nāthakṛṣṇārhalīlā
kanati kanakacelā dīnarakṣaikaśīlā
77
anādinirdhireṣā naḥ śreyase jayaśālinī
kaṃjālayā kṛṣṇadārā jananī kalihāriṇī
78
cirakālārcitā dhanyairdharaṇītanayā hi naḥ
kāṅkṣitāni dadātyeṣā kaṃjāyataddaśaḥ śriyā
79
nālīkinīnāthajanāyakena yadarthinā kiṃnarageyakīrtyā
laṅkā hatā sā śararāśidagdhā sā jānakī rakṣitasadguṇā hi
80
sāraṅgākṣī sarasijakarā sāgarendrasya kanyā
sārāsārādhigatadhiṣaṇaiḥ sannatā saṃnatāṅgī
sītā khyātā sadayahṛdayā sādarā sādhayantī
saiṣā śreyaḥ sakalajagatīsadgatīrdarśayantī
81
kalyāṇī sā kalaśajaladheḥ kanyakā kleśahantrī
kāle kāle kṛtanatihitā kāṅkṣitādhikyadātrī
kāntārāntaḥ kalitacaraṇā kiṃnarīgītakīrtiḥ
kṛṣṇākṛṣṭā kanakasaritaḥ saikate kāntakeliḥ
82
rāsakrīḍārasikadayitā raṅgagehāntarasthā
rājaśreṇīlalitaśirasāṃ ratnanīrājitāṅghiḥ
rājatyeṣā lalitanagarīrājadhānyādidātrī
rākācandrāhatajaladhijā rājate rājatejāḥ
83
jananīnirīkṣitā ye te sarasijanetrarakṣitāḥ kalitāḥ
tantraḥ śreyaḥśreṇījayāditatataye sadā lasati
84
kalitāgśatanicaye jane nate te dayāsāraḥ
kṛtarakṣaṇadhāṭī syāditi niścityādareṇa janani janāḥ
85
yā śītakiraṇasahajā sā nastrāṇāya kalitadīkṣā hi
nirasitakṛtāntakiṃkaradṛṣṭaya ete janāḥ kāle
86
kalayati jalanidhikanyā gaṅgāsahyādijāditaṭasaṅgā
śreyaḥsakalārthihitā yasyāścaraṇasthalāni kalitāni
87
jñānaghanā sā jananī kandalayati sārasārasaśreyaḥ
candanalatayā kanakajalatayārādādarāt kṛtike
88
dayayā śītalahṛdayā sārasahastā ca lasati jananī naḥ
rakṣitasatsaṃghārānnākigaṇārcyāṅghrisarasijā kāle
89
rakṣitarasikagaṇaiṣā kisalayacaraṇā hi jayati jananī naḥ
kīragaṇakalyagīriha sakale śāstrārthasaṃcaye lasitā
90
āddatasatsatkārā nāthahitānātharakṣaṇaikadṛśā
kalayati naijadṛśā kila naḥ śreyaḥ kalinirāsakṛtadhāṭī
91
jananī kalaṅkarahitānanā ghanaśrīḥ sadā lasati raṅge
rasaghananijāsyasarasijagīreṣā satyasaṃdhānā
92
kekānāde kanakakadalīkāṇḍanīlāntarāle
kaṃjākṣī sā kanakasaritaḥ keligehāntarasthā
kāntakrīḍākalitahṛdayā rakṣaṇe dattakeliḥ
kalhāraśrīkarakisalayā kajjalāktāyatākṣī
93
candrakalācandanarasaghanasārādyaiḥ sadvagirā jananī
janayati rakṣādāyinyeṣā kaṃjākṣahraghanijakalanāḥ
94
jitasāraṅgākṣī sā yā raṅgākṣīḍitā ca raṅgatale
kalayati dānāni hi naḥ kāle kāle ca kṛṣṇajaladena
95
añjanādrīśakelyā yādataccittā sanātanī
nirañjanajanaireṣārādhitā hi cirāya sā
96
nākeśanagarīkāntālālyanaijāṅghrisārasā
jananī candrasahajā sā raṅgāditaṭe sthirā
97
rājati harihṛdaye sā kalitatrāṇā kṛtāgasi jane hi
yallīlārasadhāvyākṛṣṭakṛdindhe sa raṅgeśaḥ
98
atiśayitanaijadānā sā śrīrānandakandalaśrīrhi
jananī rakṣitadharaṇī nirasitadehīti gīrihāryaiṅgyā
See also: more in Hymns to the Goddess
- Laghustava — Sanskrit; partly digitised
- Shridevishataka (Śrīdevīśataka) — Sanskrit; partly digitised
- Shriguna (Śrīguṇa) — Sanskrit; partly digitised
- Lalitasahasranamastotra (Lalitāsahasranāmastotra) — Sanskrit
- Great Hymn to Bhuvaneshvari (Bhuvaneśvarīmahāstotra) — Sanskrit
- Durgastotra or saptashati (Durgāstotra or saptaśatī) — Sanskrit; partly digitised