Laghustavacarcastavau 5_416

5_416

patreṣu bilvapatraṃ syānnānyatpatraṃ viśiṣyate
hayamārasarojānāmīṣadvikasitaṃ bhavet .
iti . te daṇḍāṃkuśacakracāpakuliśaśrīvatsamatsyāṅkitairdaṇḍo gadā aṃkuśaḥ
sṛṇiścakraṃ valayākārādi vā trikoṇādi cāpo dhanuḥ kuliśo vajraṃ
śrīvatsaścihnaviśeṣo matsyo
makarastattadrekhākṛtibhiraṅkitaiścihnitairambhojaprabhairlauhityādiguṇena
padmakāntibhiḥ pāṇibhiḥ karairupalakṣitāḥ pṛthivībhujo bhūpālāḥ kathamiva
jāyante na kathañcidityarthaḥ . iva śabdo vākyālaṅkāre . ya eva
kaṇṭakādikṣatakarāsta eva kṣatasthānīyacakrākuṃśādilāñchitā nṛpatikuleṣu
mahīṃ bhoktuṃ janma labhante iti bhāvaḥ . taduktaṃ sāmudrike-