Laghustutih (vrittisameta) 166

166

jāta iti | he devi ! so'yaṃ tvaccaraṇāmbujapraṇatijaḥ tava caraṇāmbujayoḥ
praṇaterjātaḥ | prasadodayaḥ bhavatyāḥ prasādo'nugrahābhimukhyaṃ tasyodaya
udbhava eva | tvatsevāphalameva bhavatīti vṛddhā ācakṣata iti śeṣaḥ | ko'sāvityata
uktaṃ - jāta ityādi | śrīvatsarājo nāma rājā kṣitibhujāṃ sāmānyamātre na
mūrdhābhiṣikānāṃ kṣatriyāṇāṃ kule kintu māṇḍalikānām | tatrāpi na
bhūridhanadhānyapaśupariṣatkṣetrādimati kintu alpaparicchade kule jāto'pi
pratāponnataḥ pratāpo nāmārīṇāṃ dūrādeva bhayajanakatvaṃ tenonnataḥ
unnatimatiśayaṃ prāptaḥ san | niḥśeṣāvanicakravartipadavīṃ
niḥśeṣāyāścatuḥsāgaraparyantāyāḥ avaneḥ cakravartī ājñādharaḥ
sārvabhaumo rājā niḥśeṣāvanicakravartī tasya padavīm | labdhvā akleśataḥ
prāpya | vidyādharabṛndavanditapadaḥ vidyāḥ