Laghustutih (vrittisameta) 171

171

yat so'yamiti saṃbandhaḥ | nṛttagītavādyādicatuṣṣaṣṭikalāvidyāvanto
vidyādharā iti na vyākhyeyaṃ rājñaḥ kiñcijjñatāsūcakatvāt | nāpi
tripurāvidyābhedābhijñā vidyādharāḥ rājñaḥ sarvadevatāvigrahavatyāṃ
paradevatāyāṃ bhaktirāhityavyañjakatvāt | nāpi vidyādharā
devayoniṣvarvācīnapadasthāḥ kecana vaimānikāḥ teṣāṃ vṛndeneti vyākhyeyaṃ
divye vidyādharapade dīvyatāṃ teṣāṃ samrājo hyasya sevakatvāsaṃbhavāt | ata
evoktaṃ śrutyā - tasyeyaṃ pṛthivī sarvā vittasya pūrṇā syāt | sa eko
mānuṣa ānandaḥ | te hi ye śataṃ mānuṣā ānandāḥ sa eko
manuṣyagandharvāṇāmānandaḥ ityādi || 12 ||