Pancastavi 4
Pañcastavī 4
- Language
- Sanskrit
Contents
- 4.24 — 1 part
4.1
uddāmakāma paramārtha sarojaṣaṇḍa-
caṇḍadyutidyutimupāsitaṣaṭa prakārām
moha dvipendra kadanodyatabodhasiṃha-
devi tryambakapatni pārvati sati trailokyamātaḥ śive
śarvāṇi tripure mṛḍāni varade rudrāṇi kātyāyani
bhīme bhairavi caṇḍi śarvari kale kālakṣaye śūlini
tvatpādapraṇatāna nanyamanasaḥ paryākulānpāhi naḥ
4.2
unmattā iva sagrahā iva viṣavyāsaktamūrcchā iva
prāptaprauḍhamadā ivātivirahagrastā ivārtā iva
ye dhyāyanti hi śailarājatanayāṃ dhanyāsta ekāgrata-
styaktopādhivivṛddharāgamanaso dhyāyanti vāmabhruvaḥ
4.4
devi ! tvāṃ sakṛdeva yaḥ praṇamati kṣmoṇībhṛtastaṃ nama-
ntyā janma sphuradaṃghripīṭhaviluṭhatkoṭīrakoṭicchaṭāḥ
yastvāma'rcati so'rcyate suragaṇai ryaḥ stauti sa stūyate
yastvāṃ dhyāyati taṃ smarārtividhurā dhyāyanti vāmabhruva 3
dhyāyanti ye kṣaṇamapi tripure ! hṛdi tvāṃ
lāvaṇya yauvanadhanairapi viprayuktāḥ
te visphuranti lalitāyata locanānāṃ
cittaika bhitti likhita pratimāḥ pumāṃsaḥ
4.5
etaṃ kiṃ nu dṛśā pibāmyuta viśāmyasyāṅgamaṅgairnijaiḥ
kiṃ vā'muṃ nigalāmyanena sahasā kiṃ vaikatāmāśraye
tasyetthaṃ vivaśo vikalpaghaṭanākūtena yoṣijjanaḥ
kiṃ tadyanna karoti devi ! hṛdaye yasya tvamāvartase
4.6
viśvavyāpini ! yadvadīśvara iti sthāṇāva nanyāśrayaḥ
śabdaḥ śaktiriti trilokajanani! tvayyeva tathyasthitiḥ
itthaṃ satyapi śaknuvanti yadimāḥ kṣudrā rujo bādhituṃ
tvadbhaktānapi na kṣiṇoṣi ca ruṣā taddevi citraṃ mahat
4.7
indormadhyagatāṃ mṛgāṅkasadṛśacchāyāṃ manohāriṇīṃ
pāṇḍūtphullasaroruhāsanagatāṃ snigdhapradīpacchavim
varṣantīmamṛtaṃ bhavāni ! bhavatīṃ dhyāyanti ye dehina-
ste nirmuktarujo bhavanti vipadaḥ projjhanti tāndūrataḥ
4.8
pūrṇendoḥ śakalairivātibahulaiḥ pīyūṣapūrairiva
kṣīrābdheḥ laharībharairiva sudhāpaṅkasya piṇḍairiva
prāleyairiva nirmitaṃ tava vapurdhyāyanti ye śraddhayā
cittānta rnihatāttiṃtāpa vipadaste sampadaṃ bibhrati
4.6-2
ye saṃsmaranti taralāṃ sahasollasantīṃ
tvāṃ granthipañcakabhidaṃ taruṇārkaśoṇām
rāgārṇave bahalarāgiṇi majjayantīṃ
kṛtsnaṃ jagaddadhati cetasi tānmṛgākṣyaḥ
4.10
lākṣārasa snāpitapaṃkaja taṃtuttanvīmantaḥ smaratyanudinaṃ bhavatī bhavāni !
yastaṃ smara pratimama pratimasvarūpā
netrotpalairmṛgadṛśo bhṛśamarcayanti
4.11
stumastvāṃ vācamavyaktāṃ himakundendurociṣam
kadambamālāṃ bibhrāṇāmāpādatalalambinīm
4.12
mūrdhnindoḥ sitapaṅkajāsanagatāṃ prāleyapāṇḍutviṣaṃ
varṣantīmamṛtaṃ saroruhabhuvo vaktre'pi raṃdhre'pi ca
acchinnā ca manoharā ca lalitā cātiprasannāpica
tvāmeva smaratāṃ smarāridayite vāksarvato valgati
4.13
dadātīṣṭānbhogān kṣapayati ripūn hanti vipado
dahatyādhīnvyādhīn śamayani sukhāni pratanune
haṭhādantarduḥkhaṃ dalayati pinaṣṭīṣṭavirahaṃ
sakṛd dhyātā devī kimiva niravadyaṃ na kurute
4.15
yastvāṃ dhyāyati vetti vindati japatyālokate cintaya-
tyanveti pratipadyate kalayati stautyāśrayatyarcati
yaśca tryambakavallabhe tava guṇānākarṇyatyādarāt
tasya śrīrna gṛhādapaiti vijayastasyāgrato dhāvati 14
kiṃ kiṃ duḥkhaṃ danujadalini kṣīyate na smṛtāyāṃ
kā kā kīrtiḥ kulakamalini ! khyāpyate na stutāyām
kā kā siddhiḥ suravaranute prāpyate nārcitāyāṃ
kaṃ kaṃ yogaṃ tvayi na cinute cittamālambitāyām
4.16
ye devi ! durdharakṛtāntamukhāntarasthā
ye kāli ! kālaghanapāśanitāntabaddhāḥ
ye caṇḍi ! caṇḍaguru kalmaṣa sindhumagnāstānpāsri mocayasi tārayasi smṛtaiva
4.17
lakṣmīvaśīkaraṇacūrṇasahodarāṇi
tvatpādapaṃkajarjāsi ciraṃ jayanti
yāni praṇāmamilitāni nṛṇāṃ lalāṭe
lampanti daivalikhitāni durakṣarāṇi
4.18
re mūḍhāḥ ! kimayaṃ vṛthaiva tapasā dehaḥ parikliśyate
yajñairvā bahudakṣiṇaiḥ kimitare riktīkriyaṃte gṛhāḥ
bhaktiścedvināśinī bhagavatīpādadvayī sevyatāmunnidrāmburuhātapatra subhagā lakṣmīḥ puro dhāvati
4.16-2
yāce na kaṃcana na kaṃcana vaṃcayāmi
seve na kaṃcana nirastasamastadainyaḥ
ślakṣṇāṃ vase madhuramadmi bhaje varastrīṃ
devī hṛdi sphurati me kulakāmadhenuḥ
4.20
śabdabrahmamayi ! svacche ! devi ! tripurasundari !
yathāśakti japaṃ pūjāṃ gṛhāṇa parameśvari !
4.21
nandantu sādhakāḥ sarve vinaśyantu vidūṣakāḥ
avasthā śāmbhavī me'stu prasanno'stu guruḥ sadā
4.22
darśanātpāpaśamanī japanmṛtyuvināśinī
pūjitā duḥkhadaurbhāgyaharā tripurasundarī
4.24
namāmi yāminīnāthalekhālaṃkṛtakuntalam
bhavānīṃ bhavasantāpanirvāpaṇasudhānadīm 23
maṃtrahīnaṃ kriyāhīnaṃ vidhihīnaṃ ca yatkṛtam
tvayā tatkṣamyatāṃ devi kṛpayā parameśvari
4.24.p1
iti śrī pañcastavyāṃ ghaṭastavastṛtīyaḥ samāptaḥ
Linked texts (1)
- Devīpañcastavī — Kālidāsa, Sanskrit