Renukakavaca (Reṇukākavaca)

रेणुकाकवच

Language: Sanskrit
Extent: 12 passages, 985 words
Text: partly digitised
Source: archiveorg · Renuka Tantram Sri Swamin · Scan of a printed edition hosted by the Internet Archive (archive.org); the ancient text is in the public…

1 — 5 parts
2 — 5 parts

Text

śrī devyuvāca jamadagni priyāṃ devīṃ reṇukāmeka mātaram | sarvārambhe prasīda tvaṃ namāmi kuladevatām || aśaktānāṃ prakāro vai kathyatāṃ mama śaṃkara | puraścaraṇa kāleṣu kā vā kāryā kriyāparā || śrī śaṃkarovāca vinā japaṃ vinā dānaṃ vinā homaṃ maheśvari | reṇukā mantrasiddhisyānnityaṃ kavaca pāṭhataḥ || trailokya vijayaṃ nāma kavacaṃ paramādbhutam | sarvasiddhi karaṃ loke sarvarāja vaśaṃkaram || ḍākinī bhūtavetāla brahmarākṣasa nāśanam | purādevāsure yuddhe māhiṣe loka vigrahe || brahmaṇā nirmitā rakṣā sādhakānāṃ sukhāya ca | mantravīrya samopetaṃ bhūtāpasmāra nāśanam || devairdevasya vijaye siddheḥ khecara siddhaye | divā rātramadhītaṃ syāt reṇukā kavacaṃ priye || vane rājagṛhe yuddhe brahmarākṣasasaṃkule | bandhane gamane caiva karmaṇi rāja saṃkaṭe || kavacasmaraṇādeva sarvaṃ kalyāṇamaśnute | reṇukāyāḥ mahā devyāḥ kavacaṃ śṛṇu pārvati | yasya smaraṇamātreṇa dharma kāmārtha bhājanam || reṇukā kavacasyāsya ṛṣirbrahmā vidhīyate | chandaścitrāhvayaṃ proktaṃ devatā reṇukāsmṛtā || pṛthvī bījaṃ ramā śaktiḥ puruṣārtha catuṣṭayam | viniyogo maheśāni tadākāle prakīrttitaḥ || dhyātvā devīṃ mahāmāyāṃ jaganmātaramambikām | pūrṇakumbha samāyuktāṃ muktāhāravirājitām || svarṇālaṅkāra saṃyuktāṃ svarṇa siṃhāsanaṃsthitāṃ | mastake gurupādābjaṃ praṇamyakavacaṃ paṭhet || indro māṃ rakṣatu prācyāṃ vahnau vahniḥ sureśvari | yāmyaṃ yamaḥ sadā pātunairṛtyāṃ nirṛtistathā || paścime varuṇaḥ pātu vāyavye vāyu devatā | dhanadaścottare pātu īśānyamīśvaro vibhuḥ ||

1.p2.2

ūrdhvaṃ brahmā sadā pātu ananto'dhaḥ sadāvatu | pañcāntako mahendraśca vāmakarṇendu bhūṣitaḥ || praṇavaṃ puṭitaṃ kṛtvā tatkṛtvā praṇavaṃ punaḥ | samuccārya tato devī kavacaṃ prapaṭhe tathā || brahmāṇī me śiraḥ pātu netre pātu maheśvari | vaiṣṇavī nāsikā yugmaṃ karṇayoḥ karṇavāsinī || kaṇṭhaṃ pātu mahālakṣmīhṛdayaṃ caṇḍa bhairavī | vāhū me bagalā pātu karau mahiṣa mardinī || karāṅgu liṣu keśeṣu nābhi me carcikāvatu | guhyaṃ guhyeśvarī pātu ūrupātu mahāmatiḥ || jānunī jananī rāmā gulphayornārasiṃhikā | vasundharā sadā pādau pāyātpādāṅgulīṣu ca || romakūpe meda majjā rakta māṃsāsthikhaṇḍake | reṇukā jananī pātu mahāpura nivāsinī | rakṣāhīnaṃ tu yatsthānaṃ varjitaṃ kavacena tu || pūrva bījaṃ samuccārya sampuṭakramayogataḥ | mudrāṃ vadhvā maheśāni golaṃ nyāsaṃ samācaret || asya śrī reṇukā kavacamantrasya brahmā ṛṣiḥ anuṣṭup chandaḥ reṇukā devatā laṃ bījaṃ reṇukā prītyarthe golanyāse viniyogaḥ | oṃ rāṃ aṅguṣṭhābhyāṃ namaḥ | oṃ rīṃ tarjanībhyāṃ namaḥ | oṃ rūm̐ madhyamābhyāṃ namaḥ | oṃ raiṃ anāmikābhyāṃ namaḥ | oṃ rauṃ kaniṣṭhikābhyāṃ namaḥ | oṃ raḥ karatalakara pṛṣṭhābhyāṃ namaḥ | evaṃ hṛdayādinyāsaḥ | oṃ paṃ namaḥ mūrdhni | oṃ phaṃ namaḥ dakṣiṇa netre | oṃ baṃ namaḥ vāma netre | oṃ bhaṃ namaḥ dakṣiṇa nāsāpuṭe | oṃ maṃ namaḥ vāma nāsāpuṭe | oṃ yaṃ namaḥ dakṣiṇa karṇe | oṃ raṃ namaḥ vāma karṇe | oṃ laṃ namaḥ mukhe | oṃ vaṃ namaḥ gude | brahmāṇī brahmabhāge ca śiro dharaṇi dhāraṇī | rakṣa rakṣa maheśāni sadā māṃ pāhi pārvatī || bhairavī tripurā bālā vajraṃ me tāriṇī parā |

1.p2.3

rakṣa-rakṣa maheśāni sadā māṃ pāhi pārvatī || eṣā me'ṅgaṃ sadā pātu pārvatī haravallabhā | mahiṣāsura saṃhartrī vidhātṛ vara dāyini || mastake pātu me nityaṃ mahākālī prasīdatu | ākāśe tāḍakā pātu pātāle vahnivāsinī || vāma dakṣiṇayoścāpi kālikā ca karālikā | dhanurbāṇa dharā caiva khaḍga khaṭvāṃga dhāriṇī | sarvāṅgaṃ me sadā pātu reṇukā varadāyini || rāṃ rāṃ rāṃ reṇuke mātarbhārgavoddhāra kāriṇi | rājarāja kulodbhūte saṃgrāme śatru saṃkaṭe || jalāplāvye vyāghrabhaye tathā rāja bhaye'pi ca | śmaśāne saṃkaṭe ghore pāhi māṃ parameśvari || rūpaṃ dehi yaśo dehi dviṣatāṃ nāśameva ca | prasādaḥ syācchubho mātarvaradā reṇuke bhava || aiṃ maheśi maheśvari caṇḍike, bhujagadhāriṇi śaṃkha kapālike | kanaka kuṇḍala maṇḍala bhājane, vapuridañca punīhi maheśvari || idaṃ śrī kavacaṃ devyāḥ reṇukāyā maheśvari | trikālaṃ yaḥ paṭhennityaṃ tasya siddhiḥ prajāyate || grahaṇe'rkasya candrasya śuciḥ pūrvamupoṣitaḥ | śatatrayāvṛtti pāṭhāt mantra siddhiḥ prajāyate || nadī saṃgamamāsādya nābhimātrodakasthitaḥ | ravi maṇḍalamudvīkṣya jale tatra sthitāṃ śivām || vicintya maṇḍale devīṃ kāryasiddhirbhaveddhruvam | ghaṭaṃ tatra pratiṣṭhāpya vibhūtiṃ tatra veśayet | dīpaṃ sarṣapa tailena kavacaṃ triḥ paṭhettadā || bhūta preta piśācāśca ḍākinyo yātudhānikā | sarve te nāśamāyānti kavacasmaraṇātpriye || dhanaṃ dhānyaṃ yaśo medhāṃ yatkicinmanasepsitam | kavaca smaraṇādeva sarvamāpnoti nityaśaḥ || || iti śrī mātṛ saṃsthāne bhairava rudrayāmale reṇukā kalpe pañcamaṃ paṭalaṃ sampūrṇam

1.p3

reṇukā kavacam

1.p4

śṛṇudevi pravakṣyāmi reṇukā kavacaṃ param | yena vijñāna mātreṇa sānnidhyaṃ reṇukā bhavet || reṇukā kavacasyāsya bhārgavastu ṛṣismṛtaḥ | chando'nuṣṭup tathā devi reṇukā devatā mama || iṣṭa kāmyārtha sidhyarthe viniyogo varānane | reṇukā me śiraḥ pātu parā śaktisvarūpiṇī || bhālaṃ rakṣatu bhuvaneśī locanaṃ me trilocanī | mukhaṃ me reṇukā pātu nāsikāṃ kāla nāśinī || bhruvau subhrūlatā pātu dantānme kundadantikā | oṣṭhaṃ bimboṣṭhikā pātu jihvāṃ pātu sureśvarī || grīvāṃ rakṣatu indrāṇī kukṣau rakṣetkuleśvarī | gaṇḍaṃ me pātu cāmuṇḍā mahālakṣmīstu kandharam || aṃsau haṃsapriyā pātu bāhū sāyudhavāhūkā | vāṇī vakṣasthalaṃ pātu hṛdayaṃ hṛdayeśvarī || jaghane ghanavāhā me guhyaṃ guhyeśvarī mama | ūrū varorukā pātu śrī devī siddhidevatā || sarvāṅgaṃ sarvadā pātu sarvāṇī rūpiṇī varā | iti śrī reṇukā varma duṣkarma trāsanaṃ sadā || stuti mātreṇa bhaktānāṃ saṃrakṣaṇavicakṣaṇam | japtvā tu kavacaṃ devyāḥ yatra yatra tu gacchati || tatra tatra jayo lābhaḥ kārya siddhiśca jāyate

1.p5

iti ḍāmareśvara tantre reṇukā kavacaṃ nāma ṣaṣṭhitamo'dhyāyaḥ

2.p1

reṇukā kavacam

2.p2

śrīdevyuvāca

2.p3

bhagavan brūhi kavacaṃ bhukti mukti pradāyakam | trailokya mohanaṃ nāma kṛpayā me jagadguro

2.p4

īśvarovāca

2.p5

śrṛṇudevi varārohe kavacaṃ brahmarūpiṇi | brahmeśa pramukhādhīśa nārāyaṇa mukhācyutam || kavacaṃ reṇukā devyāḥ yaḥ paṭhetprayato naraḥ | tacchrutvā paṭhanādbrahmā sṛṣṭi karttā bhavatprabhuḥ || kṛṣṇo dūrvādalaśyāmo devakī garbha saṃbhavaḥ | hṛtpadme reṇukāṃ dhyātvā ṛddhi siddhi phalapradāṃ || sarva śyāmā bhavantyetāḥ janārdana vibhūtayaḥ | evaṃ devagaṇāḥ sarve sarvaiśvaryamavāpnuyuḥ || śiṣyāya gurubhaktāya sādhakāya prakāśayet | yo dadātyanya śiṣyāya śaṭhāya paśurūpiṇe || pañcatvaṃ jāyate tasya hyathavā vātulo bhavet | kavacasyāsya subhage yogī rudraṛṣiḥ svayam || virāṭ chando nigaditaṃ devatā reṇukā parā | dharmārthakāma mokṣeṣu viniyoga udāhṛtaḥ || klīṃ klīṃ klīṃ me śiraḥ pātubhālaṃ netrayugaṃ tathā | reṇukā netra yugala kevalaṃ nāsāpuṭadvayam || rāṃ mātā ca me pātu sajihvāṃ mukhameva ca | bhujayugmaṃ tathā pātu klīṃ klīṃ me tryakṣarātmikā || kaṇṭhaṃ ca cibukaṃ caiva rakṣenme jagadambikā | svāhāvatu brahmarandhraṃ mahāpura nivāsinī || klīṃ klīṃ me reṇukā paścāt rakṣenme pādameva ca | klīṃ klīṃ me hṛdayaṃ pātu klīṃ klīṃ me pārśvameva ca || klīṃ klīṃ me nābhi kamalaṃ klīṃ klīṃ me pṛṣṭhameva ca | klīṃ klīṃ me dviphaḍante ca svāheti parikīrtitā || ekākṣarī mahāvidyā sarvāṅgaṃ me sadāvatu | prācyāṃ rakṣatu māṃ devi āgneyyāṃ mātṛkā tathā || reṇukā dakṣiṇe rakṣedrāmamātā ca nairṛte | virodhinī pratīcyāṃ me vāyavyāṃ jagadambikā || ugrā rakṣedudīcyāṃ ca īśānyyāṃ māṃ prabhāvatī | dīptā rakṣettvadho bhāge nīlā caivordhvadeśike || putramitrakalatrādīn devī rakṣatu sarvadā | iti te kathitaṃ devi sarvamanmaughavigraham || trailokya mohanaṃ nāma kavacaṃ brahmarūpiṇī | brahmeśa pramukhādhīśa nārāyaṇa mukhācyutam || kavacaṃ reṇukā devyāḥ yaḥ paṭhetprayato naraḥ | sa sarvaṃ siddhimāpnoti satyameva na saṃśayaḥ || gāne tu tumbaruḥ sākṣāddāne vai vāsavo yathā | dattātreya samo jñāne gaṃgeva malanāśakaḥ || kāmadeva samo rūpe vāyu tulyaḥ parākrame | sa bhavetsādhakaḥ śreṣṭhaḥ satyaṃ satyaṃ mayoditam || na hanyate gatistasya vāyoriva nabhastale | śatamaṣṭottaraṃ cāsya puraścaryāvidhismṛtaḥ || havanaṃ taddaśāṃśena kṛtvā tatsādhayeddhruvam | yadi cet siddha kavacaḥ śivatulyo bhavetsvayam || paṭhanāddhāraṇātsarvā pṛthvī kāśīpurī samā | yatra kutra vipanno'pi vārāṇasyāṃ mṛto bhavet || na mantro nauṣadhaṃ tasya nākāla maraṇaṃ tathā | bhavatyeva maheśāni kavace hṛdisaṃsthite || aśvamedha sahasrāṇi vājapeya śatāni ca | mahādānāni yānyeva prādakṣiṇyaṃ bhuvastathā || kalāṃ nārhanti tānyeva sakṛduccāraṇādataḥ | puṣpāñjaliṃ reṇukāyai mūlenaiva sadārrpayet || śatavarṣa sahasrāyāḥ pūjāyāḥ phalamāpnuyāt | likhitvā bhūrjapatre tu badhnīyātsarva kāryake || idaṃ kavacamajñātvā yo japet reṇukāṃ śivām | śatalakṣaṃ prajaptvo'pi na mantraḥ siddhidāyakaḥ || iti śrī ḍāmareśvara tantre īśvara pārvatī saṃvāde reṇukā kavacaṃ samāptam