Indrajala 100.3
Indrajāla 100.3
- Language
- Sanskrit
100.3
oṃ pinākadhṛk ! ihāgaccha ihāgaccha iha tiṣṭha iha tiṣṭha
ityādyāvāhanaṃ kṛtvā | oṃ paśupataye namaḥ, iti snāpanam | oṃ
namaḥ śivāya iti pādyādibhiḥ pūjayet | tato vāmāvarttena
piṇḍikāyāṃ prācyādyāgneyantaṃ “oṃ śarvāya kṣitimūrttaye namaḥ
oṃ bhavāya jalamūrttaye namaḥ | oṃ rudrāya agnimūrttaye namaḥ
oṃ ugrāya vāyumūrttaye namaḥ | oṃ bhīmāya ākāśamūrttaye namaḥ
oṃ paśupataye yajamānamūrttaye namaḥ | oṃ mahādevāya somamūrttaye
namaḥ | oṃ īśānāya sūryyamūrtaye namaḥ” | iti gandhapuṣpaiḥ
sampūjayet | “oṃ mahādeva ! kṣamasva” iti visarjayet
tathāha laiṅge |—
ekīkṛtya ca liṅgāni daśapañcaśatāni vā
pratyekamathavā devi ! vilvapatraiḥ prapūjayet
ekaṃ pāśupataṃ liṅgaṃ mṛcchilādivinirmitam
śālagrāmaśilāmekāṃ gṛhasthaścaiva pūjayet