Indrajala 31.2-2

31.2-2

mārgaśīrṣe tathā jyeṣṭhe pūrṇiāyāṃ lipta mandire
nūtanaṃ kalasaṃ pūrṇaṃ gandhatoyena kārayet
śākhāphalasamāyuktaṃ navaratnasamanvitam
suvarṇasūtrikāyuktaṃ ṣaṭkoṇamaṇḍale sthitam
tanmadhye pūjayeddevīmekāntīṃ manasā sthitaḥ
gandhapuṣpā'kṣatairdīpairdhūpairnaivedyasaṃyutaiḥ
arcayedbhaktibhāvena matsyamāṃsaiḥ samadyakaiḥ
brāhmī māheśvarī caiva kaumārī vaiṣṇavī tathā
vārāhī ca tathācaindrī ṣaṭpatreṣu ca mātaraḥ
pūjayenmantrabījena oṃkāreṇa vidhiśrutaiḥ
dadhibhaktaiśca piṇḍāni sapta saṃkhyāni kārayet
ṣaṭsaṃkhyāḥ ṣaṭsu patreṣu mātṛbhyaḥ kalpayet pṛthak
bilvābhaṃ saptamaṃ piṇḍaṃ śucisthāne vahiḥ kṣipet
tairbhukte gṛhamāgaccheccakrāṅgaṃ yāvadācaret
kanyakāṃ yoginīṃ bālāṃ bhojayet sakuṭumbakaiḥ
dakṣiṇāṃ dāpayet tāsāṃ devatāgreṇa cānyathā
visarjya devatāñcātha nadyāṃ tatphalamodakam
sakulaṃ vokṣayeddhīmān śubhena śubhamādiśet
viparīte punaḥ kāryyaṃ yogāntara susiddhidam
prativarṣamidaṃ kāryyaṃ dīrghajīvisutaṃ labhet
“oṃ hrīṃ pheṃ ekāntīdevatāyai namaḥ”| anena mantreṇa pūjā japaśca
kāryyaḥ