Indrajala 31.4-2

31.4-2

drumamūlaghṛtam
mañjiṣṭhā madhukaṃ drākṣā triphalā śarkarā balā
medā payasyā kākolī mūlañcaivāśvagandhajam
ajamodā haridre dve hiṅgunī kaṭurohiṇī
utpalaṃ † kumudaṃ kuṣṭhaṃ kākolyau candanadvayam
eteṣāṃ kārṣikairbhāgairghṛtaprasthaṃ vipācayet
śatāvarīrasaṃ kṣīraṃ ghṛtāddeyaṃ caturguṇam
sarpiretannaraḥ pītvā nityaṃ strīṣu vṛṣāyate
putrān janayate nārī medhāvyān priyadarśanān
yācaivāsthiragarbhā syād yā nārī janayenmṛtam
alpāyuṣaṃ vā janayet yā ca kanyāṃ prasūyate
yonidoṣe rajodoṣe garbhasrāve ca śasyate
prajāvarddhanamāyuṣyaṃ sarvagrahanivāraṇam
nāmnā drumaghṛtaṃ hyetadaśvibhyāṃ parikīrttitam
tadyuktaṃ lakṣṇāmūlaṃ kṣipantyatra cikitsakāḥ
jīvadvatsaikavarṇāyā ghṛtamatra tu dīyate
āraṇyagomayenaiva vahnijvālā pradīyate