Indrajala 43.1

43.1

atha kāmyasiddhiḥ
puṣyārke tu samāgṛhya mūlaṃ śvetārkasambhavam
aṅguṣṭhapramitāṃ tasya pratimāntu prapūjayet
gaṇanāthasvarūpāntu bhaktyā raktāśvamārajaiḥ
kusumaiścāpi gandhādyairhaviṣyāśī jitendriyaḥ
pūjayeddāmamantraiśca tadbījāni namo'ntakaiḥ
yān yān prārthayate kāmān māsaikena tu tān labhet
pratyekaṃ kāmyasiddhayarthaṃ māsamekaṃ prapūjayet
gaṇeśavījamāha|—“pañcāntakaṃ om̐ antarīkṣāya svāhā”
anena pūjayet| pañcāntakaṃ śaśidharaṃ vījaṃ gaṇapaterviduḥ| “om̐
hrīṃ pūrvadadyāṃ om̐ hrīṃ phaṭ svāhā”| anena mantreṇa raktāśvamārapuṣpāṇi
ghṛtakṣaudrayutāni juhuyāt | vāñchitaṃ dadāti | “om̐ hrīṃ śrīṃ mānase siddhikari hrīṃ namaḥ”| anena mantreṇa raktakusumaśataṃ japtvā nityaṃ kṣipet | evaṃ
lakṣaṃ japet | tato bhagavatī varadā aṣṭaguṇānāmekaguṇaṃ dadāti
atha vākyasiddhiḥ
kṛttikāyāṃ suhīvṛkṣa-vandāñca dhārayet kare
vākyasiddhirbhavet tasya mahāścaryyamidaṃ smṛtam