Indrajala 62.18

62.18

limpenmṛngomayairbhūmiṃ kuśāṃstatra samāstaret
pañcopacāranaivedyairdevadevī prapūjayet
akṣasūtraṃ kare dhṛtvā pūrvamevāyutaṃ japet
arddharātre gate devī supte vakti śubhāśubham
rocanaiḥ kuṅkumaiḥ kṣīraiḥ padmrāṣṭadalaṃ likhen
nīlavarṇe bhūrjapatre māyāvījaṃ dale dale
likhitvā dhārayenmūrdhni imaṃ mantraṃ tato japet
pūrvameva tu saptāhaṃ kuryyādevaṃ prayatnataḥ
atītānāgataṃ sarvvaṃ svapne vadati devatā
alābumūlikāṃ puṣye tathā sarpākṣimūlikām
gṛhyābhimantritāṃ yatnādraktasūtreṇa veṣṭayet
mūrdhni baddhā tu tāṃ supte vadatyeva śubhāśubham
lakṣamekaṃ japenmantraṃ vaṭavṛkṣatale śuciḥ
bandhūkakusumaiḥ paścānmadhvannaṃ kṣīramiśritam
datte dhūpe daśāṃśena juhuyāt pūrṇayānvitam
tataḥ siddhā bhaveddevī vicitrā vāñchitapradā
praviśya nagarasyāntaṃ lakṣasaṃkhyaṃ japecchuciḥ
padmapatraiḥ kṛto homo ghṛtopetairdaśāṃśataḥ
prayacchatyañjanaṃ haṃsī yena paśyati bhūvidhim
sukhena tacca gṛhṇāti na vighnaiḥ paribhūyate
atra mantraḥ |—“oṃ haṃsi haṃsi jane hrīṃ klīṃ svāhā”