Pramāṇa · Search · About · API

Devirahasya 32.2-4

Devīrahasya 32.2-4

Language
Sanskrit

Contents

32.2-4

saptacchandobhyo namaḥ

32.2-4.p1.1

saptaturaṃgebhyo namaḥ | mūlaṃ
śrīratnasiṃhāsanāya namaḥ iti saṃpūjya , padmakesarāgraॉliṃ gṛhītvārghyamudrāṃ
baddhvā , śrīdevaṃ pūrvoktaṃ dhyātvā, mūlānte visphurāsahitāya śrīsūryāya pādyācamanīya-madhuparkāṃcamanīyārghyagandhākṣatapuṣpasnānavastrālaṅkāranānāhārakeyūranūpurābharaṇaratnasiṃhāsanagandhākṣatapuṣpadhūpadīpanaivedyācamanīyatāmbūlacchatra -
cāmarārātrikādīn nivedya , mānasopacāraiḥ saṃpūjya , sadevīkaṃ devaṃ
sūryanāḍīnirgataṃ vāyutejorūpaṃ puṣpamātraṃ dhyātvā
bhagavan sarvalokeśa sahasrakiraṇa prabho
yāvat tvāmarcayiṣyāmi tāvat sūrya ihāvaha ||"
iti śrībindubimbe puṣpaṃ dattvā bimbamudrayā jīvaṃ nyaset | ūm̐hāṃhīṃsaḥ haṃsaḥ yaṃralaṃvaśaṃṣasaṃhaḷaṃkṣaḥ visphurāsahitasya śrīsūryasya prāṇā iha
prāṇāḥ , 16 visphurāsahitasya śrīsūryasya jīva iha sthitaḥ , 16
visphurāsahitasya śrīsūryasya sarvendriyāṇi , 16 vāṅmanastvakcakṣuḥśrotrajihvāghrāṇaprāṇā ihaivāgatya sukhaṃ ciraṃ tiṣṭhantu svāhā , iti prāṇān
saumyāni raktavarṇāni varadāñjakarāṇi ca
bhūṣitāni dvihastāni bhānoraṅgāni bhāvayet
daṃṣṭrākarālamatyugraṃ prajvalatpāvakaprabham
tarjayad vighnasaṅghātamitthamastraṃ vicintayet
somaṃ kumudakundābhaṃ bhaumaṃ cāmīkaraprabham
nīlaratnanibhaṃ saumyaṃ guruṃ gorocanānibham
gokṣīrasannibhaṃ śukraṃ śaniṃ nīlāñjanaprabham
kāmarūpadharāḥ sarve divyāmbaravibhūṣaṇāḥ
vāmorūnyastasadvastrā dakṣahastābhayapradāḥ
dhyānapūrvaṃ grahānevaṃ subhaktyā kauliko'rcayet
iti puṣpāñjaliṃ dattvā, vīrapātrāmṛtena saṃhṛtikrameṇa svāvāmāvṛttyā

32.2-4.p1.2

pūjayet | dvāḥ sthādidevāyudhadhyānārcanāntaṃ pūjākramaḥ, iti śivaśāsanam
yathā-laṃ indraśrīpādukāṃ pūjayāmi tarpayāmi namaḥ, vīrapātrāmṛtena taryet | raṃ agniśrīpādukāṃ pū0 | ṭaṃ yamaśrīpā0 | ttaṃ nirṛtiśrī0
vaṃ varuṇaśrī0 | yaṃ vāyuśrī0 | saṃ somaśrī0 | haṃ īśānaśrī0 | oṃ brahmaśrī0
hīṃ anantaśrī0 | iti padmapatrairabhyarcayet (abhīṣṭasiddhiḥ) iti
prathamāvaraṇam
śrīṃ gaṃ gaṇeśaśrīpādukāṃ pū0 | oṃ caṃ caṇḍavetālaśrīpā0 | oṃ lolāṅśrīpā0 | oṃ vikarālaśrī0 | iti gandhākṣatapuṣpairabhyarcya pūrvadakṣiṇapaścimottareṣu vāmāvartenāntardvāḥsthān saṃpūjayediti (abhīṣṭa0)
iti dvitīyāvaraṇam
mū0 guṃ svagurupādukāṃ pūjayāmi namaḥ tarpayāmi namaḥ, iti gurupātrāmṛtena saṃpūjya, vā saṃtarpya, paṃ paramaguruśrī0, paṃ parameṣṭhiguruśrī0,
iti vṛttatrayeṣu vāyavyādīśāntaṃ saṃpūjayediti tṛtīyāvaraṇam
sauḥ jyotsnādevīdīptāsahitasomaśrīpā0 | iti grahapātrāmṛtena taryet | saṃ sūdamāsahitamaṅgalaśrī0 | baṃ jayāsahitabudhaśrī0 | juṃ bhadrāsahitajīvaśrī0 | śrīṃ vimalāsahitaśukraśrī0 | śaṃ nirmalāsahitaśaniśrī0 | rāṃ vidyutāsahitarāhuśrī0 | kaṃ sarvatovaktrāsahitaketuśrī0
iti gandhākṣatapadmaparāgairvāmāvartena vasudale pūrvādīśāntaṃ saṃpūjayediti
caturthāvaraṇam
oṃ hāṃhīṃ tapanīsahitasūryaśrīpā0 | oṃ tāpinīsahitadivākaraśrī0 | oṃ
bodhinīsahitabhānuśrī0 | oṃ rodhinīsahitabhāskaraśrī0 | oṃ kalinīsahitaraviśrī0 | oṃ śoṣiṇīsahitatvaṣṭṛśrī0 | oṃ vareṇyāsahitatapanaśrī0 | oṃ ākarṣiṇīsahitadharmaśrī0 | iti śrīparamapātrāmṛtena svāvāmāvṛttyā vasukoṇe padmapatraiḥ saṃpūjayediti pañcamāvaraṇam

32.2-4.p1.3

oṃ hāṃhīṃ māyāsahitahaṃsaśrīpā0 itīśāne | oṃ viśvāvatīsahitagrahapatiśrī0 iti āgneye | oṃ hemaprabhāsahitatrayītanuśrī0 ityagre | iti gandhapuṣpādyairarcayediti ṣaṣṭhāvaraṇam
oṃ "jagaddhvanimaye mātarghaṇṭāyai namaḥ" iti saṃpūjya śanairvādayan
mūlavidyāmuccārya śrīvisphurāsahitasavitṛśrī0, iti dvādaśavāraṃ śatapatraiḥ
kevalamabhyarcayediti saptamāvaraṇam
oṃ ratnakalaśaśrīpā0, oṃ suvarṇakamalaśrī0, iti paramapātrāmṛtena vāmadakṣiṇayoḥ karakamalayoḥ saṃpūjayedityaṣṭamāvaraṇam || itthaṃ saṃpūjya,
mūlena mūladevatāṃ triḥ santarpya praṇamet | tato mūladevatāsahitāya śrīsūryāya saparicchudāya paramānnaṃ naivedyaṃ nivedayāmi namaḥ, mūlena dattvā
mūlānte saptapradakṣiṇāni kṛtvā mūlānte merupuraeḍrakamudrāṃ pradarśya punaḥ
punaḥ praṇamet
dakṣiṇāntargatā vāmā vāmāntaragatāḥ parāḥ
aṅgulīryojayed devi cāṅguṣṭhau saṃmukhau caret
āvartya vyomavad hastāvaṅguṣṭhau devyadhomukhau
merupuraeḍrakamudreyaṃ divyā bhāskaravallabhā
naivedye ca praṇāme ca puraeḍrākhyāṃ pradarśayet
iti natvā saṃkalpapūrvaṃ ṣaḍaṅgaṃ vidhāya prāṇāyāmatrayaṃ kṛtvā arkamālayā
mūlaṃ yathāśaktyā japet | japānte,
guhyātiguhyagoptā tvaṃ gṛhāṇāsmatkṛtaṃ japam
siddhirbhavatu me deva tvatprasādāt prabhākara

32.2-4.p1.4

iti japaṃ devāya samarpya, yonimudrayā praṇamet | tataḥ kavacasahasranāmastavarājapāṭhaṃ kuryāt ( vaiśvadevādinityakarma kuryāt ) | tadapi bimbamudrayā devāya samarpya daṇḍavat praṇamya, um̐hīṃvīṃ vīravaṭukāya namaḥ | uṃyāṃyūṃyoṃ yoginībhyo namaḥ | um̐kṣāṃ kṣetrapālebhyo namaḥ | uṃtrāṃtroṃ tejaścaṇḍābhyāṃ namaḥ, iti baliṃ nivedya, "um̐hāṃhūṃ sarvabhūtebhyaḥ sarvavighnakṛdbhyo balirvauṣaṭ" iti baliṃ dattvā, ( tataḥ sūryasya dyāmāpayet )
śrīsāmayikaiḥ saha vīravandanaṃ vidhāya, tadante "oṃ sohaṃ haṃsaḥ svāhā" ityānandapātraṃ śirasi niḥkṣipya, paramānandamayo bhūtvā svātmānaṃ tejomayaṃ sūryarūpaṃ vibhāvya "oṃhaḥ astrāya phaṭ" sūryārkaṃ dhyātvā praṇamya puṣpāñjaliṃ dattvā bhānavīṃ mudrāṃ pradarśya, saṃhāramudrayā śrīcakre binduvisvāt sūryatejomayaṃ puṣpamādāya piṅgalayāgrāya tatsauraṃ tejaḥ paramaśivena saṃyojya, punarmūlādhāraṃ prāpayya svātmānaṃ tejomayarūpaṃ divyaṃ nāṭayan svaśaktyā saha yathāsukhaṃ viharet
ityeṣā nityapūjāyāḥ padghātirgadyarūpiṇī
tava snehena nirgītā nākhyeyā kaulikaiḥ priye

32.2-4.p2

iti śrīrudrayāmale tantre śrīdevīrahasye sūryapūjāpaddhatinirūpaṇaṃ dvātriṃśaḥ paṭalaḥ || 32

Linked texts (4)