Devirahasya 32.2.8

32.2.8

datte trikoṇavṛttacaturasraṃ vilikhya, sāmānyārghyodakenābhyukṣya, oṃhāṃ hṛdayāya namaḥ pūrve | oṃhīṃ śirase svāhā dakṣiṇe | oṃhūṃ śikhāyai vaṣaṭ paścime
oṃ hāṃ kavacāya huṃ uttare| oṃ hīṃ netrebhyo vauṣaṭ adhaḥ| oṃ haḥ astrāya phaṭ ūrdhve| iti saṃpūjya, oṃmitīśāne, hamityāgneye, saḥ iti agre, iti dvayarthaṃ saṃpūjya, jvālitādhāraṃ saṃsthāpya "raṃ vahni-maṇḍalāya daśakalātmane namaḥ" ityabhyarcya, tatra
sauvarṇaṃ rājataṃ vāpi raktaṃ vā mṛṇmayaṃ ghaṭam
sthāpayecchobhitaṃ divyamālābhiḥ kuṅkumāṅkitam
iti saṃsthāpya "haṃsaḥ sūryamaṇḍalāya dvādaśakalātmane namaḥ" iti saṃpūjya, madhumātreṇāpūrya tatrānāmikāṅguṣṭhābhyāmṛtadhārāpātena saṃpūrya, "sauḥ somamaṇḍalāya ṣoḍaśakalātmane namaḥ" iti somamaṇḍalādamṛtīkaraṇamudrayāmṛtaṃ dhyātvā tatrānīya kumbhe niḥkṣipya, aṃāṃ ityādikṣāntamuccārya mūlamuccārya, "hrāṃhrīṃ hrūṃ hraiṃ hrauṃ hraḥ amṛte amṛtodbhave amṛtavarṣiṇi amṛtākarṣiṇi amṛtavarṣiṇi mahāmārateśvari sudhādevi paramānandeśvari hrāṃhrīṃ haṃsaḥ haṃsaḥ sohaṃ svāhā" iti daśadhā japet iti japtvā,
sūryamaṇḍalasaṃbhūte varuṇālayasaṃbhave
amābījamaye devi śukraśāpādvimucyatām
vedānāṃ praṇavo bījaṃ brahmānandamayaṃ yadi
tena satyena deveśi śukraśāpādvimucyatām
ekameva paraṃ brahma sthūlamūttamamayaṃ dhruvam
kacodbhavāṃ brahmahatyāṃ tena te nāśayāmyaham
kṛṣṇaśāpavinirmuktā laṃ muktā brahmaśāpataḥ
vimuktā rudraśāpena pavitrā bhava sāṃpratam
pavamānaḥ parānandaḥ pavamānaḥ paro rasaḥ
pavamānaṃ paraṃ brahma tena tvāṃ pāvayāmyaham