Devirahasya 73
Devīrahasya 73
- Language
- Sanskrit
Contents
- 73.47-2 — 1 part
73.1
samāptaṃ śrījvālāmukhīpaścāṅgam
śrībhairava uvāca
śṛṇu devi pravakṣyāmi paṭalaṃ devadurlabham
sarvasiddhikaraṃ divyaṃ sarvaiśvaryapradāyakam
73.2
yā devadevī varadā śārikā tripureśvarī
trailokyajananī durgā vidyā saptācarī parā
73.3
saptavidyeśvarī saiva saptalokāntarāśrayā
saptadvīpamayī pṛthvī śūnyarūpā kuleśvarī
73.4
yā devī cetanā loke śilārūpāsti śārikā
sarvepsitapradā nityaṃ pradyumnapīṭhamāśritā
73.5
vakṣyāmi paṭalaṃ tasyā mantroddhāraprakāśakam
yantroddhāraṃ layāṅgāḍhyaṃ yathāvadvarṇayāmi te
73.6
mantroddhāraṃ mahadropyaṃ sarvasiddhipradaṃ kalau
mantraṃ hitārthaṃ lokānāṃ tatrādau śṛṇu pārvati
73.7
tāraṃ parāmātaṭasindhurārṇāḥ
khaṃ śarma tanmadhyagataṃ ca nāma
ante'śmarī pārvati śārikāyātrayodaśārṇo manurasti gopyaḥ
73.8
mantrasyāsya mahādevi na vighno nāpi dūṣaṇam
na viparyayabhīrloke siddhasādhyārisaṃśayaḥ
73.6-2
puraścaryāphalaṃ nāpi na kāyakleśasaṃgrahaḥ
sākṣāt siddhiprado mantraḥ sarvavighnāpahārakaḥ
73.10
brahmahatyā-surāpāna-mahāpātakajaṃ malam
pracālayati mantro'yamabhakṣyabhakṣaṇaṃ drutam
73.11
mantramutkīlayedādau mantraṃ sañjīvayettataḥ
siddhaṃ mantraṃ japenmadhye dadyādante ca saṃpuṭam
73.12
tataḥ siddhamanuḥ siddho nāmādhyo bhavati dhruvam
asya mantrasya deveśi prasādādbhairavo'smyaham
73.13
viṣṇurnārāyaṇo devi brahmā lokapitāmahaḥ
na deyaḥ paraśiṣyāya bhaktihīnāya pārvati
73.14
anyathā siddhihāniḥ syādubhayoḥ śivaśāpataḥ
mantrasyāsya ṛṣiḥ prokto mahādevo maheśvari
73.15
triṣṭup chandaḥ samākhyātaṃ śārikā devatā smṛtā
śrīṃ bījaṃ ramā śaktiḥ sinduraṃ kīlakaṃ smṛtam
73.16
dharmārthakāmamokṣārthe viniyoga itīritaḥ
tāraparāramābījaiḥ ṣaḍdīrghoccārūpakaiḥ
73.17
nyāsaṃ kuryāt ṣaḍaṅgādi yena devīmayo bhavet
dhyānamasyāḥ pravakṣyāmi jagaccaitanyakāraṇam
yena dhyātena deveśi parānandaḥ prajāyate
73.18
bālārkakoṭidyutiminducūḍāṃ
varāsicakrābhayabāhumādyām
siṃhādhirūḍhāṃ śivavāmadehalīnāṃ bhaje cetasi śārikeśīm
73.19
yantroddhāraṃ pravakṣyāmi sādhakānāṃ śubhāvaham
sarvārthasādhakaṃ divyaṃ sarvāśāparipūrakam
73.20
khatrikoṇa-vasukoṇasuvṛttoddyotanāgadalavṛtta(sattritre)maṇḍalam
bhūgṛhaṃ śikhiravīndubhāśvitaṃ
yantrametaduditaṃ śirvā''layam
73.21
śārikāyā mahāyantraṃ trailokyoddhārakārakam
na deyaṃ paraśiṣyebhyo dattvā tu brahmahā bhavet
73.22
layāṅgamasya vakṣyāmi brahmaviṣṇusamarcitam
yantrarājasya deveśi caturvargapradāyakam
73.23
gaṇeśadharmavaruṇāḥ kuberasahitāḥ śive
pūjyā dūrvākṣataiḥ puṣpaiścaturdvāreṣu sādhakaiḥ
73.24
indrādyāścaiva dikpālāstatheśānakrameṇa ca
brāhmī ca vaiṣṇavī devī caṇḍikāpyaparājitā
73.25
kaumārī śāmbhavī caiva vārāhī nārasiṃhikā
pūjyā vāmakrameṇaitā mātṛcakrasthamātaraḥ
73.26
tatraiva guravo'bhyarcyastriṣu vṛtteṣu sādhakaiḥ
guruṃ ca paramaṃ devi parāparaguruṃ tathā
73.27
parameṣṭhiguruṃ devi nutvā pūjyāśca bhairavāḥ
saṃhāro bhīṣaṇo devi kapālyunmattabhairavau
73.28
krodhaścaṇḍo ruruścaivamasitāṅgo maheśvari
ityetān bhairavān devi vasupatreṣu pūjayet
73.26-2
brāhmayādyā mātaro yatra tatra saṃpūjayet sadā
bhairavān dakṣiṇāvṛttyā mātṛcakraṃ tu vāmataḥ
73.30
amā kāmā ca cārvaṅgī devī ca ṭaṅkadhāriṇī
tārā ca pārvatī devi saṃpūjyā yakṣiṇī śivā
73.31
vāmāvartakrameṇaiva vasukoṇagatāḥ śive
kālikā tripurā durgā pūjyā madhyatrikoṇagāḥ
73.32
īśānakramayogena yathābhīṣṭaphalapradāḥ
madhye śrīśārikādevīṃ vāmadevāṅgamadhyagām
73.33
makāraiḥ pañcabhiḥ kaulaḥ kaulācāraparāyaṇaḥ
saṃpūjayenmahādevi sādhako mantrasādhakaḥ
73.34
varaṃ cakraṃ ca khaḍgaṃ ca pūjayedabhayaṃ tathā
bindau puṣpākṣataiścaiva dhūpadīpāditarpaṇaiḥ
73.35
naivedyācamanīyādyaistāmbūlaiśca suvāsitaiḥ
layāṅgamidamākhyātaṃ prayogāñchṛṇu pārvati
73.36
stambhanaṃ mohanaṃ caiva māraṇākarṣaṇe tathā
vaśīkāraṃ tathoccāṭaṃ śāntikaṃ pauṣṭikaṃ tathā
73.37
eteṣāṃ sādhanaṃ vacye rahasyaṃ paramādbhutam
yena sādhanamātreṇa sādhako bhairavo bhavet
73.38
(1) ravau snātvā śive kūpe kṛtvā karmādikaṃ tathā
ardharātre nirāhāro japenmūlaṃ catuṣpathe
73.39
ayutaṃ niyamenaiva daśāṃśaṃ homamācaret
ghṛtarākṣāśaṭīcaudra-kukalāsādibhiḥ śive
73.40
brahmā hariḥ śivo jiṣṇuḥ stambhavān bhavati dhruvam
(2) candre madhyāhnasamaye vetasīmūlamaṇḍale
73.41
trikoṇaṃ maṇḍalaṃ kṛtvā śrīcakraṃ pūjayettataḥ
ayutaṃ prajapenmūlaṃ niyamena sureśvari
73.42
hunedājyapayomatsya-karpūrāsavatajjaṭāḥ
śītodbhūtena deveśi bhasmanā tilakaṃ caret
73.43
tasya darśanamātreṇa trailokyaṃ mohameṣyati
(3) bhaume niśāmukhe gatvā śmaśānamayutaṃ japet
73.44
citāyāṃ tatra dīptāgnau hunedājyaṃ sagomayam
śamīmūle narāsthīni śatrunāmnā nikhātayet
73.45
api devasamo vāpi śatrurmṛtyumukhaṃ vrajet
(4) budhe gatvā vanaṃ devi vaṭāśvatthatale japet
73.46
ayutaṃ mūlamekākī hunet puṣpacayaṃ sitam
sājyaṃ sāsavaraktaṃ ca puṣpāṇi ca maheśvari
73.47
menakā pīnavacojā prātaḥ prādurbhaviṣyati
(5) gurau gatvā śavāsīno japenmūlaṃ catuṣpathe
73.48
ayutaṃ vāyutārdhaṃ vā hunet pāyasamāsavam
svayaṃ cāsavalolākṣaḥ sājyaṃ tāmbūlamiśritam
73.49
indrāgniyamamāṃsāda-varuṇānilavittadāḥ
seśvarāḥ sahasā tasya vaśameṣyantyasaṃśayam
73.50
(6) śukre'rdharātre viṣṭyāṃ vā gatvā pretālayaṃ param
ekākī prajapettatra kṛtvā pānāñjanaṃ śive
73.51
ayutaṃ tu citāvahnau hunedājyaṃ sakāśvikam
citāṅgāracaye devi riporuccāṭanaṃ bhavet
73.52
(7) śanau madhyāhnasamaye snātvā kṛtvāhnikīṃ kriyām
gatvā devālayaṃ devi devīṃ dhyātvā yathāvidhi
73.53
tadagre pūjayedyantraṃ japenmūlamathāyutam
tatra trikoṇakuṇḍe tu hunedājyaṃ samairavam
73.54
rurumāsaṃ kuleśāni kukkuṭasya śirastathā
sadyaḥ sarvabhayānāṃ ca śāntirbhavati pārvati
73.55
(8) aṣṭamyāṃ ca caturdaśyāṃ gatvā pretālayaṃ śive
japedayutamardhaṃ vā hunet pāyasaśarkarām
73.56
mudrīkāṃ trīṃśca madyādīnmahāpuṣṭiḥ prajāyate
ityeṣa vidhirākhyātaḥ sarvatantreṣu gopitaḥ
73.47-2
nākhyeyo naca deṣṭavyo yoginīcakrapūjakaiḥ
ityeṣa paṭalo guhyaḥ sakalāgamasāravān
rahasyabhūto'yaṃ devi gopanīyo mumukṣubhiḥ
73.47-2.p1
iti śrīrudrayāmale tantre daśavidyārahasye śrīśārikādevīpaṭalaḥ || 1
Linked texts (3)
- Devīrahasya — Sanskrit
- Pūrvārddhadevirahasya — Sanskrit
- Devīrahasyapurāṇa — Sanskrit