Devirahasya 85.2.1

85.2.1

iti śrībālātripurāṃ dhyātvā mānasopacārairārādhya manasā yathāśakti japahomādikaṃ ca kṛtvā, "dharmādharmahavirdīpte svātmāgnau manasā srucā | suṣumnāvartmanā nityamantravṛttīrjuhomyahaṃ svāhā ||" kāmakalāṃ vicintya tadupari śrībālāṃ yathoktāṃ dhyāyan, svavāmabhāge ṣaṭkoṇāntargatatrikoṇadvayabindubāhyavṛttacaturasraṃ kṛtvā svadakṣe trikoṇaṃ vṛttabimbaṃ maṇḍalaṃ bhūmau viracaya tatrādhāraśaktiṃ saṃpūjya, tatrādhāraṃ niḥkṣipya, taduparyastramantreṇa śodhitaṃ hṛnmantreṇa pūritaṃ pātraṃ śaṅkhādikaṃ vā saṃsthāpya tatra 'gaṅge ca yamune caiva' ityādinā tīrthamāvāhya gandhādīn praṇavena niḥkṣipya, vahnisūryasomakalābhiḥ saṃpūjya dhenumudrāṃ pradarśya svamantreṇa ca saṃpūjayediti vidhivihitasāmānyārghyodakena svāme kṛtamaṇḍalamabhyukṣaya, tatra 'ādhāraśaktibhyo namaḥ' ityādi pīṭhapūjākrameṇa saṃpūjya, namaḥ ityādhāraṃ prakṣālya maṇḍalopari saṃsthāpya, "raṃ vahnimaṇḍalāya daśakalātmane namaḥ" iti prapūjya, phaḍiti kalaśaṃ prakṣālya, kāraṇena prapūrya raktavastramālyādinā saṃbhūṣya devībuddhyā saṃsthāpya, "aṃ arkamaṇḍalāya dvādaśakalātmane namaḥ" iti kalaśe saṃpūjya, uṃ candramaṇḍalāya ṣoḍaśakalātmane namaḥ" iti dravye saṃpūjya, phaḍiti saṃrakṣya hūmityavaguṇṭhya mūlena saṃvīkṣya, namaḥ ityabhyukṣya mūlena gandhamāghrāya, kumbhe puṣpaṃ dattvā śāpamocanaṃ kuryāt