Devirahasya 85.2.5

85.2.5

saṃsthāpya , "deveśi bhaktisulabhe parivārasamanvite | yāvattvāṃ pūjayiṣyāmi tāvad devi ihāvaha ||" iti paṭhitvā , mūlaṃ śrīkāmeśvaraśivasahite bālātripure ihāgaccha 2 iha tiṣṭha 2 iha saṃnidhehi 2 iha
saṃniruddhā bhava 2 mama sarvopacārasahitāṃ pūjāṃ gṛhāṇa 2 ityāvāhanādimudrāḥ pradarśya , prāṇapratiṣṭhāṃ śrīcakre lelihānamudrayā vidhāya daśadigbandhaṃ kṛtvāvaguṇṭhya sakalīkṛtya paramīkṛtya , dhenuyonimudre pradarśya
varābhayapustakākṣamālājñānāṅkuśapāśacāpabāṇakapālakamalādimudrāḥ pradarghya , śrīpātrāmṛtena sāyudhāṃ savāhanāṃ saparivārāṃ sāvaraṇāṃ śrīkāmeśvarabhairavasāhitāṃ śrībālātripurāṃ tarpayāmi namaḥ iti triḥ santarpya ,
punarapi mūlena śrībālātripurāśrīpādukāṃ tarpayāmi namaḥ iti triḥ santarpya , mūlamuccārya , etatpādyaṃ śrīkāmeśvarasāhitaśrībālātripurāyai namaḥ
pādyoḥ pādyaṃ | evamarghyaṃ svāhā śirasi | ācamanīyaṃ madhuparkaṃ ca
sudhā mukhe | snānīyaṃ namaḥ sarvāṅge, iti susnāpya , śuddhadukūlenāṅgaṃ
proñchaya , vicitrapaṭavastraṃ kuṅkumakastūrīcandanasindūramukuṭakuṇḍalahārādinānālaṅkārān dattvā punarācamanīyaṃ dadyāt | tato madhyamānāmāṅguṣṭhaiḥ gandho namaḥ iti gandhaṃ , aṅguṣṭhatarjanībhyāṃ puṣpāṇi vauṣaṭ iti
puṣpaiḥ saṃpūjya , dhūpapātraṃ phaḍiti saṃpūjya purataḥ sthāpayitvā vāmatarjanyā saṃspṛśan śrīpātrāmṛtena dhūpaṃ nivedayāmi iti nivedya , jagaddhvanimantramātaḥ svāhā iti ghaṇṭāṃ saṃpūjya vāmena pāṇinā tāṃ vādayan ,
madhyānāmāṅguṣṭhairdhūpaṃ dhṛtvā gāyatrīṃ mūlamantraṃ ca paṭhan "vanaspatiraso