Devirahasyatantra 46.3.2

46.3.2

iti trirjaptvā, oṃ hasakṣamalavarayūm̐ ānandeśvarabhairavāya vauṣaṭ iti daśadhā japtvā, sahakṣamalavarayūm̐ surādevyai vauṣaṭ iti daśadhā japtvā, mūlaṃ trirjaptvā, 'oṃ gaṅge ca yamune caiva' ityādinā aṅkuśamudrayā tīrthānyāvāhya, kuṇḍalinīṃ jyotīrūpāmutthāpya ṣaṭcakraṃ bhittvā, brahmarandhrasthaparamaśivabhaṭṭārakeṇa niyojya 'haṃsaḥ sohaṃ svāhā' iti vicintya, tayoḥ sāmarasyodbhavānandāmṛtavahamānanāsāpuṭaniḥsṛtāmṛtadhārayā kalaśamāpūryāmṛtamayaṃ dhyātvā gandhākṣatapuṣpairabhyarcya, dhenuyonimatsyamudrāḥ pradarśya praṇamediti dravyaśuddhiḥ
oṃ juṃsaḥ sūryamaṇḍalasambhūte varuṇālayasambhave
amābījamayī devi śukraśāpādvimucyatām
oṃ juṃsaḥ devānāṃpraṇavobījaṃbrahmānandamayaṃyadi
tena satyena deveśi brahmahatyāṃ vyapohatu
oṃ juṃsaḥ ekameva paraṃbrahmasthūlasūkṣmamayaṃdhruvam
kacodbhavāṃ brahmahatyāṃ tena te nāśayāmyaham
oṃjuṃ sa: brahmaśāpavinirmuktā tvaṃ muktā viṣṇuśāpataḥ
vimuktā rudraśāpena pavitrā bhava sāmpratam
oṃ juṃsaḥ pavamānaḥ parānanda: pavamānaḥ paro rasaḥ
pavamānaṃ paraṃ jñānaṃ tena tvāṃ pāvayāmyaham