Pramāṇa · Search · About · API

Devirahasyatantra 63: athaikonaṣaṣṭitamaḥ paṭalaḥ

Devīrahasyatantra 63

Language
Sanskrit

Contents

athaikonaṣaṣṭitamaḥ paṭalaḥ

63.1

ācāranirūpaṇam
durgātattvanirūpaṇam
śrībhairava uvāca
adhunā devi vakṣyāmi durgāyāstattvamuttamam
ācārāṇāṃ vidhiṃ yena kalau durgā prasīdati

63.2

dvau mārgau cāgame syātāṃ vāmācārastu dakṣiṇaḥ
tayostattvaṃ kulācāraḥ śṛṇu teṣāṃ vidhiṃ śive

63.3

sādhako dīkṣito bhūtvā kena siddhimavāpnuyāt
tadvadāmi tava snehānna cākhyeyaṃ durātmane

63.4

trīṇi bījāni durgāyāstadācārāstrayaḥ smṛtāḥ
prathamo dakṣiṇācāro vāmācāro dvitīyakaḥ

63.5

tṛtīyastu kulācāro vidhiṃ teṣāṃ śṛṇu priye
dakṣiṇācāranirṇayaḥ
prabhāte snānasandhyādi madhyāhne japamīśvari

63.6

aurṇamāsanamākhyātaṃ bhakṣyaṃ pāyasaśarkarāḥ
mālā rudrākṣasaṃbhūtā pātraṃ pāṣāṇasaṃbhavam

63.7

bhogaḥ svakīyakāntābhirdakṣiṇācāra ityayam
dravyeṇa madhunā devi siddhihānikaro mataḥ

63.8

vāmācāraṃ pravakṣyāmi śrīdurgāsādhanaṃ param
yaṃ vidhāya kalau śīghraṃ māntrikaḥ siddhibhāgbhavet

63.9

mālā nṛdantasaṃbhūtā pātre pāṣāṇamuṇḍakam
āsanaṃ siṃhacarmādi kaṅkaṇaṃ strīkacodbhavam

63.10

dravyamāsavatattvāḍhyaṃ bhakṣyaṃ māṃsādikaṃ śive
carvaṇaṃ bālamatsyādi mudrā vīṇāravaḥ kathā

63.11

maithunaṃ varakāntābhiḥ sarvavarṇasamānataḥ
vāmācāra iti proktaḥ sarvasiddhipradaḥ śive

63.12

anyathā siddhihāniḥ syānmantrasyāsya maheśvari
tasmādvāmaṃ bhajettyaṃ vāma eva parā gatiḥ

63.13

dakṣiṇaṃ ca kulaṃ caiva vīraiḥ sādhakasattamaiḥ
tyājyaṃ dūrāt kalau devi vāmameva bhajet kalau

63.14

kulācāranirṇayaḥ:
kulācāraṃ pravakṣyāmi sevyaṃ yogibhiruttamaiḥ
kulastriyaṃ kulaguruṃ kuladevīṃ maheśvari

63.15

nityaṃ yat pūjayeditthaṃ sa kulācāra ucyate
kulastriyaṃ śive jñātvā nutvā nutvā maheśvari

63.16

haṭhādānīya saṃpūjya tathā bhogaṃ vidhāya ca
retasā tarpayed devīṃ śrīdurgāṃ cakranāyikām

63.17

nīlakaṇṭhaṃ ca vidhinā japaṃ kuryādviśeṣataḥ
tatpūrvakaṃ careddhomaṃ kulakāntāṃ vibhūṣayet

63.18

pānaiḥ peyaistathā bhakṣyaiḥ santarghya kulayoṣitam
pratyahaṃ vai caredevaṃ kulācāra iti smṛtaḥ

63.19

kulācāraparatvena muktiprāptiḥ:
ityācāraparaḥ śrīmān kulastrīgurupūjakaḥ
vāmācāraparo mantrī muktibhāg bhavitā dhruvam

63.19.p1

paṭalopasaṃhāraḥ:

63.19.p2

ityeṣa paṭalo guhyo devyāścācāravallabhaḥ| atha ṣaṣṭitamaḥ paṭalaḥ

Linked texts (8)