Kulavritti 2.1579

2.1579

vālāvīja nirdeśāt śrīvidyāyāmeva vadaṃti | tatra tataḥ śaṃkhaṃ vīrapātraṃ
sthāpayen madhyabhāgataḥ | iti śrīvidyokta vidhānena tatra pūjāṃ samācaret | diti
kulārṇava vacanāt | kiṃtu vālāyāmastu śrīvidyāyāmeva | atatra tu vālā sthāne
yatra sāmānyato maṃtrosti tatra sa eva yatra nāsti tatra mūlaṃ evaṃ kalpatā
divyākhyā iti śrīpātrasthāpanaṃ | sāmānyārgha prayogaḥ | ghaṭa samīpe vāma
bhāge trikoṇavṛtta caturasra maṃḍalaṃ vilikhya ādhāra śaktiṃ saṃpūjya nama
iti kṣālitaṃ sādhāraṃ tatra saṃsthāpya vahnimaṃḍala saṃpūjya phaḍiti skāritaṃ
pātraṃ saṃsthāpya sūryamaṃḍala saṃpūjya śoddhodakena tribhāgamāpūrya
paṃcatatvaṃ nikṣipya somamaṃḍalaṃ saṃpūjya tīrthamiti gaṃdhapuṣpaṃ datvā
ānaṃdabhairava bhairavyau dhyātvā pūjayet | agnīśāstra khāyavya madhye dikṣu
ṣaḍaṃga pūjanaṃ dhenumudrādi saṃdarśya mūlaṃ saptadhā japet |
tenodakenābhyukṣya śrīpātrādī maṃḍalādīni kuryāt | atha śrīpātra sthāpana
prayogaḥ | ātma śrīcakrayormadhye sāmānyārgha jalenābhyukṣya vahat
karābhyāṃ īṃkāra garbha trikoṇavṛtta ṣaṭkoṇa caturasramaṃḍalaṃ
trikoṇārddha caṃdravṛtta caturasra maṃḍalaṃ vilikhya
sāmānyārghodakenābhyukṣya caturānu pūrvāditaḥ | pūpūrṇa śailapīṭhāya
namaḥ jaṃjālaṃdhara pīṭhāya namaḥ kāma kāmarūpa pīṭhāya namaḥ iti
saṃpūjya dvitīya maṃḍala pakṣe tryastrārddha caṃdravṛtta caturasra maṃḍalaṃ
teṣu pīṭha catuṣṭayaṃ agnīśādiṣu ṣaḍaṃgaṃ saṃpūjya mūlakaṃḍa trayeṇa
trikoṇaṃ vyasta mūlena madhyaṃ strī ādhāraśaktaye namaḥ iti saṃpūjya mūlaṃ
amukadevi arghāsanaṃ kalpayāmi namaḥ | iti suṃdarī pakṣe mūlasthāne vā
prakṣepaḥ | evaṃ sarvatra nama iti kṣālitādhāraṃ saṃsthāpya dhūmrārciṣe nama
ityādi sakalādramaṃ vahni maṃḍalāya dhūmrārcirādi daśakalā vyāptātmanai
arghapātrāsanāya namaḥ iti sāmānyaṃ śrīvidyāpakṣe hrīṃ śrīṃ yaṃ
dhūmrārciḥ śrīpādukāṃ pūjayāmi namaḥ aiṃ agnimaṃḍaletyādiṣaṃ
daśakalātmane arghapātrāya dhārāya namaḥ | iti mūlaṃ amukadevi arghyapātraṃ
pratiṣṭhāpayāmi namaḥ iti maṃtreṇa ādhāro parisaṃsthāpyakaṃbhe tapinyai
namaḥ śrīvidyāṃ hrīṃ śrīṃ pūrvavat sarvatra ityādi krameṇa saurārddha
daśakalāḥ saṃpūjya aṃsūrya maṃḍalāya dvādaśakalā vyāptātmane'rgha
pātrāya namaḥ | śrīvidyāyāṃ īsūryamaṃḍalāya dvādaśa kālā
vyāptātmane'rgha pātrāya namaḥ |