Kulavritti 2.31

2.31

navanābhamidaṃ proktaṃ maṃḍalaṃ sarvasiddhidaṃ | vṛttaḥ ṣaṣṭhīti
caturasrasya madhye pūrvāparāyatā saptarekhā dakṣottarāyatā saptarekhāṃ
aṣṭāṃke nāṣṭāṃki pūrite catuḥpadaṃ bhavatītyarthaḥ | pradaiścaturbhiriti
sarvataḥ koṣṭha trayet pakte catvāri koṣṭhāni śiṣyatetyarthaḥ | vīthītyādi vahiḥ
paṃktyā vīthīḥ kuryādityarthaḥ | maṃḍalānaṃtaraṃ madhyaṃ asminnityarthaḥ |
mānāveṣṭanatvena vartamānatvāptaṃ | diggateṣu catuṣkeṣu vidigjata
catuḥkoṣṭhātmaka catuṣkeṣvityarthaḥ | vidigjateti koṇastha catuḥkoṣṭhātmaka
catuḥkoṣṭheṣṭhityarthaḥ | dakṣottara sūtradvaye | pūrvāt paradvayāṃ | datvāṃkite
sati ṣoḍaśa koṣṭhalkāni bhavaṃti pratikoṇā koṣṭheṣu ṣoḍhā vibhakteṣu |
dakārākāra catuṣṭhayaṃ śeṣayitvānyanmārjayedityarthaḥ | tena phalādhikyaṃ
śeṣa padmaracanā citrādityarthaḥ | atha cābja vivaraṇāṃ śāradāyāṃ | paṃcābja
maṃḍalaṃ prokta me tatsvastika varjitaḥ | etaditi maṃḍalaṃ navanābhamityarthaḥ |
svastikavarjitaṃ nāṃkanīyamityarthaḥ | ṣoḍaśa koṣṭhā ekāni koṇakoṣṭhānye
rakṣayet | pūrvayaṣṭhivitamapi kuryadityarthaḥ | dīkṣāyāṃ devapūjāyāṃ
maṃḍalāṃ catuṣṭayaṃ | sarvataṃtrānusāreṇa proktaṃ sarvasamṛddhidaṃ |
devapūjāyāṃ sāmānyato devapūjāyāṃ tena vārṣakṛtye durgotsavādau
kartavyamityarthaḥ ||