Kulavritti 2.989

2.989

arthaḥ śṛṃgāṭa dvayaṃ trikoṇa dvayaṃ śṛṃgāṭakākāratvāt śaktidvayaṃ
ūrddhvavartinī nirvāṇa śaktidhārāvartinī kuṃḍalinī śaktiḥ etadvayamadhyasthaṃ
yatsamaraṃ śivaśaktyānaṃdarūpaṃ brahma dhyāyet | etadeva yoginī dhyānaṃ na
tu sākāraṃ | tasya prapaṃca prakāśakatvāt | kiraṇasthaṃ tadāgrasthaṃ
caṃdrabhāskaramadhyagaṃ | mahāśūnyālayaṃ kṛtvā pūrṇastiṣṭhati | yogirāṭ |
kiraṇa padena mayūkhā ucyate | ye mayūkhā mūlādhārādiṣu vartamānāḥ
vatsarān yāmakāḥ | tatsthaṃ yadbrahmāṃḍaṃ tadāgrasthaṃ
kuḍalinyaṃśabhūtīgrasthaṃ tatsaṃvadhino caṃdrabhāskarau tayoḥ saṃsargi
brahmāṃḍaṃ tanmahāśūnye sarvopariśūnyelīnaṃ pūrṇatiṣṭhati | sarvopādhau
vilīne vibhāgābhāvāt | pūrṇa eva pūrṇāhastā mātrāvaśeṣāḥ | visalaṃva pade
śūnyeyatteja upajāṃyate | tadgarbhamabhyasannityaṃ dhyānametaddhiyogināṃ |
nirālaṃvakṛte māyā śarīrādya bhāvāt | ālakṣābhāvaḥ tatra yattejaḥ
prakāśasvarūpakatvāttejaḥ brahmasvarūpaṃ tejaḥ | upajāyate | avaśiṣṭhā bhavati
atannirasane sa evāvaviśiṣyate | ata eva bhāgavate | niṣedhaśeṣo yatādaśeṣaḥ |
śrutirapi ataddhyā vṛtyai vāvagamyate | etaddarbhamātmānamabhyaset |
vāraṃvāraṃ mananaṃ kuryāt | yoginā me tadeva dhyānaṃ | ete dhyāna prakārāḥ
śaktāśakta bhedena grāhyāḥ iti dhyānaṃ | atha pūjā bhairavataṃtre | arcayan
viṣayaiḥ puṣpaistatkṣaṇāt tanmayo bhavet | brahmākārākāritā cidvṛttirbhavet |
ullasatīti padānāṃ pariśodhinārthe bhavatītyarthaḥ | ekādaśeṃdriyā
viṣayasvarūpāṇyaiva puṣpāṇi teṣāmātmamayatva bhāvanameva pūjā |