Kulavritti 4.33

4.33

vajrīkaraṇa maṃtreṇa hṛnmaṃtreṇa īśaiḥ śubhaiḥ | catuṣpatha bhāgarūpaṃ
nayane nākṣapāṭanaṃ vajrīkaraṇaṃ dṛḍhatā bhāvanaṃ keṣāṃ cinmate
vajramudrādarśanaṃ | sanyāsivāṃ tu ṣaṭtriṃśadarbhairastra
maṃtrābhimaṃtritaiḥ | prādeśamātraṃ kṛtvā kuṃḍamadhye rekhātrayaṃ
kuryāditi vadaṃti | kuśairiti pūrvāgrairuttarāgrairurddhādho bhāvitai
kuṃḍamadhye sthāpitai catuṣpathaṃ bhāgarūpaṃ samabhāgarūpaṃ kuryāt |
catuṣpatha madhye āvasatyaṃ prācyāṃ satyaṃ paścime āhavanīyaṃ dakṣiṇe
annāhāryaṃ somegārhapatyaṃ bhāvayet | tadukta muḍḍīśe | āvaga madhyabhāge
prācyāṃ satyaṃ tu paścime | āhavanīyaṃ tatonnāhāryaṃ dakṣiṇadeśataḥ
gārhapatyaṃ ca maṃtrajño bhāvayed bhāgamityapi | akṣapāṭalamiti akṣapadena
iṃdriyāṇi ucyaṃte | iṃdriyānnāśatirityarthaḥ paṭadhātorgana nārthatvāt |
iṃdriyāṇi saṃtiti yāat | iti kecit | viṣṭarāstaraṇārthaṃ tu
mūlamaṃtrābhimaṃtritaṃ | dvādaśāṃgula tīrthaṃ akṣapāṭaṃ prakīrtitaṃ | iti
kecit tu sāṃpradāyikāyāstukṣapāyāmaṭanaṃ yasya samakṣa pāṭanaḥ rākṣasa iti
yāvat na vidhatekṣa pāṭano rakṣeśo yatra kuṃḍe tadakṣa pāṭanaṃ rakṣa
śūnyatvabhānaṃ kuryādityarthaḥ | śāradāyāṃ tu tannātranata mudrayā
dakṣapāṭanaṃ | maṃtradvaidhe icchāvikalpaḥ | etadaśaktau catusaṃskāreṇa
śodhayet | taduktaṃ śāradāyāṃ athavā tāni saṃskuryāccaturbhirvākṣaṇādibhiḥ
| ityaṣṭādaśa catuḥsaṃskāraḥ | kuṃḍāśaktau sthaṃḍile homaḥ | athavā
sthaṃḍile homaṃ kuryāt sādhaka sattamaḥ aṃguṣṭha madhyamā chedaṃ
vāyukāmayamaṃḍalaṃ | caturasraṃ hastamānaṃ yomayenopalepitaṃ | śodhayet
kārayet sthānaṃ vīkṣaṇādi catuṣṭayaiḥ |