Kulavritti 5.20

5.20

tatognaye yadādyāṃspurnahvaṃta vahnimūrtayaḥ oṃ agnaye jātavedhase namaḥ
ityādi prayogaḥ | jñānārṇavemate | ādau ṣaḍaṃganyā sa mātraṃ kuryādyathā |
uḍḍīśādi mate ādau jihvānyāsaḥ tadaṃnu mūrtinyāsaḥ atra saṃpradāyaḥ
śaraṇaṃ | tatrāpi kramenaiva ṛṣyādi karaṣaḍaṃga jihvāmūrti vyāpakanyāsāḥ
prāṇāyāmaḥ pradarpitāḥ | kriyāsāre asya bhṛguriṣi chaṃdo gāyatryā devatā |
vījaṃ śaktiścavaṃ svāhā ṛṣyādīn pūrvavannyaset | pūrvavaddīkṣā paṭalokta
kramavadityarthaḥ | jihvākara ṣaḍaṃgaṃ mūrtinyāsaḥ prāgeva pradarśitāḥ
vyāpakastu mūlamaṃtreṇa maṃtroddhārastu pāṭhāt | śāradāyāṃ | āsanaṃ
kalpayitvāgne mūrti mūlena kalpayet | māsanaṃ pīṭhaṃ tadyathā śāradāyāṃ
vahnipaṭalaṃ | svamaṃḍalāṃta prajayet pīṭhaṃ mana va śaktikaṃ |
pītāśvetāruṇā kṛṣṇā dhūmrā tīvrā sphuliṃginī | rucirā kālinī proktā
kvaśālorṇava paktayaḥ | svavījanāsanaṃ dadyān mūrtimūlena kalpayet | svavījena
vamiti vījenetyarthaḥ | raṃ vahnimaṃḍalāya yogapīṭhāya nama iti pīṭhaṃ
saṃpanna mūlena oṃ vaiśvānarenādi vakṣyamāṇenetyarthaḥ |