Dashamahavidya 13.p4

13.p4

tasyoparigṛhe devīṃ kharvāṃ nīlamaṇi prabhām| lambodarīṃ vyāghracarma samāvṛta nitambinīm|| pīnonnata payobhārāṃ raktavartula locanām| lalajjihvāṃ mahābhīmāṃ daṃṣṭrākoṭi samujjvalām|| nīlotpala lasanmālāṃ baddhajūṭāṃ bhayaṃkarīm| śvetāsthipaṭṭikāyukta kapāla pañcaśobhitām|| lalāṭe raktanāgena kṛta karṇāvataṃsakām| atiśubhra mahānāgakṛta hāramaSequencehojjvalām|| dūrvādala śyāma nāgakṛta yajñopavītinīm| caturbhujāṃ raktamāṃsakhaṇḍa maṇḍitamuṣṭinā|| jaṭājūṭākṣa sūtreṇa śobhitāṃ tīkṣṇadhārayā| khaḍgena dakṣiṇasyordhve śobhitāṃ vīranādinīm|| tadadhaḥsthādvījavṛnta kartṛkālaṃkṛtāṃ parām| vāmordhve raktanālena digambara manoharām|| dadhatīṃ nīlapadmañca tadadhaḥ sthāt kapālakam| jagatāṃ jāḍya saṃyuktaṃ dadhatīṃ kundasannibhām|| dhūmrābhanāga sandohakṛta keyūra satvarām| suvarṇavarṇanāgena kaṃkaṇojjvala pāṇikām|| śubhravarṇamahādeva kṛtasad vimalāsanām| niyantraṇabhiyā tadvat saṃkucat prapadātmikām|| śavapādadvayā rūḍhavāmapādāṃ hasanmukhīm| kundābhanāgasaṃśobhi kaṭi sūtrāṃ trilocanām|| asṛgraktena nāgena kṛtanūpura pallavām| sadyaśchinnagaladraktaṃ muṇḍairaikta vibhūṣaṇaiḥ|| anyonyakeśa grathitaiḥ pādapadmavilambitaiḥ| pañcāśadbhirmahāmālā śobhitāṃ parameśvarīm