Dashamahavidya 16.p7

16.p7

aiṃkārarūpiṇīṃ satyāṃ aiṃkārākṣara mālinīm| aiṃbījarūpiṇīṃ devīṃ bālādevīṃ namāmyaham|| vāgbhavāṃ vāruṇīpītāṃ vācāsiddhipradāṃ śivām| balipriyāṃ varālatḍhyāṃ vande bālāṃ śubhapradām|| lākṣārasanibhāṃ trekṣāṃ lalajjihvāṃ bhavapriyām| lambakeśīṃ lokadhātrīṃ bālāṃ dravyapradāṃ bhaje| yaikārasthāṃ yajñarūpāṃ yūpa rūpāṃ maṃtrarūpiṇīm|| yudhiṣṭhirāṃ mahābālāṃ namāmi paramārthadām|| namaste'stu mahābālāṃ namaste śaṅkarapriyām| namaste'stu guṇātītāṃ namaste'stu namo namaḥ|| mahāmaṃtrāṃ maṃtrarūpāṃ mokṣadāṃ muktakeśinīm| māṃsāṃśīṃ candramauliṃ ca smarāmi satataṃ śivām|| svayambhuvāṃ svadharmasthāṃ svātmabodha prakāśikām| svarṇābharaṇa dīptāṃgāṃ bālāṃ jñānapradāṃ bhaje|| hā hā hā śabdaniratāṃ hāsyāṃ hāsyapriyāṃ vibhum| huṃkārādaitya khaṇḍākhyāṃ śrībālāṃ praṇamāmyaham|| ityaṣṭakaṃ mahāpuṇyaṃ bālāyāḥ siddhidāyakam| ye paṭhanti sadā bhaktyā gacchanti paramāṃ gatim|| aśvamedhādi yajñānāṃ phalaṃ koṭiguṇaṃ labhet| satyaṃ satyaṃ punaḥ satyaṃ na deyaṃ yasya kasyacit|| || iti kulacūḍāmaṇitaṃtre śrībālāyāḥ maṃtragarbhāṣṭakam