Saktapramoda 2.48

2.48

tathāhi - brahmarandhre krīṃnamaḥ, bhrūmadhye krīṃnamaḥ,
lalāṭe krīṃnamaḥ, nābhau hrīṃnamaḥ, guhye hrīṃnamaḥ, vaktre
hūṃnamaḥ, gurvaṅge hūṃnamaḥ iti || imau nyāsau || krīṃ krīṃ krīṃ
hrīṃ hrīṃ hūṃ hūṃ dakṣiṇe kālike krīṃ krīṃ krīṃ hrīṃ hrīṃ
hūṃ hūṃ svāhā iti vidyābījena tato mūlena navadhā saptadhā
pañcadhā vyāpakanyāsaṃ kuryāt | tato dhyānaṃ kuryāttadyathā -
karālavadanāṃghorāṃmuktakeśīñcaturbhujām |
kālikāṃdakṣiṇāṃdivyāmmuṇḍamālāvibhūṣitām ||
sadyaśchinnaśiraḥkhaḍgavāmordhvādhaḥkarāmbujām ||
abhayaṃvaradañcaivadakṣiṇādhordhvapāṇikām ||
mahāmeghaprabhāṃśyāmāṃtathācaivadigambarām |
kaṇṭhāvasaktamuṇḍālīgaladrudhiracarccitām ||
karṇāvataṃsatānītaśavayugmabhayānakām |
ghoradaṃṣṭrāṅkarālāsyāmpīnonnatapayodharām ||
śavānāṅkarasaṅghātaiḥ kṛtakāñcīṃ hasanmukhīm |
sṛkkadvayagaladraktadhārāvisphuritānanām ||
ghorarāvāmmahāraudrīṃśmaśānālayavāsinīm |
danturāṃ dakṣiṇavyāpilambamānakacoccayām ||
śavarūpamahādevahṛdayoparisaṃsthitām |
śivābhirghorarūpābhiścaturddikṣusamanvitām ||
mahākālenacasamaṃviparītaratāturām |
evaṃsañcintayeddevīṃ sarvakāmārthasiddhaye ||
tataḥ samastakilbiṣarahitaṃ nirmaladehaṃ vicintya ātmānaṃ devīrūpaṃ
vibhāvayet || atha pīṭhadevatāyā dehe pīṭhamayaṃ vibhāvayet || tadyathā
- ādhāre maṇḍūkāyanamaḥ, svādhiṣṭhāne kālāgnirudrāyanamaḥ,
nābhau kacchapāyanamaḥ, hṛdaye oṃ ādhāraśaktayenamaḥ,
kūrmāyanamaḥ, dharāyainamaḥ, sudhāsamudrāyanamaḥ,
kalpavṛkṣāyanamaḥ, maṇiharmmyāyanamaḥ, hemapīṭhāyanamaḥ,
itihṛdayenyaset ||