Saktapramoda 2.50

2.50

p. 28) devatārūpaṃ vibhāvayet || tato mūlādhārātkuṇḍalinīṃ
haṃsaṃmantreṇotthāpya dvādaśadale hṛdayasarasije,
ṣaḍbiṃdulāñchitakādicāntasahite gatvā pradīpakalikākārajīvarūpāṃ
dvitīyāmpradīpakalikāmākṛṣya svamukhe niḥkṣiptavatīmparabrahmaṇi
saṅgamayya punarhṛdayadeśamānīya tanmukhātpradīpakalikāṃ
viniṣkṛṣya mūlādhāre saṃsthāpayet ||
tāmpradīpakalikāndevatārūpāndhyāyet || tadyathā ||
meghāṅgī/vvigatāmbarāṃ
śavaśivārāvāntrinetrāmparāṅkarṇṇālambitavālayugmabhayadāmmuṇ
ḍasrajāmālinīm || vāmādhordhvakarāmbuje naraśiraḥkhaḍgañca
savyetare dānābhītivimuktakeśanicayā/ vvande sadā kālikām ||
itidhyātvā tattanmudrāmpradarśya mānasairupacāraiḥpūjayet || tatra
prārthayedanena mantreṇa 'oṃ svāgatandevadeveśi sannidhau bhava kālike ||
gṛhāṇa mānasīmpūjā/ yyathārtthaparibhāṣitām' tato'ṣṭottaraśata/
vvarṇamayyā mālayā japet || iti mānasapūjāvidhiḥ ||