Saktapramoda 3.18

3.18

itidhyāyet || āvāhanañca 'ātmasaṃsthāmajāṃ
śuddhāntvāmahamparameśvarīm ||
āraṇyamivahavyāṃśammūrttāvāvāhayāmyaham' itimūlañca paṭhan
'bhagavati dakṣiṇakālike ihāgaccha' iti
prasāritasaṃhatāṅgulīmūlaparvaṇoraṅguṣṭhau niḥkṣipya āvāhayet ||
tataḥ 'oṃ deveśi bhaktisulabhe parivārasamanvite || yāvattvāmpūjayiṣyāmi
tāvattvaṃ susthirā bhava || taveyammahimāmūrtistasyāntvāṃ
sarvagāmprabho || bhaktisnehasamākṛṣṭāndīpavatsthāpayāmyaham' ||
itimūlampaṭhitvā pūrvoktayā adhomukhyā mudrayā sthāpayet || 'oṃ
sarvāntaryāminyai devi sarvabījamaye śubhe | svātmasthāyai paraṃ
śuddhamāsanaṅkalpayāmyaham' mūlañca paṭhanpadmamudrayā
puṣpādyāsanandadyāt || tataḥ 'oṃ asminvarāsane devi
sukhāsīne'kṣarātmike || prathiṣṭhitā bhavessā tvamprasīda parameśvari'
mūlañca paṭhan 'iha pratiṣṭhitābhava' itipūrvoktayā mudrayā
pratiṣṭhāpayet | 'ananyā tatra deveśi mūrtiśaktiriyamprabho |
sānnidhyaṅkuru tasyāntvambhaktānugrahatatpare' mūlañca paṭhan 'iha
sannidhehi' ucchitāṅguṣṭhamuṣṭayossa/yyogātsannidhāpanamudrayā
sannidhānaṅkuryāt || 'oṃ ājñayā tava deveśi kṛpāmbhodhe guṇāmbudhe
|| ātmanā caikadṛptāntvāṃ saṃruṇaddhi maheśvari' itimūlañca paṭhan