Saktapramoda 4.3

4.3

p. 41) dhūpayet || puṣpāñjalitrayandadyāt || evandīpadānaprakāraḥ 'oṃ
suprakāśo mahādīpaḥ sarvatastimirāpahaḥ ||
sabāhyābhyantarajyotirddipoyampratigṛhyatām' iti, mūlañcapaṭhan
madhyamāṅguṣṭhayogena dīpamudrāmpradarśśya netrapradeśe
dīpandarśśayet || ghṛtadīpo dakṣiṇe deyastailadīpo vāmataḥ ||
svarṇādibhājane sājyaśarkarapāyasādikampariviṣya caturasre nidhāya
'phaṭ' iti mantreṇa cakramudrayā'bhirakṣya dvādaśavārajaptena 'yam'
itivāyubījena saṃśoṣya vāmahastataledakṣahastapṛṣṭhe niveśya 'ram'
itivahnibījena dvādaśavārajaptena sandahya, dakṣakarāgreṇa saṃspṛśya
'vam' itisudhābījena dhenumudrayā'mṛtīkṛtya mūlamantreṇa
karābhyāṃ saṃspṛśya aṣṭadhācābhimantrya
dhenumudrāmpradarśśyagandhapuṣpaiḥ samabhyarcya 'tattvākhyamudrayā
devyai naivedyaṃ hi nivedayet ||' 'oṃ satpātrasiddhaṃ
sahavirvividhānekabhakṣaṇam || nivedayāmi deveśi kṛpayā tvaṅgṛhāṇa
tat' || itipaṭhan grāsamudrāmpradarśśyaśaṅkhodakenanivedayet || tataḥ 'oṃ
samastadevadeveśi sarvāvāptikaramparam || akhaṇḍānandasampūrṇe
gṛhāṇajalamuttamam ||' itipānīyamācamanīyañca dattvā
culuka/vvidhivaddadyāt | pañcamudrāḥ
prāṇāpānasamānodānavyānākhyāḥ pradarśayet || tadyathā
kaniṣṭhānāmikābhyāmprāṇamudrā |
madhyamātarjjanībhyāmapānākhyā | anāmāmadhyamābhyāṃ
samānākhyā | anāmātarjjanībhyāmudānākhyā |
sarvāṅgulībhirvvyānākhyā | tato mūlena tāmbūlaṃ
sādhakastattvamudrayā
elālavaṅgakarppūrajātīphalādisa/yyutantamāladalakarpūrapūgeritammud
ānvitāndhyāyan 'phaṭ' itisamprokṣya 'namaḥ' ityabhyarcya vāyubījena
dvādaśavārajaptena saṃśoṣya || vāmahastatalaṃ dakṣahastapṛṣṭhe
niveśya 'ram'
itibījenadvādaśavārajaptenasandahyavāmahastapṛṣṭhedakṣahastatalannive"
sya 'vam' itisudhābījenadhenumudrayā amṛtīkṛtya
mūlenāṣṭavāramabhimantrya 'oṃelālavaṅgakarpūranāgavallīdalairyutam
|| pūgabhāgeritandevi tāmbūlaṅgṛhyatānnamaḥ