Sharadatilaka 2.145

2.145

gaur̤adeśodbhavāścailā māgadhāḥ keralāstathā
kauśalāśca daśārṇāśca guravo madhyamā matāḥ
karṇāṭakoṅkaṇākora[saiva] kacchatīrodbhavāstathā
kāliṅgāḥ kāmarūpāśca kāmbojāścādhamāḥ smṛtāḥ || iti
devīmate ca—ācāryyaḥ śaivaśāstrajñaḥ śivadeśasamudbhavaḥ
brahmacārī gṛhastho vā śivabhaktiparāyaṇaḥ
yajamānānuklarttanmā deśika ucyate || iti
hayaśīrṣapañcarātre'pi—
gṛhasthaṃ brahmacaryyasthaṃ kakārā[pāṭā]ṣṭakavarjitam
guruṃ kurvīta satatamupavāsanrate ratam || iti
tathā—sarvvatra vyatiriktantu ātmānaṃ vetti yo dvijaḥ
sarvvalakṣaṇahīno'pi sa gururnātra saṃśayaḥ
pañcarātraprabuddhastu siddhāntārthasya tattvavit
sarvvalakṣaṇahīno'pi ācāryyaḥ sa nigadyate
yasya viṣṇau parā bhaktiryathā viṣṇau tathā gurau
sa eva deśiko jñeyaḥ satyametadbravīmi te || iti
śaivadīkṣāyām atītāgame viśeṣaḥ—
jaṭī muṇḍī śikhī vāpi śastadeśasamudbhavaḥ
śivaśāstrārthatattvajñaḥ śrutavṛttānvito dvijaḥ
śivamevāśrito nityaṃ vāṅmanaḥkāyakarmmabhiḥ
ācāryyaḥ sa saddoṭiṣṭaḥ śivadīkṣādikarmmasu || iti
śāntike ca—anūcānaḥ prasannātmā śivadīkṣābhiṣecitaḥ
śivāgamajño matimān śivapūjāparāyaṇaḥ
rudrākṣamālāṃ bibhrāṇastriśūlāṅkitavigrahaḥ
viśuddhadeśakulajaḥ śīlācārasamanvitaḥ
vedaśāstrārthatattvajño jñānavān gururucyate || iti
pratiṣṭhāpaddhatāvapi—
liṅgo vi[ṅgādi]lakṣaṇajñāno nipuṇaḥ karmmasantatau
devatāvyāptitattvajñaḥ ṣaḍvidhādhvaviśāradaḥ
śubhāśubhanimittajñastvathavā vistareṇa kim !
śiṣyaḥ kulīnaḥ śuddhātmā puruṣārthaparāyaṇaḥ
adhītavedaḥ kuśalo dūramuktamanobhavaḥ