Sharadatilaka 3.63

3.63

padmakuṇḍe madhyasūtraṃ caturviṃśatidhā bhajet
bhramayet karṇikāvṛttaṃ vyaṃśavṛttārddhamānataḥ
ṣaḍaṃśavṛttārddhamānabhramivṛtte tu keśarāḥ
navāṃśavṛttārddhamāne vṛtte syāt patramadhyabhūḥ
dvādaśāṃśāttu vṛttārddhāttaṃ patrodbhūḥ smṛtā
dalāgrāṇāntu vṛttārddhaṃ kṛtvā pañcadaśāṃśakaiḥ
nyūnaiḥ pañcabhirekāṃścaścatuṣaṣṭyaṃśakairbhramāt
rekhāgrebhyaḥ patrasīmno dalāgrāṇi prakalpayet
pramāṇamicchā ca samānajātī ādyantayo staḥ phalamanyajāti
madhye tadicchāhatamādyahṛt syādicchāphalaṃ vyastavidhirvilome || iti
ussedhantu tataḥ kuryāt karṇikāṅgāṃśamānataḥ | iti
caturastrāṣṭabhāgena karṇikā syādvibhāgaśaḥ
tadbahistvekabhāgena keśarāṇi prakalpayet
tṛtīye dalamadhyāni caturthe dalakoṭayaḥ
caturastrādbahiḥ kuryyāddalāgrāṇyapi yatnataḥ || iti
kṣetre'ntaścaturasrake vitativatsūtreṇa vṛttaṃ kṛtaṃ
vyāsāddhena tu karṇikā punariyadṛṣṭyā bhramāt keśarāḥ
tadṛṣṭyā dalamadhyabhūḥ punariyadṛṣṭyā bhrameṇorddhabhūḥ
kṣetravyāsajināṃśakasya viśikhaistūnaṃ kalāṃśaiḥ punaḥ
tat sambaddhaya dalāgrakāṇi racayet kṣetrārddhamujjhan vinā
syāt triṃśallavavistṛtīyamiyatā dviṣṭrena vṛttaṃ bahiḥ
svavyāsāddhamitoccatāmiha khanet tyaktvāntarā karṇikāṃ
kurvvan keśaraciṅgamaṣṭadalakaṃ yadvā caturbhirdalaiḥ || iti
pūrvvoktaṃ vibhajet kṣetraṃ caturviṃśatibhāgataḥ
ekaṃ bhāgaṃ bahirnyasya caturasraṃ prakalpayet