Sharadatilaka 4.34

4.34

ādāhṛṣyādivinyāsaḥ karaśuddhistataḥ param
aṅgulivyāpakanyāsau hṛdādinyāsa eva ca
tālatrayañca digbandhaḥ | iti
karanyāsaṃ purā kṛtvā dehanyāsamataḥ param
aṅganyāsaṃ nyaset paścādeṣa sādhāraṇo vidhiḥ || iti
japārambhe manūnāṃ hi sāmānyeyaṃ prakalpanā | iti
prasāritatalenaiva pāṇinā hṛdayaṃ śiraḥ
proktā śikhā tathā samyagadho'ṅguṣṭhena muṣṭinā
tathāvidhābhyāṃ pāṇibhyāṃ varmmaskandhādinābhigam
tarjanīmadhyamānāmāḥ proktā netratraye kramāt
yadā netradvaye prokte tadā tarjanīmadhyame || iti
aṅguṣṭhavarjamaṅgulyastasro hṛdi mūrddhani
śikhāyāṃ muṣṭireva syādaṅguṣṭhakṣatanālikā
sarvāṅgulaya ānābheḥ pāyoḥ kavacabandhanam || iti
hṛdayaṃ madhyamānāmātarjanībhiḥ smṛtaṃ śiraḥ
madhyamātarjanībhyāṃ syādaṅguṣṭhena śikhā smṛtā
daśabhiḥ kavacaṃ proktaṃ tisṛbhirnetramīritam
proktāṅgulībhyāmastraṃ syādaṅgaklṛptiriyaṃ matā || iti
kṛtamuṣṭipadau[puṭau] hastau kṛtvā'ṅguṣṭhau hṛdi nyaset
hṛnmudreyaṃ samākhyātā śiromudrā prakīrtyate
lalāṭāgre samādhāya kṛtamuṣṭipuṭau karau
kuryādūrddhaprasaktāgrau tarjanyau jyeṣṭhavāhyataḥ
karau śikhāyāṃ saṃyojya kṛtamuṣṭipuṭākṛtī
hṛdayādiṣu vinyasyedaṅgamantrāṃstataḥ sudhīḥ
hṛdayāya namaḥ pūrvvaṃ śirase vahnivallabhā