Sharadatilaka 4.62-2

4.62-2

ājñayā tava deveśa kṛpāmbhodhe guṇāmbudhe
ātmānandaikahṛptaṃ tvāṃ niruṇadhmi pitarguro || iti
svata evābhipūrṇasya tattvasyehārcanādiṣu
sādaraṃ sammukhībhāvastadāvāhanamucyate
śivasyā''vāhitasyāsya vidyādehe tu santatam
sthirīkaraṇamuddiṣṭaṃ sthāpanaṃ bhaktito'rcane
pūjāṃ prayojyamānāntu gṛhītvā'nugrahādikam
karttuṃ sāmarthyamasyeha tat sānnidhyaṃ pracakṣate
āsamāptestu pūjāyāḥ sānnidhyaṃ hi śivasya yat
sa sannirodha uddiṣṭo vibhorasyāpi śaktitaḥ || ityādinā
ajñānād durmanastvādvā vaikalyāt sādhanasya ca
yadā'pūrṇaṃ bhavet kṛtyaṃ tadā'pyabhimukho bhava
dṛśā pīyūṣavarṣiṇyā pūrayan yajñaviṣṭaram
mūrttāvāyaṅgasammūrtteḥ sthiro bhava maheśvara || iti
muṣṭidvayasthitāṅguṣṭhau sammukhau ca parasparam
saṃśliṣṭāvucchritau kuryyāt seyaṃ sammukhamudrikā
prasṛtāṅgulikau hastau mithaḥ śliṣṭau ca sammukhau
kuryyāt svahṛdaye seyaṃ mudrā prārthanasaṃjñikā || iti
abhaktavāñcanañcakṣuḥśrotradūrāmitadyute
svatejaḥpañjareṇā''śu veṣṭito bhava sarvvataḥ || iti
athopacārān kurvīta mantravit svāgatādikān
svāgataṃ kuśalapraśnaṃ nigadedagrato guruḥ