The Sun to the Lotus of the Vaiṣṇava Doctrine 124

124

................................................padaparāmarśaḥ................................................
yadyapi paśunā yajetetyādinā śraute yāge tadālambhanaṃ śrūyate, mā hiṃsyātsarvā bhūtānītyasya
samānyaśāstratayā agnīṣomīyaṃ paśumālabhetetyasya viśeṣatayā viśeṣakṣetraparityāgena
sāmānyaśāstrapravṛttyā śrautayāge na niṣedha iti tathāpi sāṃkhyatattvakaumudīkāreṇa tvatra
vihitatve'pyanarthajanakatvantūktameva, ata evoktamphalakāmāstu vedoktaiḥ paśorālambhanaṃ makhe
punastattatphalaṃ bhuktvā ye kurvanti patantyadhaḥ
śrīmadbhāgavate'pi- nāradena yāge paśuhiṃsāphalaṃ sākṣāddarśitamevambhoḥ bhoḥ prajāpate rājan paśūn paśya tvayādhvare
saṃjñāpitāñjīvasaṃghānnirghṛṇena sahasraśaḥ
ete tvāṃ sampratīkṣante smaranto vaiśasaṃ tava
samparetamayaḥkūṭaiśchindantyutthitamanyavaḥ
paśuśabdasya chāgaparatvāttasyāpi ca bījaparatvaṃ mahābhārate labhyateajena yaṣṭavyamiti prāhurdevā dvijottamān
sa cacchāgo'pyajo jñeyo nānyaḥ paśuriti sthitiḥ
ṛṣaya ūcuḥ
bījairyajñeṣu yaṣṭavyamiti vai vaidikī śrutiḥ
ajasañjñāni bījāni chāgaṃ no hantumarhatha
naiṣa dharmaḥ satāṃ devā yatra vadhyeta vai paśuḥ
itthaṃ yāgādāvapi māṃsaniṣedhaḥ| śrāddhe tu nāradena tanniṣedhaḥ kṛto bhāgavatena dadyādāmiṣaṃ śrāddhe na cādyāddharmatattvavit
munyannaiḥsyātparā prītiryathā na paśuhiṃsayā
kalau tu viśeṣeṇa tanniṣedho nirṇayasindhūktādgamyateaśvālambhaṃ gavālambhaṃ saṃnyāsaṃ palapaitṛkam
devarācca sutotpattiṃ kalau pañca vivarjayet
devīpūjanādāvapi svayaṃ devyā mahādevaṃ pratyuktyā tanniṣedho bodhyatepaśūn hatvā tathā tvāṃ māṃ yo'rcenmāṃsaśoṇitaiḥ
tāvattanarake vāso yāvaccandradivākarau
na striyaṃ parigṛhṇīyād virakto vaiṣṇavaḥ kvacit
manvādismṛtiśāstreṣu tanniṣedhasya śāsanāt