Maṇimēkalai's Renunciation 28.8

28.8

சமயக்கணக்கர் தந் திறங்கேட்ட காதை

முதலென மொழிவது கருங்கொண் முகில்கண்
டிதுமழை பெய்யு மெனவியம் பிடுதல்

35

உரை

36

முதல் என மொழிவது - முதற் கருத்தளவையென வழங்குவது ; கருக்கொள் முகில் கண்டு - நீர் பொருந்திய கருமுகிலைக் கண்டு, இது மழைபெய்யும் என இயம்பிடுதல் - இம்முகில் மழை பொழியும் எனத் துணிந்து கூறுவதாம். எ - று, மழை பெயற்கு முகில் காரணமாதலின், முதலெனப்பட்டது காரணத்தை முதலென்றல் தமிழ் வழக்கு; "ஆயெட்டென்ப தொழின் முதனிலையே" (தொல். சொல். வேற். மயங். 29) என்றும், "அவ்விரு முதலிற் றோன்று மதுவே" (சொல். வேற்று, 10) என்றும் வருதல் காண்க. கமஞ்சூல் மாமழையைக் "கருக்கொள் முகில்" என்றார். இவ் வெடுத்துக் காட்டே வாற்சாயனராலும் காட்டப்பட்டுள்ளது. இதனைக் காரணானுமானம் என்றலும் ஒன்று.