Brihadaranyaka 2.28
Bṛhadāraṇyaka 2.28
- Language
- Sanskrit
2.28
2athātaḥ pavamānānāmevābhyārohaḥ | sa vai khalu prastotā sāma
prastauti | sa yatra 3astuyāt, tadaitāni japet — asato mā sadgamaya,
tamaso mā jyotirgamaya, mṛtyormā'mṛtaṃ gamayeti
sa yadāhāsato mā sadgamayeti, mṛtyurvā asat sadamṛtaṃ mṛtyormā'mṛtaṃ gamaya amṛtaṃ mā kurvityevaitadāha | tamaso mā jyotirgamayeti
mṛtyurvai tamo jyotiramṛtam | mṛtyormā'mṛtaṃ gamaya amṛtaṃ mā kurvityevaitadāha | mṛtyormā'mṛtaṃ gamayeti | nātra tirohitamivāsti
atha yānītarāṇi stotrāṇi teṣvātmane'nnādyamāgāyet | tasmādu teṣu
atha yānītarāṇi stotrāṇi teṣvātmane'nnādyamāgāyet
varaṃ vṛṇīta yaṃ kāmaṃ kāmayeta tam | sa eṣa evaṃvidudgātā''tmane
vā yajamānāya vā yaṃ kāmaṃ kāmayate tamāgāyati
taddhaitallokajideva | na haivālokyatāyā āśāsti, ya evametat sāma
veda
2.28.p1
iti tṛtīyādhyāye tṛtīyaṃ brāhmaṇam
Commentaries (1)
- Anubhūtiprakāśa — Mādhava, Sanskrit