Pravargya Brāhmaṇa of the Taittirīya Āraṇyaka 11
Pravargyabrāhmaṇa 11
- Language
- Sanskrit
Contents
- 11.108 — 1 part
11.1
vada̱nti(1), ta̱nuvā(2), sam̐sa̍nnaḥ(3), hū̱yamā̍no
vāgghutaḥ(4), da̍dhāti(5), e̱ṣaḥ(6),|| anu011
atha dvādaśo'nuvākaḥ
(1)savi̱tā bhū̱tvā pra̍tha̱me'ha̱n pravṛ̍jyate | tena̱ kāmām̐ eti | yad dvi̱tīye̍'ha̍n pra̱vṛjyate̍ | a̱gnirbhū̱tvā
de̱vāne̍ti | yattṛ̱tīye̍'ha̍n pra̱vṛjyate̍ | vā̱yurbhū̱tvā prā̱ṇāne̍ti | yacca̍tu̱rthe'ha̍n pra̱vṛjyate̍ | ā̱dityo bhū̱tvā
ra̱śmīne̍ti | yatpa̍ñca̱me'ha̍n pra̱vṛjyate̍ | ca̱ndramā̍ bhū̱tvā
nakṣa̍trāṇyeti
11.2
yat ṣa̱ṣṭhe'ha̍n pra̱vṛjyate̍ | ṛ̱turbhū̱tvā sa̍ṃvatsa̱rame̍ti
yat sa̍pta̱me'ha̍n pra̱vṛjyate̍ | dhā̱tā bhū̱tvā śarva̍rīmeti
yada̍ṣṭa̱me'ha̍n pra̱vṛjyate̍ | bṛha̱spati̍rbhū̱tvā gā̍ya̱trīme̍ti | yanna̍va̱me'ha̍n pra̱vṛjyate̍ | mi̱tro bhū̱tvā
vi̱ṣṭata̍ i̱māṃllo̱kānaiti̍ | yadda̍śa̱me'ha̍n pra̱vṛjyate̍
varu̍ṇo bhū̱tvā vi̱rāja̍meti
11.3
yade̍kāda̱śe'ha̍n pra̱vṛjyate̍ | indro̍ bhū̱tvā tri̱ṣṭubha̍meti | yad dvā̍da̱śe'ha̍n pra̱vṛjyate̍ | somo̍ bhū̱tvā
ja̱gatī̱meti̍(1) | (2)yat pu̱rastā̍dupa̱sadā̍ṃ pra̱vṛjyate̍
tasmā̍di̱taḥ parā̍ṅmūṃllo̱kām̐ stapa̍nneti | yadu̱pari̍ṣṭādupa̱sadā̍ṃ pra̱vṛjyate̍ | tasmā̍da̱muto̱'rvāṅmi̱māṃllo̱kām̐ stapa̍nneti(2) | (3)ya e̱vaṃ veda̍ | e̱va ta̍pati(3)
11.12
nakṣa̍trāṇyeti(1), vi̱rāja̍meti(2), tapati(3),
anu0
11.12-2
(1)de̱vā vai sa̱tram̐(1), sā̍vi̱traṃ(2), pari̍śrite(3),
bra̱hman pra̍cariṣyāmaḥ(4), a̱gniṣṭvā(5),śiro̍0grī̱vā(6),
de̱vasya̍0raśa̱nāṃ(7), viśvā̱ āśā̍(8), gha̱rma yā te̍(9),
pra̱jāpa̍tiḥ0śu̱kraṃ(10), pra̱jāpa̍tiḥ sambhriyamā̍ṇaḥ(11),
savi̱tā(12), dvā̍da̱śa
11.108
de̱vā vai sa̱tram̐, sa kha̍di̱raḥ, pari̍śrite, a̱bhipūrvaṃ,
aṣṭau rakṣa̍sām, grai̱ṣmove̱va, bra̱hma vai de̱vānā̍ṃ, a̱śvinā
gha̱rmaṃ pātaṃ, prā̱ṇo vā indra̍tamo̱'gniḥ, vṛṣā̱ hari̍ḥ,
yo vai vasī̍yām̐saṃ yathānā̱mam, a̱ṣṭotta̍raśa̱tam
11.108.p1
śannastanno̱ mā hā̍sīt || oṃ śānti̱ḥ śānti̱ḥ
śānti̍ḥ | hari̍ḥ om
samāpto'yaṃ pañcamaḥ prapāṭhakaḥ
Linked texts (1)
- Taittirīyāraṇyaka — Sanskrit