Pramāṇa · Search · About · API

Taittirīya Āraṇyaka 11: ekāgnikāṇḍe prathamaḥ praśnaḥ 1

Taittirīyāraṇyaka (complete text) 11

Language
Sanskrit

Contents

ekāgnikāṇḍe prathamaḥ praśnaḥ 1

11.p1

1 prasugmantā dhiyasānasya sakṣaṇi varebhirvarāṃ abhiṣuprasīdata | asmākamindra ubhayaṃ jujoṣati yathsaumyasyāndhaso bubodhati |
anṛkṣarā ṛjavassantu panthā yebhissakhāyo yanti no vareyam | samaryamā saṃ bhago no ninīyāthsaṃ jāspatyaṃ suyamamastu devāḥ |
abhrātṛghnīṃ varuṇāpatighnīṃ bṛhaspate | indrāputraghnīṃ lakṣmyaṃ tāmasyai savitassuva | aghoracakṣurapatighnyedhi śivā patibhyassumanāssuvarcāḥ |
jīvasūrdevakāmā syonā śaṃ no bhava dvipade śaṃ catuṣpade | idamahaṃ yā tvayi patighnyalakṣmistāṃ nirdiśāmi | jīvāṃrudanti vimayante adhvare dīrghāmanu prasitiṃ dīdhiyurnaraḥ | vāmaṃ pitṛbhyo ya idaṃ sameri re mayaḥ patibhyo janayaḥ pariṣvaje | vyukṣatkrūramudacantvāpa ā'syai brāhmaṇāssnapanaṃ harantu | avīraghnīrudacantvāpaḥ | aryamṇo agniṃ pari yantu kṣipraṃ pratīkṣantāg śvaśrvo devarāśca | khe'nasaḥ khe rathaḥ khe yugasya śacīpate | apālāmindra triḥ pūrtvyakarathsūryavarcasam |
śaṃ te hiraṇyaṃśamu santvāpaḥ śaṃ te medhī bhavatu śaṃ yugasya tṛdma | śaṃ ta āpaḥ śatapavitrā bhavantvathā patyā tanvaṃ saṃ sṛjasva ||

11.1

dīdhiyurnaro'ṣṭau ca ||

11.1.p1

2 hiraṇyavarṇāḥ śucayaḥ pāvakāḥ pracakramur hitvā'vadyamāpaḥ | śataṃ pavitrā vitatā hyāsu tābhiṣṭvā devaḥ savitā punātu | hiraṇyavarṇāḥ śucayaḥ pāvakā yāsu jātaḥ kaśyapo yāsvagniḥ | yā agniṃ garbhaṃ dadhire suvarṇāstāsta āpaḥ śa2ṃ syonā bhavantu | yāsāṃ rājā varuṇo yāti madhye satyānṛte avapaśyañjanānām | yā agniṃ garbhaṃ dadhire suvarṇāstāsta āpaḥ śa2ṃ syonā bhavantu | yāsāṃ devā divi kṛṇvanti bhakṣaṃ yā antarikṣe bahudhā niviṣṭāḥ | yā agniṃ garbhaṃ dadhire suvarṇāstāsta āpaḥ śa2ṃ syonā bhavantu | śivena tvā cakṣuṣā paśyantvāpaḥ śivayā tanvopaspṛśantu tvacaṃ te | ghṛtaścutaḥ śucayo yāḥ pāvakāstāsta āpaḥ śa2ṃ syonā bhavantu | pari tvā girvaṇo gira imā bhavantu viśvataḥ | vṛddhāyumanu vṛddhayo juṣṭā bhavantu juṣṭayaḥ | āśāsānetyeṣā | pūṣā tveto nayatu hastagṛhyāśvinau tvā pravahatāṃ rathena | gṛhāngaccha gṛhapatnī yathā'so vaśinī tvaṃ vidathamāvadāsi ||

11.2

bhavantu pañca ca ||

11.2.p1

3 somaḥ prathamo vivide gandharvo vivida uttaraḥ | tṛtīyo agniṣṭe patisturīyaste manuṣyajāḥ | somo'dadadgandharvāya gandharvo'dadadagnaye | rayiṃ ca putrāgścādādagnirmahyamatho imām | gṛbhṇāmi te suprajāstvāya hastaṃ mayā patyā jaradaṣṭiryathā'saḥ | bhago aryamā savitā purandhirmahyaṃ tvā'durgārhapatyāya devāḥ | te ha pūrve janāso yatra pūrvavaho hitāḥ | mūrdhanvān, yatra saubhravaḥ pūrvo devebhya ātapat | sarasvati predamava subhage vājinīvati |
tāṃ tvā viśvasya bhūtasya pragāyāmasyagrataḥ | ya eti pradiśaḥ sarvā diśo'nu pavamānaḥ | hiraṇyahasta airammassa tvā manmanasaṃ kṛṇotu | ekamiṣe viṣṇustvā'nvetu dve ūrje trīṇi vratāya catvāri māyobhavāya pañca paśubhyaṣṣaḍṛtubhyassapta saptabhyo hotrābhyo viṣṇustvā'nvetu |
sakhā saptapadā bhava sakhāyau saptapadā babhūva sakhyaṃ te gameyaṃ sakhyātte mā yoṣaṃ sakhyānme mā yoṣṭhāḥ samayāva saṃkalpāvahai saṃpriyau rociṣṇū sumanasyamānau | iṣamūrjamabhi saṃvasānau saṃ nau manāṃsi saṃ vratā samu cittānyākaram | sā tvamasyamūhamamūhamasmi sā tvaṃ dyaurahaṃ pṛthivī tvaṃ reto'haṃ retobhṛttvaṃ mano'hamasmi vāktvaṃ sāmāhamasmyṛktvaṃ sā māmanuvratā bhava puṃse putrāya vettavai śriyai putrāya vettava ehi sūnṛte ||

11.3

agrataṣṣaṭca ||

11.3.p1

4 somāya janivide svāhā gandharvāya janivide svāhā'gnaye janivide svāhā | kanyalā pitṛbhyo yatī patilokamava dīkṣāmadāstha svāhā | preto muñcāti nāmutaḥ subaddhāmamutaskarat | yatheyamindra mīḍhvaḥ suputrā subhagā'sati | imāṃ tvamindra mīḍhvaḥ saputrāṃ subhagāṃ kṛṇu | daśāsyāṃ putrānādhehi patimekādaśaṃ kṛdhi | agniraitu prathamo devatānāṃ so'syai prajāṃ muñcatu mṛtyupāśāt | tadayaṃ rājā varuṇo'numanyatāṃ yatheya2ṃ strī pautramaghaṃ na rodāt |
imāmagnistrāyatāṃ gārhapatyaḥ prajāmasyai nayatu dīrghamāyuḥ | aśūnyopasthā jīvatāmastu mātā pautramānandamabhi prabudhyatāmiyam | mā te gṛhe niśi ghoṣa utthādanyatra tvadrudatyaḥ saṃviśantu | mā tvaṃ vikeśyura āvadhiṣṭhā jīvapatnī patiloke virāja paśyantī prajāṃ sumanasyamānām |
dyauste pṛṣṭhaṃ rakṣatu vāyurūrū aśvinau ca stanaṃ dhayantaṃ savitā'bhi rakṣatu | āvāsasaḥ paridhānādbṛhaspatirviśve devā abhi rakṣantu paścāt | aprajastāṃ pautramṛtyuṃ pāpmānamuta vā'gham |
śīrṣṇaḥ srajamivonmucya dviṣadbhyaḥ prati muñcāmi pāśam | imaṃ me varuṇa tattvā yāmi tvaṃ no agne sa tvaṃ no agne tvamagne ayā'syayā sanmanasā hitaḥ | ayā san havyamūhiṣe'yā no dhehi bheṣajam ||

11.4

iyamaṣṭau ca ||

11.4.p1

5 ā tiṣṭhemamaśmānamaśmeva tva2ṃ sthirā bhava | abhi tiṣṭha pṛtanyataḥ sahasva pṛtanāyataḥ | iyaṃ nāryupa brūte kulpānyāvapantikā | dīrghāyurastu me patirjīvātu śaradaḥ śatam | tubhyamagre paryavahanthsūryāṃ vahatunā saha | punaḥ patibhyo jāyāṃ dā agne prajayā saha | punaḥ patnīmagniradādāyuṣā saha varcasā | dīrghāyurasyā yaḥ patissa etu śaradaḥ śatam | viśvā uta tvayā vayaṃ dhārā udanyā iva | atigāhemahi dviṣaḥ | ā tiṣṭhemamaśmānam | aryamaṇaṃ nu devaṃ kanyā agnimayakṣata | sa imāṃ devo adhvaraḥ preto muñcāti nāmutaḥ subaddhāmamutaskarat | tubhyamagre paryavahanpunaḥ patnīmagniradādviśvā uta tvayā vaya mā tiṣṭhemamaśmānam | tvamaryamā bhavasi yatkanīnāṃ nāma svadhāvathsvaryaṃ bibharṣi | añjanti vṛkṣaṃ sudhitaṃ na gobhiryaddampatī samanasā kṛṇoṣi | tubhyamagre paryavahanpunaḥ patnīmagniradādviśvā uta tvayā vayam | pra tvā muñcāmi varuṇasya pāśādyena tvā'badhnāthsavitā suketaḥ | dhātuśca yonau sukṛtasya loke syonaṃ te saha patyā karomi | imaṃ viṣyāmi varuṇasya pāśaṃ yamabadhnīta savitā suśevaḥ | dhātuśca yonau sukṛtasya loke'riṣṭāṃ tvā saha patyā kṛṇomi | ayāścāgne'syanabhiśastīśca satyamittvamayā asi |
ayasā manasā dhṛto'yasā havyamūhiṣe'yā no dhehi bheṣajam ||

11.5

dviṣaḥ suśevastrīṇi ca ||

11.5.p1

6 satyenottabhitā bhūmissūryeṇottabhitā dyauḥ | ṛtenādityāstiṣṭhanti divi somo adhi śritaḥ | yuñjanti bradhnaṃ yogeyoge |
sukiṃśukaṃ śalmaliṃ viśvarūpaṃ hiraṇyavarṇaṃ suvṛtaṃ sucakram | āroha vadhvamṛtasya loka2ṃ syonaṃ patye vahatuṃ kṛṇuṣva | uduttaramārohantī vyasyantī pṛtanyataḥ |
mūrdhānaṃ patyurāroha prajayā ca virāḍbhava | saṃrājñī śvaśure bhava saṃrājñī śvaśruvāṃ bhava | nanāndari saṃrājñī bhava saṃrājñī adhi devṛṣu | snuṣāṇāg śvaśurāṇāṃ prajāyāśca dhanasya ca | patīnāṃ ca devṝṇāṃ ca sajātānāṃ virāḍbhava | nīlalohite bhavataḥ kṛtyā saktirvyajyate | edhante'syā jñātayaḥ patirbandheṣu badhyate | ye vadhvaścandraṃ vahatuṃ yakṣmā yanti janāṃ anu |
punastān, yajñiyā devā nayantu yata āgatāḥ | mā vidanparipanthino ya āsīdanti dampatī | sugebhirdurgamatītāmapadrāntvarātayaḥ |
sugaṃ panthānamārukṣamariṣṭa2ṃ svastivāhanam | yasminvīro na riṣyatyanyeṣāṃ vindate vasu ||

11.6

dhanasya ca nava ca ||

11.6.p1

7 tā mandasānā manuṣo duroṇa ādhattaṃ rayiṃ daśavīraṃ vacasyave | kṛtaṃ tīrthaṃ suprapāṇaṃ śubhaspatī sthāṇuṃ patheṣṭhāmapa durmatiṃ hatam | ayaṃ no mahyāḥ pāra2ṃ svasti neṣadvanaspatiḥ | sīrā nassutarā bhava dīrghāyutvāya varcase | asya pāre nirṛtasya jīvā jyotiraśīmahi | mahyā indrassvastaye | yadṛte cidabhiśriṣaḥ purā jartṛbhya ātṛdaḥ | sandhātā sandhiṃ maghavā purovasurniṣkartā vihṛtaṃ punaḥ | iḍāmagna imaṃ me varuṇa tattvā yāmi tvaṃ no agne sa tvaṃ no agne tvamagne ayā'si | ye gandharvā apsarasaśca devīreṣu vṛkṣeṣu vānaspatyeṣvāsate | śivāste asyai vadhvai bhavantu mā hiṃsiṣurvahatumūhyamānām | yā oṣadhayo yā nadyo yāni dhanvāni ye vanā | te tvā vadhu prajāvatīṃ pra tve muñcantvaṃhasaḥ | saṃkāśayāmi vahatuṃ brahmaṇā gṛhairaghoreṇa cakṣuṣā maitreṇa |
paryāṇaddhaṃ viśvarūpaṃ yadasyāg syonaṃ patibhyassavitā kṛṇotu tat | ā vāmaganthsumatirvājinīvasū nyaśvinā hṛthsu kāmāṃ ayaṃsata |
abhūtaṃ gopā mithunā śubhaspatī priyā aryamṇo duryāṃ aśīmahi | ayaṃ no devassavitā bṛhaspatirindrāgnī mitrāvaruṇā svastaye | tvaṣṭā viṣṇuḥ prajayā saṃrarāṇaḥ kāma āyātaṃ kāmāya tvā vimuñcatu ||

11.7

āsate nava ca ||

11.7.p1

8 śarma varmedamāharāsyai nāryā upastire | sinīvāli prajāyatāmiyaṃ bhagasya sumatā asat | gṛhānbhadrānthsumanasaḥ prapadye'vīraghnī vīravatassuvīrān | irāṃ vahato ghṛtamukṣamāṇāsteṣvahaṃ sumanāssaṃ viśāmi | āgangoṣṭhaṃ mahiṣī gobhiraśvairāyuṣmatpatnī prajayā svarvit | bahvīṃ prajāṃ janayantī suratnemamagniṃ śatahimāssaparyāt | ayamagnirgṛhapatiḥ susaṃsatpuṣṭivardhanaḥ |
yathā bhagasyābhyāṃ dadadrayiṃ puṣṭimatho prajām | prajāyā ābhyāṃ prajāpata indrāgnī śarma yacchatam | yathainayorna pramīyātā ubhayorjīvatoḥ prajāḥ | tena bhūtena haviṣā'yamāpyāyatāṃ punaḥ | jāyāṃ yāmasmā āvākṣustāṃ rasenābhivardhatām | abhivardhatāṃ payasā'bhi rāṣṭreṇa vardhatām | rayyā sahasrapoṣasemau stāmanapekṣitau | ihaiva staṃ mā viyoṣṭaṃ viśvamāyurvyaśnutam | mahyā indrassvastaye | dhruvaidhi poṣyā mayi mahyaṃ tvā'dādbṛhaspatiḥ | mayā patyā prajāvatī saṃ jīva śaradaḥ śatam | tvaṣṭā jāyāmajanayattvaṣṭā'syai tvāṃ patim | tvaṣṭā sahasramāyuṃṣi dīrghamāyuḥ kṛṇotu vām | imaṃ me varuṇa tattvā yāmi tvaṃ no agne sa tvaṃ no agne tvamagne ayā'si ||

11.8

jīvatoḥ prajā vāmekaṃ ca ||

11.8.p1

9 iha gāvaḥ prajāyadhvamihāśvā iha pūruṣāḥ | iho sahasradakṣiṇo rāyaspoṣo niṣīdatu | somenādityā balinassomena pṛthivī dṛḍhā | atho nakṣatrāṇāmeṣāmupasthe soma ādhitaḥ | prasvassthaḥ preyaṃ prajayā bhuvane śoceṣṭa | iha priyaṃ prajayā te samṛdhyatāmasmin gṛhe gārhapatyāya jāgṛhi | enā patyā tanvaṃ saṃ sṛjasvāthā jīvrī vidathamāvadāsi | sumaṅgalīriyaṃ vadhūrimāṃ sameta paśyata | saubhāgyamasyai datvāyāthāstaṃ viparetana | dhruvakṣitirdhruvayonirdhruvamasi dhruvatassthitam | tvaṃ nakṣatrāṇāṃ methyasi sa mā pāhi pṛtanyataḥ |
sapta ṛṣayaḥ prathamāṃ kṛttikānāmarundhatīṃ yaddhruvatāṃ ha ninyuḥ | ṣaṭkṛttikā mukhyayogaṃ vahantīyamasmākamedhatvaṣṭamī |
sadasaspatimadbhutaṃ priyamindrasya kāmyam | saniṃ medhāmayāsiṣam |
uddīpyasva jātavedo'paghnannirṛtiṃ mama | paśūgśca mahyamāvaha jīvanaṃ ca diśo diśa | māno hiṃsījjātavedo gāmaśvaṃ puruṣaṃ jagat |
abibhradagna āgahi śriyā mā pari pātaya ||

11.9

dhruvataḥ sthitaṃ nava ca ||

11.9.p1

10 udīrṣvāto viśvāvaso namaseḍāmahe tvā | anyāmiccha prapharvyaṃ saṃ jāyāṃ patyā sṛja | udīrṣvātaḥ pativati hyeṣā viśvāvasuṃ namasā gīrbhirīṭṭe | anyāmiccha pitṛṣadaṃ vyaktāṃ sa te bhāgo januṣā tasya viddhi | agne prāyaścitte tvaṃ devānāṃ prāyaścittirasi brāhmaṇastvā nāthakāmaḥ prapadye yā'syāṃ patighnī tanūḥ prajāghnī paśughnī lakṣmighnī jāraghnīmasyaitāṃ kṛṇomi svāhā | vāyo prāyaścitta āditya prāyaścitte prajāpate prāyaścitte tvaṃ devānāṃ prāyaścittirasi brāhmaṇastvā nāthakāmaḥ prapadye yā'syāṃ patighnī tanūḥ prajāghnī paśughnī lakṣmighnī jāraghnīmasyai tāṃ kṛṇomi svāhā | prasavaścopayāmaśca kāṭaścārṇavaśca dharṇasiśca draviṇaṃ ca bhagaścāntarikṣaṃ ca sindhuśca samudraśca sarasvāgśca viśvavyacāśca te yaṃ dviṣmo yaśca no dveṣṭi tameṣāṃ jambhe dadhmaḥ svāhā | madhuśca mādhavaśca śukraśca śuciśca nabhaśca nabhasyaśceṣaścorjaśca sahaśca sahasyaśca tapaśca tapasyaśca te yaṃ dviṣmo yaśca no dveṣṭi tameṣāṃ jambhe dadhmaḥ svāhā | cittaṃ ca cittiścākūtaṃ cākūtiścādhītaṃ cādhītiśca vijñātaṃ ca vijñānaṃ ca nāma ca kratuśca darśaśca pūrṇamāsaśca te yaṃ dviṣmo yaśca no dveṣṭi tameṣāṃ jambhe dadhmaḥ svāhā | bhūssvāhā bhuvassvāhā suvassvāhogsvāhā ||

11.10

udīrṣvāto daśa ||

11.10.p1

11 apaśyaṃ tvā manasā cekitānaṃ tapaso jātaṃ tapaso vibhūtam |
iha prajāmiha rayiṃ rarāṇaḥ prajāyasva prajayā putrakāma | apaśyaṃ tvā manasā dīdhyānāg svāyāṃ tanūṃ ṛtviye nāthamānām | upa māmuccā yuvatirbabhūyāḥ prajāyasva prajayā putrakāme | samañjantu viśve devāssamāpo hṛdayāni nau | saṃ mātariśvā saṃ dhātā samu deṣṭrī dideṣṭu nau | prajāpate tanvaṃ me juṣasva tvaṣṭardevebhissahasāma indra | viśvairdevai rātibhiḥ saṃrarāṇaḥ puṃsāṃ bahūnāṃ mātaraḥ syāma | ā naḥ prajāṃ janayatu prajāpatirājarasāya samanaktvaryamā |
adurmaṅgalīḥ patilokamāviśa śaṃ no bhava dvipade śaṃ catuṣpade | tāṃ pūṣañ-chivatamāmerayasva yasyāṃ bījaṃ manuṣyā vapanti | yā na ūrū uśatī visrayātai yasyāmuśantaḥ praharema śepham ||

11.11

śaṃ catuṣpade dve ca ||

11.11.p1

12 ārohorumupabarhasva bāhuṃ pariṣvajasva jāyāṃ sumanasyamānaḥ |
tasyāṃ puṣyataṃ mithunau sayonī bahvīṃ prajāṃ janayantau saretasā |
ārdrayā'raṇyā yatrāmanthatpuruṣaṃ puruṣeṇa śakraḥ | tadetau mithunau sayonī prajayā'mṛteneha gacchatam | ahaṃ garbhamadadhāmoṣadhīṣvahaṃ viśveṣu bhuvaneṣvantaḥ | ahaṃ prajā ajanayaṃ pitṛṇāmahaṃ janibhyo aparīṣu putrān | putriṇemā kumāriṇā viśvamāyurvyaśnutam | ubhā hiraṇyapeśasā vītihotrā kṛtadvasū | daśasyantvā'mṛtāya kaṃ śamūdho romaśaṃ hatho deveṣu kṛṇuto duvaḥ ||

11.12

āroha nava ||

11.12.p1

13 viṣṇuṟyoniṃ kalpayatu tvaṣṭā rūpāṇi piṃśatu | āsiñcatu prajāpatirdhātā garbhaṃ dadhātu te | garbhaṃ dhehi sinīvāli garbhaṃ dhehi sarasvati | garbhaṃ te aśvinau devāvādhattāṃ puṣkarasrajā | hiraṇyayī araṇī yaṃ nirmanthato aśvinā | taṃ te garbhaṃ havāmahe daśame māsi sūtave | yatheyaṃ pṛthivī mahī tiṣṭhantī garbhamādadhe | evaṃ tvaṃ garbhamādhathsva daśame māsi sūtave | yathā pṛthivyagnigarbhā dyauryathendreṇa garbhiṇī | vāyuryathā diśāṃ garbha evaṃ garbhaṃ dadhāmi te |
viṣṇo śreṣṭhena rūpeṇāsyāṃ nāryāṃ gavīnyām | pumāṃsaṃ garbhamādhehi daśame māsi sūtave | nejameṣa parāpata saputraḥ punarāpata | asyai me putrakāmāyai garbhamādhehi yaḥ pumān | vyasya yoniṃ prati reto gṛhāṇa pumānputro dhīyatāṃ garbho antaḥ | taṃ mātā daśamāso bibhartu sa jāyatāṃ vīratamassvānām | ā te garbho yonimetu pumānbāṇa iveṣudhim | ā vīro jāyatāṃ putraste daśamāsyaḥ ||

11.13

garbhaṃ dadhāmi te'ṣṭau ca ||

11.13.p1

14 karomi te prājāpatyamā garbho yonimetu te | anūnaḥ pūrṇo jāyatāmaśloṇo'piśācadhītaḥ | pumāgste putro nāri taṃ pumānanujāyatām |
tāni bhadrāṇi bījānyṛṣabhā janayantu nau | yāni bhadrāṇi bījānyṛṣabhā janayanti naḥ | taistvaṃ putrān, vindasva sā prasūrdhenukā bhava |
kāmapramṛdhyatāṃ mahyamaparājitameva me | yaṃ kāmaṃ kāmaye deva taṃ me vāyo samardhaya | anuhavaṃ parihavaṃ parīvādaṃ parikṣapam |
dussvapnaṃ duruditaṃ taddviṣadbhyo diśāmyaham | anuhūtaṃ parihūtaṃ śakuneryadaśākunam | mṛgasya sṛtamakṣṇayā taddviṣadbhyo diśāmyaham | ārātte agnirastvārātparaśurastu te | nivāte tvā'bhi varṣatu svasti te'stu vanaspate svasti me'stu vanaspate | namaḥ śakṛthsade rudrāya namo rudrāya śakṛthsade | goṣṭhamasi namaste astu mā mā hiṃsīḥ sigasi nasi vajro namaste astu mā mā hiṃsīḥ | udgāteva śakune sāma gāyasi brahmaputra iva savaneṣu śaṃsasi | svasti naḥ śakune astu prati nassumanā bhava ||

11.14

ahamaṣṭau ca ||

11.14.p1

15 prātaragniṃ prātarindraṃ havāmahe prātarmitrāvaruṇā prātaraśvinā |
prātarbhagaṃ pūṣaṇaṃ brahmaṇaspatiṃ prātaḥ somamuta rudraṃ huvema | prātarjitaṃ bhagamugraṃ huvema vayaṃ putramaditeṟyo vidhartā |
ādhraścidyaṃ manyamānasturaścidrājā cidyaṃ bhagaṃ bhakṣītyāha |
bhaga praṇetarbhaga satyarādho bhagemāṃ dhiyamudava dadannaḥ | bhaga praṇo janaya gobhiraśvairbhaga pranṛbhirnṛvantaḥ syāma | utedānīṃ bhagavantaḥ syāmota prapitva uta madhye ahnām | utoditā maghavanthsūryasya vayaṃ devānāṃ sumatau syāma | bhaga eva bhagavāṃ astu devāstena vayaṃ bhagavantassyāma | taṃ tvā bhaga sarva ijjohavīmi sa no bhaga pura etā bhaveha | samadhvarāyoṣaso namanta dadhikrāveva śucaye padāya |
arvācīnaṃ vasuvidaṃ bhagaṃ no rathamivāśvā vājina āvahantu |
aśvāvatīrgomatīrna uṣāso vīravatīssadamucchantu bhadrāḥ | ghṛtaṃ duhānā viśvataḥ prapīnā yūyaṃ pāta svastibhissadā naḥ ||

11.15

bhaveha catvāri ca ||

11.15.p1

16 imāṃ khanāmyoṣadhīṃ vīrudhaṃ balavattamām | yayā sapatnīṃ bādhate yayā saṃvindate patim | uttānaparṇe subhage sahamāne sahasvati |
sapatnīṃ me parādhama patiṃ me kevalaṃ kṛdhi | uttarā'hamuttara uttareduttarābhyaḥ | athā sapatnī yā mamādharā sā'dharābhyaḥ | na hyasyai nāma gṛbhṇāmi no asminramate jane | parāmeva parāvataṃ sapatnīṃ nāśayāmasi | ahamasmi sahamānā'tha tvamasi sāsahiḥ | ubhe sahasvatī bhūtvā sapatnīṃ me sahāvahai | upa te'dhāṃ sahamānāmabhi tvā'dhāṃ sahīyasā | māmanu pra te mano vathsaṃ gauriva dhāvatu pathā vāriva dhāvatu ||

11.16

sahāvahai dve ca ||

11.16.p1

17 udasau sūryo agādudayaṃ māmako bhagaḥ | ahaṃ tadvidvalā patimabhyasākṣi viṣāsahiḥ | ahaṃ keturahaṃ mūrdhā'hamugrā vivācanī |
mamedanu kratuṃ patissehānāyā uvācaret | mama putrāḥ śatruhaṇo'tho me duhitā virāṭ | utāhamasmi saṃjayā patyurme śloka uttamaḥ | yenendro haviṣā kṛtyabhavaddivyuttamaḥ | ahaṃ tadakri devā asapatnā kilābhavam | asapatnā sapatnighnī jayantyabhibhūvarīḥ | āvithsi sarvāsāṃ rādho varco astheyasāmiva | samajaiṣamimā ahaṃ sapatnīrabhibhūvarīḥ |
yathā'hamasya vīrasya virājāmi dhanasya ca ||

11.17

astheyasāmiva dve ca ||

11.17.p1

18 akṣībhyāṃ te nāsikābhyāṃ karṇābhyāṃ cubukādadhi | yakṣmaṃ śīrṣaṇyaṃ mastiṣkājjihvāyā vivṛhāmi te | grīvābhyasta uṣṇihābhyaḥ kīkasābhyo'nūkyāt | yakṣmaṃ doṣaṇyamaṃsābhyāṃ bāhubhyāṃ vivṛhāmi te | āntrebhyaste gudābhyo vaniṣṭhor hṛdayādadhi | yakṣmaṃ matasnābhyāṃ yaknaḥ plāśibhyo vivṛhāmi te | ūrubhyāṃ te'ṣṭhīvadbhyāṃ jaṅghābhyāṃ prapadābhyām | yakṣmagg śroṇībhyāṃ bhāsadāddhvaṃsaso vivṛhāmi te | mehanādvalaṅkaraṇāllomabhyaste nakhebhyaḥ | yakṣmaṃ sarvasmādātmanastamimaṃ vivṛhāmi te | aṅgādaṅgāllomnolomno jātaṃ parvaṇiparvaṇi | yakṣmaṃ sarvasmādātmanastamimaṃ vivṛhāmi te |
parādehi śābalyaṃ brahmabhyo vibhajā vasu | kṛtyaiṣā padvatī bhūtvā jāyā''viśate patim | aślīlā tanūrbhavati ruśatī pāpayā'muyā | patiryadvadhvai vāsasā svamaṅgamabhi dhithsati |
krūrametat kaṭukametadapāṣṭhavadviṣavannaitadattave | sūryāṃ yaḥ pratyakṣaṃ vidyāthsa etatpratigṛhṇīyāt | āśasanaṃ viśasanamatho adhi vicartanam | sūryāyāḥ paśya rūpāṇi tāni brahmota śaṃsati ||

11.18

imaṃ vivṛhāmi te śaṃsati ||

11.18.p1

akṣī(bhyāṃ) grīvā(bhya) āntre(bhya) ūru(bhyāṃ) mehanādaṅgādaṅgātparādehi sapta ||

11.18_2

prasugmantā'ṣṭādaśa hiraṇyavarṇāḥ pañcadaśa somaḥ prathamaḥ ṣoḍaśa somāya janivide'ṣṭādaśātiṣṭhemaṃ trayoviṃśatiḥ satyena tā mandasānaikānna viṃśatirekānna viṃśatiḥ śarma varmaikaviṃśatiriha gāva ekānna viṃśatirudīrṣvāto daśāpaśyaṃ tvā dvādaśārohoruṃ nava viṣṇuṟyoniṃ karomi te'ṣṭādaśāṣṭādaśa prātaragniṃ caturdaśemāṃ khanāmyudasau sūryo dvādaśa dvādaśākṣībhyāṃ te viṃśatiraṣṭādaśa ||

11.18_3

prasugmantā'paśyaṃ tvā'ṣṭādaśa ||

11.18_3.p1

prasugmantā tāni brahmota śaṃsati ||

Linked texts (11)