Taittirīya Āraṇyaka 11.10.p1

11.10.p1

11 apaśyaṃ tvā manasā cekitānaṃ tapaso jātaṃ tapaso vibhūtam |
iha prajāmiha rayiṃ rarāṇaḥ prajāyasva prajayā putrakāma | apaśyaṃ tvā manasā dīdhyānāg svāyāṃ tanūṃ ṛtviye nāthamānām | upa māmuccā yuvatirbabhūyāḥ prajāyasva prajayā putrakāme | samañjantu viśve devāssamāpo hṛdayāni nau | saṃ mātariśvā saṃ dhātā samu deṣṭrī dideṣṭu nau | prajāpate tanvaṃ me juṣasva tvaṣṭardevebhissahasāma indra | viśvairdevai rātibhiḥ saṃrarāṇaḥ puṃsāṃ bahūnāṃ mātaraḥ syāma | ā naḥ prajāṃ janayatu prajāpatirājarasāya samanaktvaryamā |
adurmaṅgalīḥ patilokamāviśa śaṃ no bhava dvipade śaṃ catuṣpade | tāṃ pūṣañ-chivatamāmerayasva yasyāṃ bījaṃ manuṣyā vapanti | yā na ūrū uśatī visrayātai yasyāmuśantaḥ praharema śepham ||