Taittirīya Āraṇyaka 12.19
Taittirīyāraṇyaka (complete text) 12.19
- Language
- Sanskrit
12.19
amuṣmai svāhā svadhā svāhaikaṃ ca ||
12.19.p1
20 pṛthivī te pātraṃ dyaurapidhānaṃ brahmaṇastvā mukhe juhomi brāhmaṇānāṃ tvā prāṇāpānayorjuhomyakṣitamasi maiṣāṃ kṣeṣṭhā amutrā'muṣminloke | mārjayantāṃ mama pitaro mārjayantāṃ mama pitāmahā mārjayantāṃ mama prapitāmahā mārjayantāṃ mama mātaro mārjayantāṃ mama pitāmahyo mārjayantāṃ mama prapitāmahyaḥ | etatte tatāsau ye ca tvāmanvetatte pitāmahāsau ye ca tvāmanvetatte prapitāmahāsau ye ca tvāmanvetatte mātarasau yāśca tvāmanvetatte pitāmahyasau yāśca tvāmanve tatte prapitāmahyasau yāśca tvāmanu | mārjayantāṃ mama pitara ityete | ye ca vo'tra ye cāsmāsvāśaṃ sante yāśca vo'tra yāścāsmāsvāśaṃ sante te ca vahantāṃ tāśca vahantāṃ tṛpyantu bhavanta stṛpyantu bhavatya stṛpyata tṛpyata tṛpyata |
putrānpautrānabhi tarpayantīrāpo madhumatīrimāḥ | svadhāṃ pitṛbhyo amṛtaṃ duhānā āpo devīrubhayāgstarpayantu | tṛpyata tṛpyata tṛpyata | prāṇe niviṣṭo'mṛtaṃ juhomi brahmaṇi ma ātmā'mṛtatvāya | yāṃ janāḥ pratinandanti rātriṃ dhenumivāyatīm | saṃvathsarasya yā patnī sā no astu sumaṅgalī svāhā | vaha vapāṃ jātavedaḥ pitṛbhyo yatrainān vettha nihitānparāke | medasaḥ kūlyā upa tānkṣarantu satyā etā āśiṣassantu kāmaissvāhā | yāṃ janāḥ pratinandantītyeṣā |
iyameva sā yā prathamā vyaucchaditi tisraḥ | ekāṣṭakāṃ paśyata dohamānāmannaṃ māṃsavad ghṛtavathsvadhāvat | tadbrāhmaṇairati pūtamanantamakṣayyamamuṣmin loke sphītiṃ gacchatu me pitṛbhyaḥ svāhā | aulūkhalā grāvāṇo ghoṣamakrata haviḥ kṛṇvantaḥ parivathsarīṇam | ekāṣṭake suprajā vīravanto vaya2ṃ syāma patayo rayīṇām |
ekāṣṭakā tapasā tapyamānā saṃvathsarasya patnī duduhe prapīnā | taṃ dohamupa jīvātha pitaraḥ sahasradhāramamuṣmin loke svāhā ||
Linked texts (3)
- Hiraṇyakeśigṛhyasūtra — Hiraṇyakeśin, Sanskrit
- Bhāradvājagṛhyasūtra — Sanskrit
- Ekāgnikāṇḍa — Sanskrit