Taittirīya Āraṇyaka 3.10

Taittirīyāraṇyaka (complete text) 3.10

Language: Sanskrit

3.10

dātā puruṣamāpaḥ pratigrahītre nava ca ||

20 suvarṇaṃ gharmaṃ pariveda venam | indrasyātmānaṃ daśadhā carantam | antassamudre manasā carantam | brahmā'nvavindaddaśahotāramarṇe | antaḥ praviṣṭaḥ śāstā janānām | ekassanbahudhā vicāraḥ | śataṃ śukrāṇi yatraikaṃ bhavanti | sarve vedā yatraikaṃ bhavanti | sarve hotāro yatraikaṃ bhavanti | sa mānasīna ātmā janānām ||

3.10.p2

21 antaḥ praviṣṭaḥ śāstā janānāṃ sarvātmā | sarvāḥ prajā yatraikaṃ bhavanti | caturhotāro yatra sampadaṃ gacchanti devaiḥ | sa mānasīna ātmā janānām | brahmendramagniṃ jagataḥ pratiṣṭhām | diva ātmānaṃ savitāraṃ bṛhaspatim | caturhotāraṃ pradiśo'nuklṛptam | vāco vīryaṃ tapasā'nvavindat | antaḥ praviṣṭaṃ kartārametam | tvaṣṭāraṃ rūpāṇi vikurvantaṃ vipaścim ||

3.10.p3

22 amṛtasya prāṇaṃ yajñametam | caturhotṛṇāmātmānaṃ kavayo nicikyuḥ | antaḥ praviṣṭaṃ kartārametam | devānāṃ bandhu nihitaṃ guhāsu |
amṛtena klṛptaṃ yajñametam | caturhotṛṇāmātmānaṃ kavayo nicikyuḥ | śataṃ niyutaḥ pariveda viśvā viśvavāraḥ | viśvamidaṃ vṛṇāti |
indrasyātmā nihitaḥ pañcahotā | amṛtaṃ devānāmāyuḥ prajānām ||

3.10.p4

23 indraṃ rājānaṃ savitārametam | vāyorātmānaṃ kavayo nicikyuḥ | raśmiṃ raśmīnāṃ madhye tapantam | ṛtasya pade kavayo nipānti | ya āṇḍakośe bhuvanaṃ bibharti | anirbhiṇṇaḥ sannatha lokān, vicaṣṭe | yasyāṇḍakośaṃ śuṣmamāhuḥ prāṇamulbam | tena klṛpto'mṛtenāhamasmi | suvarṇaṃ kośaṃ rajasā parīvṛtam |
devānāṃ vasudhānīṃ virājam ||

3.10.p5

24 amṛtasya pūrṇāṃ tāmu kalāṃ vicakṣate | pādaṃ ṣaḍḍhoturna kilā vivithse | yenartavaḥ pañcadhota klṛptāḥ | uta vā ṣaḍdhā manasota klṛptāḥ | taṃ ṣaḍḍhotāramṛtubhiḥ kalpamānam | ṛtasya pade kavayo nipānti |
antaḥ praviṣṭaṃ kartārametam | antaścandramasi manasā carantam |
sahaiva santaṃ na vijānanti devāḥ | indrasyātmānaṃ śatadhā carantam ||

3.10.p6

25 indro rājā jagato ya īśe | saptahotā saptadhā viklṛptaḥ |
pareṇa tantuṃ pariṣicyamānam | antarāditye manasā carantam |
devānāṃ hṛdayaṃ brahmā'nvavindat | brahmaitadbrahmaṇa ujjabhāra | arka2ṃścotantaṃ sarirasya madhye | ā yasminthsapta peravaḥ |
mehanti bahulāg śriyam | bahvaśvāmindra gomatīm ||

3.10.p7

26 acyutāṃ bahulāg śriyam | sa harirvasuvittamaḥ | perurindrāya pinvate |
bahvaśvāmindra gomatīm | acyutāṃ bahulāg śriyam | mahyamindro niyacchatu | śataṃśatā asya yuktā harīṇām | arvāṅāyātu vasubhī raśmirindraḥ | pramaṃhamāṇo bahulāg śriyam | raśmirindrassavitā me niyacchatu ||

3.10.p8

27 ghṛtantejo madhumadindriyam | mayyayamagnirdadhātu | hariḥ pataṅgaḥ paṭarī suparṇaḥ | divikṣayo nabhasā ya eti | sa na indraḥ kāmavaraṃ dadātu | pañcāraṃ cakraṃ parivartate pṛthu | hiraṇyajyotiḥ sarirasya madhye | ajasraṃ jyotirnabhasā sarpadeti | sa na indraḥ kāmavaraṃ dadātu |
sapta yuñjanti rathamekacakram ||

3.10.p9

28 eko aśvo vahati saptanāmā | trinābhi cakramajaramanarvam |
yenemā viśvā bhuvanāni tasthuḥ | bhadraṃ paśyanta upaseduragre | tapo dīkṣāmṛṣayaḥ suvarvidaḥ | tataḥ, kṣatraṃ balamojaśca jātam | tadasmai devā abhisannamantu | śvetaṃ raśmiṃ bobhujyamānam | apānnetāraṃ bhuvanasya gopām | indraṃ nicikyuḥ parame vyoman ||

3.10.p10

29 rohiṇīḥ piṅgalā ekarūpāḥ | kṣarantīḥ piṅgalā ekarūpāḥ | śataṃ sahasrāṇi prayutāni nāvyānām | ayaṃ yaḥ śveto raśmiḥ | pari sarvamidaṃ jagat | prajāṃ paśūndhanāni | asmākaṃ dadātu | śveto raśmiḥ pari sarvaṃ babhūva | suvanmahyaṃ paśūn, viśvarūpān | pataṅgamaktamasurasya māyayā ||

3.10.p11

30 hṛdā paśyanti manasā manīṣiṇaḥ | samudre antaḥ kavayo vicakṣate | marīcīnāṃ padamicchanti vedhasaḥ | pataṅgo vācaṃ manasā bibharti | tāṃ gandharvo'vadadgarbhe antaḥ | tāṃ dyotamānāg svaryaṃ manīṣām | ṛtasya pade kavayo nipānti | ye grāmyāḥ paśavo viśvarūpāḥ | virūpāssanto bahudhaikarūpāḥ | agnistāṃ agre pramumoktu devaḥ ||

3.10.p12

31 prajāpatiḥ prajayā saṃvidānaḥ | vīta2ṃ stukestuke | yuvamasmāsu niyacchatam | prapra yajñapatintira | ye grāmyāḥ paśavo viśvarūpāḥ | virūpāssanto bahudhaikarūpāḥ | teṣāṃ saptānāmiha rantirastu |
rāyaspoṣāya suprajāstvāya suvīryāya | ya āraṇyāḥ paśavo viśvarūpāḥ |
virūpāssanto bahudhaikarūpāḥ ||

3.10.p13

32 vāyustāṃ agre pramumoktu devaḥ | prajāpatiḥ prajayā saṃvidānaḥ |
iḍāyai sṛptaṃ ghṛtavaccarācaram | devā anvavindanguhāhitam | ya āraṇyāḥ paśavo viśvarūpāḥ | virūpāssanto bahudhaikarūpāḥ | teṣāṃ saptānāmiha rantirastu | rāyaspoṣāya suprajāstvāya suvīryāya ||

Commentaries (2)

Taittirīyāraṇyakabhāṣya (Sāyaṇa) — Sāyaṇa, Sanskrit
Vedārthaprakāśa — Sāyaṇa alias Mādhava, Sanskrit

Linked texts (7)

Taittirīyasaṃhitā — Sanskrit
Taittirīyāruṇa — Sanskrit
Cittiprapāṭhaka — Sanskrit
Prayogadarpaṇa (Vīrarāghava) — Vīrarāghava, Sanskrit
Pūjāprakāśa — Mitramiśra, Sanskrit
Yallājīya — Yallāji, Sanskrit
Pañcamāṣṭaka — Sanskrit