Taittirīya Āraṇyaka 3.9

Taittirīyāraṇyaka (complete text) 3.9

Language: Sanskrit

15 devasya tvā savituḥ prasave | aśvinorbāhubhyām | pūṣṇo hastābhyāṃ pratigṛhṇāmi | rājā tvā varuṇo nayatu devi dakṣiṇe'gnaye hiraṇyam |
tenāmṛtatvamaśyām | vayo dātre | mayo mahyamastu pratigrahītre | ka idaṃ kasmā adāt | kāmaḥ kāmāya | kāmo dātā ||

3.9.p2

16 kāmaḥ pratigṛhītā | kāmaṃ samudramāviśa | kāmena tvā pratigṛhṇāmi |
kāmaitatte | eṣā te kāma dakṣiṇā | uttānastvā''ṅgirasaḥ pratigṛhṇātu | somāya vāsaḥ | rudrāya gām | varuṇāyāśvam | prajāpataye puruṣam ||

3.9.p3

17 manave talpam | tvaṣṭre'jām | pūṣṇe'vim | nirṛtyā aśvataragardabhau | himavato hastinam | gandharvāpsarābhyaḥ sragalaṅkaraṇe | viśvebhyo devebhyo dhānyam | vāce'nnam | brahmaṇa odanam | samudrāyāpaḥ ||

3.9.p4

18 uttānāyāṃgīrasāyānaḥ | vaiśvānarāya ratham | vaiśvānaraḥ pratnathā nākamāruhat | divaḥ pṛṣṭhaṃ bhandamānaḥ sumanmabhiḥ | sa pūrvavajjanayajjantave dhanam | samānamajmā pariyāti jāgṛviḥ |
rājā tvā varuṇo nayatu devi dakṣiṇe vaiśvānarāya ratham | tenāmṛtatvamaśyām | vayo dātre | mayo mahyamastu pratigrahītre ||

3.9.p5

19 ka idaṃ kasmā adāt | kāmaḥ kāmāya | kāmo dātā | kāmaḥ pratigrahītā |
kāmaṃ samudramāviśa | kāmena tvā pratigṛhṇāmi | kāmaitatte | eṣā te kāma dakṣiṇā | uttānastvā''ṅgirasaḥ pratigṛhṇātu ||

Linked texts (4)

Āpastambaśrautasūtra — Āpastamba, Sanskrit
Śākala — Sanskrit
Kalpaḥ — Sanskrit
Hiraṇyakeśiśrautasūtra (ed. Kāśīnāthaśāstrī Āgāśe, Ānandāśrama 1907, with Mahādeva's Vaijayantī) — Sanskrit