Taittirīya Āraṇyaka 4.5
Taittirīyāraṇyaka (complete text) 4.5
- Language
- Sanskrit
4.5
anaktvasādīduttarataḥ pāhi pratimā asi yajataṃ te anyajjāgatamasyekaṃ ca ||
4.5.p1
19 daśa prācīrdaśa bhāsi dakṣiṇā | daśa pratīcīrdaśa bhāsyudīcīḥ | daśordhvā bhāsi sumanasyamānaḥ | sa no rucaṃ dhehyahṛṇīyamānaḥ |
agniṣṭvā vasubhiḥ purastādrocayatu gāyatreṇa chandasā | sa mā rucito rocaya | indrastvā rudrairdakṣiṇato rocayatu traiṣṭubhena chandasā | sa mā rucito rocaya | varuṇastvādityaiḥ paścādrocayatu jāgatena chandasā | sa mā rucito rocaya ||
4.5.p2
20 dyutānastvā māruto marudbhiruttarato rocayatvānuṣṭubhena chandasā |
sa mā rucito rocaya | bṛhaspatistvā viśvairdevairupariṣṭādrocayatu pāṅktena chandasā | sa mā rucito rocaya | rocitastvaṃ deva gharma deveṣvasi | rociṣīyāhaṃ manuṣyeṣu | samrāḍgharma rucitastvaṃ deveṣvāyuṣmāgstejasvī brahmavarcasyasi | rucito'haṃ manuṣyeṣvāyuṣmāgstejasvī brahmavarcasī bhūyāsam | rugasi | rucaṃ mayi dhehi ||
4.5.p3
21 mayi ruk | daśa purastādrocase | daśa dakṣiṇā | daśa pratyaṅ |
daśodaṅṅ | daśordhvo bhāsi sumanasyamānaḥ | sa naḥ samrāḍiṣamūrjaṃ dhehi | vājī vājine pavasva | rocito gharmo rucīya ||
Other recensions (1)
- Taittirīyāraṇyaka — Sanskrit
Linked texts (1)
- Maitrāyaṇīsaṃhitā — Sanskrit