Taittirīya Āraṇyaka 6.10
Taittirīyāraṇyaka (complete text) 6.10
- Language
- Sanskrit
6.10
bhava jambhayāmasi trīṇi ca ||
6.10.p1
25 apa naḥ śośucadaghamagne śuśuddhyā rayim | apa naḥ śośucadagham | sukṣetriyā sugātuyā vasūyā ca yajāmahe | apa naḥ śośucadagham |
pra yadbhandiṣṭha eṣāṃ prāsmākāsaśca sūrayaḥ | apa naḥ śośucadagham |
pra yadagnessahasvato viśvato yanti sūrayaḥ | apa naḥ śośucadagham |
pra yatte agne sūrayo jāyemahi pra te vayam | apa naḥ śośucadagham ||
6.10.p2
26 tvaṃ hi viśvatomukha viśvataḥ paribhūrasi | apa naḥ śośucadagham | dviṣo no viśvato mukhā'ti nāveva pāraya | apa naḥ śośucadagham |
sa nassindhumiva nāvayā'tiparṣā svastaye | apa naḥ śośucadagham |
āpaḥ pravaṇādiva yatīrapāsmathsyandatāmagham | apa naḥ śośucadagham | udvanādudakānīvāpāsmathsyandatāmagham | apa naḥ śośucadagham |
ānandāya pramodāya punarāgāg svāngṛhān | apa naḥ śośucadagham |
na vai tatra pramīyate gauraśvaḥ puruṣaḥ paśuḥ | yatredaṃ brahma kriyate paridhirjīvanāya kamapa naḥ śośucadagham ||